《台语kah魔术》

 | | | 转寄

0501劳动节

作者 苏晏德 2023.04.30

劳动节(台语文) Lô-tōng-cheh

五月初一劳动节 Gō͘-goe̍h chhe-it Lô-tōng-cheh
劳工辛苦无怨戚 Lô-kang sin-khó͘ bô oàn-chheh
上山落海拚经济 Chiūⁿ-soaⁿ lo̍h-hái piàⁿ keng-chè
日日经营为着家 Ji̍t-ji̍t keng-êng ūi-tio̍h ke

经济起飞靠劳工 Keng-chè khí-poe khò lô-kang
感谢劳工斗相共 Kám-siā lô-kang tàu-sio-kāng
起造幸福的美梦 Khí-chō hēng-hok ê bí-bāng
台湾快乐来出帆 Tâi-oân khoài-lo̍k lâi chhut-phâng

劳工国家的资产 Lô-kang kok-ka ê chu-sán
辛苦付出无怨叹 Sin-khó͘ hù-chhut bô oàn-thàn
国家修法定专案 Kok-ka siu-hoat tēng choan-àn
法律健全保平安 Hoat-lu̍t kiān-choân pó pêng-an

劳动条件爱周全 Lô-tōng tiâu-kiāⁿ ài chiu-choân
大众劳工的心愿 Tāi-chiòng lô-kang ê sim-goān
逐工辛苦无平凡 Ta̍k-kang sin-khó͘ bô pêng-hoân
日夜拍拚为台湾 Ji̍t-iā phah-piàⁿ ūi Tâi-oân