《宁毁不銹―马偕e5故事》

 | | | 转寄

回首来时路

作者 曹永洋 2009.06.21

泰戈尔有chi̍t句话值得hō͘人思考：「真理是tùi 错误ê缝内底漏泄..出来..e。」


听讲史怀哲bat hō͘无知ê非洲病患气kah chhèng烟，有chi̍t-pái挡bōe-tiâu起性地kā听诊器丢tī土脚，kám讲伟人就无情感?chit种ê史怀哲 kám无koh-khah亲近真实？马偕ê门徒吴宽裕，听tio̍h恩师马偕行完57岁ê俗世旅程，1901年6月初2 hit工，伊写..落来chit篇颂诗，全文真情流露，lóng无虚情假意， ē-tàng讲是马偕it生朴实动人ê写照。


追念恩师偕睿理（用河洛话读） 门徒：吴宽裕


一、第it翰才偕睿理 初学土音白话字 新旧圣经lóng总会 教人天理识天父


二、开析道理意思深 男女明白感激心 声音高低行照甲 举手合音手the̍h踏


三、吟诗欢喜合手拍 所传迫切尽力搭 讲起凄惨面青红 用主模样勉励人


四、有时威严ài利益 Hō͘人关心学道德 常常苦劝兼责备 尽情安慰贤教示


五、天将夫子为木择 Hō͘人心门知降服 初来到taⁿ 30年 报人道理无歇时


六、外貌显出好情意 欢喜做主ê tāi-chì情 亲像保罗我深知 是ài学生重头生


七、平生为人心4正 教会世俗人人敬 耶稣道理其务传 无靠势头来用权


八、公道怜悯款待人 所行仁爱kap主同 交陪朋友内外好 忠信和平thang o-ló


九、o-ló先生偕欢理 克已待人若家己 尽力干证爱救主 伊khiā世间目瞬久


十、割尸兼医其贯中 天文地chhap晓算 这是真正大知识 已经升天今明白



十一、呜呼哀哉尽忠死 死忽然同伴今分离 实在是咱无福气 无koh再得tio̍h伊教示


十二、先生享寿50外 道理名声不止阔 今作几句知心诗 时时想tio̍h纪念伊


世间siong无数ê凡夫俗子，lóng是仝款照tio̍h破病老死ê过程行向人生ê终点，了后kap草木仝款烂去。


只有chió数人因为in ê志业kap精神，思想层面投下ê影响，ē-tàng超越肉体ê腐朽，tī死亡ê起点开始重生，马偕应该是属tī chit类少数ê人杰。 无论khǹg tī属灵ê神工、宣教师、教育家kap医疗ê奠基kap开拓顶面来讲，伊lóng bōe消逝。


Chit-ê 10岁tī加拿大听tio̍h英国宣教师宾威廉ê演讲，就tī心肝底播下日后beh到海外从事宣教工作，kui世人忠诚事主ê少年，果然 chi̍t步chi̍t步实现家己ê许诺，tī台湾留..落..来hō͘人永远感念ê志业。


1百2十gōa年前，坐船来东方福尔摩沙ê青年，伊所承受ê试炼，相信任 何chi̍t-ê文字工作者，m̄管án-choaⁿ用心mā真pháiⁿ写出马偕心路历程ê万分之it。


好佳哉实践者ê行为，并无需要文字来sî-á-geh，mā m̄免用有形ê碑文去表现，我想koh-khah àn怎to无比卜约翰福音12章24节ê经文koh-khah hō͘人感动ê启示：

「一粒麦子，若无落tī土nih死去，iáu是一粒，若是死..去，就结出真chē粒来。」


马偕博士留..落..来ê种籽，早to̍h开花结果，我知影撰写chit本传记，m̄是beh颂扬伊，因为伊是神ê好仆人，伊m̄免由我来颂扬，我ê文字mā bōe-tàng为伊增加chi̍t分光荣。


我kan-ta想beh hō͘生活tī chit-ê块土地ê人，知影有chi̍t-ê人，远tùi加拿大牛津郡左拉村飘洋过海，tī淡水住..落..来，用30年精壮ê岁月，付出伊ê汗水，kā「信、望、爱」做活活ê印证。


马偕是神ê好仆人，我记录ê无够伊所做ê万分之it，伊当年tī台湾各种庄头播下属灵ê种子，百gōa年了后已经开花结果。


马偕博士tī地上ê日子，无到60年，tī台湾工作ê时光，扣除2-pái 回乡ê日子mā无到30年，m̄-koh伊留..落..来ê志业kap影响soah真远。


德蕾莎修女讲：「爱ê相对m̄是恨，是冷漠。」教宗若望保禄jī世指出:「无爱，人bē-tàng生活，伊会成做chi̍t-ê无了解家己ê人。」


[箴言]4章23节有讲：「i̍t生ê呆效，是由心发出。」当it切long平静..落..来，无边ê沈默照tī马偕墓园ê时 chūn，chit位上帝ê忠仆，已经用伊丰富ê生命，透过实践诠释信、望、爱ê真谛。伊安息tī淡水ê马偕墓园。Chia是伊熟识ê诗美 丽ê家乡，由墓园来到淡中校门前ê真理街，ē-tàng远眺秀丽ê观音山，日头爬..起..来、日头落山ê淡江、山麓ê农家，浪涛冲洗过 ê系船场¨¨。