《宁毁不銹―马偕e5故事》

 | | | 转寄

回首来时路

作者 曹永洋 2009.06.14

郭和烈牧师tī 1971年出版ê《宣教师偕数理牧师传》，tī写完马偕博士传记ê尾声bat对chit位台湾宣教先锋做6点结论：现在摘录tī后壁。
（一）伊是chi̍t-ê信仰者： 马偕所信ê上帝m̄是it般人所讲ê理想ê上帝，mā m̄是由哲学者所思考出来ê思想ê上帝。Chiah-ê上帝是无生命ê上帝。伊所信ê上帝是耶稣启示ê，由圣灵所印证有生命ê上帝。

（二）伊是chi̍t-ê勇敢ê人： 当年1872年马偕来台湾宣教ê时代，环境充满危险，汉人kan-ta知影鸦片战争kap无平等条约是外国人带hō͘东方ê祸坏，无法度分辨 gōa国人hit种是侵略、thang运恨ê人，hit种人是正直ê宗教家，伊来到台湾ê时，听伊传教ê人，恶言相骂、丢石头、泼屎，甚至用刀 á对待¨¨伊mā lóng无反悔，勇敢直前无踌躇。有chit种无惊hiâⁿ ê精神，chiah有可能成做创造历史ê gâu人。

（三）伊是意志坚强ê人: 马偕tī台湾宣教30年久，伊所计画ê代志，无论遭遇任何困，jōa-chē劝阻，便若决定beh做ê代志，无chi̍t件是无做完tio̍h放..e，这mā是意志坚强ê人成做伟人必须ài有ê条件。

（四）伊是chi̍t-ê耐力不凡ê人 马偕tī台湾宣教30年，伊差不多lóng是行路传福音..ê。1893年，台北大稻埕往竹堑（新竹）ê铁路工程chiah完成通车，ē- sái讲是7年了后伊破病..a，咱看伊所设ê教会大部分lóng 无tī铁枝路边，伊到各地传福音，差不多无利用过铁路。Siōng hō͘人佩服ê耐力是伊不时赤脚行路，脚bē起水泡，根本m̄免皮鞋。伊不时自淡水到阿里港来回带领门徒旅行，有时chūn出门70-gōa工 hiah久，mā lóng用行路，咱tio̍h会使看出伊ê耐力。

（五）伊是chi̍t-ê热情布教ê人 马偕投入宣教工作，全心热情投入，伊ê座右铭是：「甘愿毁坏，无愿意生sian、àu..去。」（Rather burn o͘t than rust o͘t）chit种热情是克勒德人（Colt）性格ê特质之一。

伊为宣教工作四界奔走，tiāⁿ-tiāⁿ bōe记得食困，所以原来hiah-ni̍h勇壮ê人到50岁ê时chūn已经kā伊ê体力用尽，thang讲尽心尽力，死了后，tī伊ê信念内底无比宣教koh-khah重要..e。

（六）伊ê弱点: 马偕ê传记《台湾遥寄》（koh名＜台湾六记＞）是由家己ê笔记、日记、报告摘要、科学研究、描叙ê断片、人物略传等文献资料编辑完成。接落 chit-ê整理撰写工作ê是当时担任西敏斯德报社主笔ê J. A.Mac Donald博士，chit位朋友tī马偕往生ê时chum，bat对伊做chit种ê评断： 「马偕ê行事风格有弱点，伊是真独裁kap武断..e，ài伊tī执行chi̍t件代志ê时chūn kap同伴采取商量或者是退让是无可能..e。Tī北部ê其他4位宣教师只ē-tàng听马偕ê命令，soah真少有家己ê空间去发挥家己 ê才情。」

郭和烈牧师tī chit本关于马偕博士ê传记谈起伊-ê性ê 6点特质，lóng无偏差，chi̍t-ê人本底就是chi̍t-ê有限ê个体，世上真oh有完美ê人，马偕博士当然mā无例gōa。

根据伊早期学生ê chi̍t-kóa谈话，马偕家属ê回忆，mā提起伊因为要求严格，有chi̍t-kóa所在想beh做到完美。Nā-sì无法度达成伊ê 标准，tiāⁿ-tiāⁿ性地会giâ..起..来，严厉责备学生或者是下属。

M̄-koh整体来讲，伊对家人、学生、朋友hit种无私、真诚ê关怀，若认bat伊ê人lóng感念铭记tī心肝内，这to̍h是别人对伊ê个性明显ê印象。

非洲丛生医生史怀哲tī非洲兰巴伦行医半世纪，siong尾kap bó͘海伦lóng安息tī hia。爱因斯坦tī chit位老友ê册批内底，对史怀哲做chit种ê评价：

「你是充分发挥满满ê精力kap真chē方面ê 才情，对人类有真大ê贡献，koh为人类开创未来ê chió数人杰之it。」

M̄-koh，史怀哲晚年ê时，名声真响，仝款受tio̍h真chē批评，有人讲伊观念错误，生活习惯落伍，病院设备siuⁿ粗等等。其实，史怀哲选 择简朴ê生活方式，透过koh-khah人性化、尊重病人ê方式，去经营兰巴伦病院村是有伊ê远见kap苦心..e。

有人向史怀哲提起伊有独裁个性ê时chūn，史怀哲m̄-nā无受气，反tńg天真地nih目睭，问对方讲：
「那你感觉如何?」
对方回答：
「我认为hit-ê人讲得真有道理ah!」
史怀哲医生听tio̍h mā真欢喜大笑。