《台语kah魔术》

 | | | 转寄

0404~05清明节

作者 苏晏德 2024.03.31

清明节(台语文)
Chheng-bêng-cheh(Tâi-gí-bûn)

四月初五清明节
Sì-goe̍h chhe-gōo Chheng-bêng-cheh
冗早起床见上帝
Liōng-chá khí-chhn̂g kìⁿ Siōng-tè
朝阳礼拜来献祭
Tiau-iông lé-pài lâi hiàn-chè
全家出动扫墓地
Choân-ke chhut-tōng sàu bōng-tē

四月初五是清明
Sì-goe̍h chhe-gōo sī Chheng-bêng
主的事工无时停
Chú ê sū-kang bô-sî-thêng
全家大细到墓前
Choân-ke tōa-sè kàu bōng-chêng
数念祖先大恩情
Siàu-liām chóo-sian tōa un-chêng

清明节期食润饼
Chheng-bêng cheh-kî chia̍h lūn-piáⁿ
祈祷奉主的圣名
Kî-tó hōng Chú ê sèng-miâ
保咱身体较勇健
Pó lán sin-thé khah ióng-kiāⁿ
热心服事阁拍拚
Jia̍t-sim ho̍k-sāi koh phah-piàⁿ

清明节期来培墓
Chheng-bêng cheh-kî lâi pōe-bōng
大大细细齐出动
Tōa-tōa sè-sè chiâu chhut-tōng
家族虔诚来事奉
Ka-cho̍k khiân-sêng lâi sū-hōng
上帝赐咱拢安康
Siōng-tè sù lán lóng an-khong