《台语kah魔术》

 | | | 转寄

0404儿童节

作者 苏晏德 2024.03.31

儿童节(台语文)
Jî-tông-cheh

四月初四儿童节
Sì-goe̍h chhe-sì Jî-tông-cheh
国定假日免读册
Kok-tēng kà-ji̍t bián tha̍k-chheh
全家欢喜来踅街
Choân-ke hoaⁿ-hí lâi se̍h-ke
幸福笑容满四界
Hēng-hok chhiò-iông móa-sì-kè

儿童国家的未来
Jî-tông kok-ka ê bī-lâi
培养未来的人才
Pôe-ióng bī-lâi ê jîn-châi
照顾细囝用真爱
Chiàu-kò͘ sè-kiáⁿ iōng chin-ài
予in生活足精彩
Hō͘ in seng-oa̍h chiok chheng-chhái

儿童国家的资产
Jî-tông kok-ka ê chu-sán
国家未来的接班
Kok-ka bī-lâi ê chiap-pan
祝福儿童拢平安
Chiok-hok jî-tông lóng pêng-an
予in幸福紧大汉
Hō͘ in hēng-hok kín tōa-hàn

儿童人权爱保护
Jî-tông jîn-koân ài pó-hō͘
未来主人爱照顾
Bī-lâi chú-lâng ài chiàu-kò͘
虽然晟养真辛苦
Sui-jiân chhiâⁿ-ióng chin sin-khó͘
拍拚着有好前途
phah-piàⁿ tio̍h ū hó chiân-tô͘