《宁毁不銹―马偕e5故事》

 | | | 转寄

一点一滴ê准备

作者 曹永洋 2009.01.25

立志beh做宣教师ê少年，tī伊后来ê求学路程中，从头至尾lóng无减chió伊ê热情。

就算tī伊奉献一生ê道路chìn前，伊iáu需要17年ê时间，mā m̄-Bat动摇伊坚定ê心志。

马偕tī伊ê故乡左拉村读完小学了后，进入多伦多师范学校深造。

伊知影ài做一个尽职ê宣教师，必须mā ài是一个优秀ê教师。教学技巧kap教育心理对将来ê宣教工作，一定有真大ê帮助。

Phah-piàⁿ学习ê伊，3年内，逐年学业成绩lóng tī头前。毕业了后，伊前后tī 2间小学服务5、6年。实际ê教学经验，伊koh-khah感觉珍贵。

Chit时已经22岁ê伊，mā无bē记得家己siōng早ê心愿kap目标，是投入宣教师ê工作。所以tī 1866年9月，马偕进入多伦多大学kap诺斯神学院深造。

隔tńg年9月，伊koh转入美国出名ê普林斯顿大学神学院，继续攻读神学课程。
3年神学院求学期间，伊bat hō͘希伯来语学家格林博（Dr.Green）教过，耶稣生活史学家马可徐博士（Dr.Janes McCosh）kap影响伊极深远ê何基博士（Dr.Charles Hodge）等几位恩师门下，度过重要ê神学院求学生涯。

1870年4月26日，马偕修完全部课程，照普林斯顿神学院ê统，chit时教授kap毕业生会聚集tī学校内底，毕业生kā文凭放tī土kha，kap chèng-chêng chhéng-kàu ha̍k-si̍p ê教授互相牵手，围做一个圆kho͘-á，khiā-the作伙唱（来自格陵山ê冰山）（现收入台语圣诗--0三首＜下遍遍各邦国＞）。

何基教授mā tī chit阵师生内底，伊真诚恳为chit班毕业生祈祷、祝福，逐家tī珍重koh再见、m̄-kam ê气氛内底各奔前程。

马偕hit暗tio̍h整理物件，ùi美国tńg来加拿大。

起初，马偕受派tī多伦多中会一间教会牧会，同时兼任另一间教会牧职。

Chit时，伊已经是一个26岁ê青年。少年时代bat注意听英国宣教师宾威廉牧师tī聚会报告遥远东方宣教ê话语，chit时koh tī伊ê心肝内钻出：

「lín往普天落去，传福音hō͘万民听¨¨。」

1870年9月，马偕向加拿大长老总会海外宣道会提出申请，自愿做一名海外宣教师。

加拿大海外宣道会chit时虽已经成立kúi-nā年，m̄-koh一切iáu停tī筹备ê阶段。委员会对chit-ê青年ê申请反应差真chē，有人甚至认为这kan-tā是一个急beh进步ê青年ê梦想niâ-niâ。

结果海外宣道会kâ马偕ê申请，交hō͘总会做最后ê定夺。

提出ê申请无得tio̍h答案，马偕为tio̍h充实家己布道工作ê能力，2礼拜以后，伊tio̍h坐轮船tùi魁北克渡海到利物浦，进入苏格兰爱丁堡大学神学院，koh拜伟大布道英雄亚历山大．达夫博士（Dr. Alexander Duff）做老师，继续研研神学。

达夫博士除了基督教以外，iáu研究佛教kap婆罗门教，bat tī印度做宣教工作，有bē-bái ê成就，tī神学界真有名。

马偕tī爱丁堡大学进修4个月神学课程了后，mā-bat pòa-kang前往苏格兰ê苏若兰郡，去看先祖khiā起过ê乡土。这是一chōa难忘ê chhōe根之旅。

当马偕当teh人生ê十字路口kiaⁿ-hiâⁿ ê时，tú想beh kā苏格兰ia̍h-sī美国教会申请工作，马可兰博士传一张海外宣教会批准伊申请ê信函。

In决定呈请总会，正式派马偕做海外宣道ê第一个宣教师。

马偕知影chit-ê消息，欢喜kah bē讲得，第二工tio̍h离开先祖ê khiā起地，随坐船到纽约，转tńg去加拿大。

海外宣道会经过总会核准，正式指定中国做马偕宣教ê教区，koh委托多伦多中会kā圣职hō͘马偕。

当时已经27岁ê马偕，总算实现少年时代kā上帝hē..ê心愿－到海外做一名宣教师。

自伊10岁ê时chūn hē决心开始，17年内，伊kut-la̍t phah-piàⁿ，m̄-bat改变，一点一滴来完成必要ê准备。