《宁毁不銹―马偕e5故事》

 | | | 转寄

回首来时路

作者 曹永洋 2009.06.07

美国诗人桑德堡讲过：「chi̍t-châng树á tī伊倒..落来ê时siōng好来量。」

马偕博士到台湾宣教已经百gōa年，伊过身到2001年mā tú好chi̍t世纪。时间ê裁判原本tio̍h无情m̄-koh公平。马偕ê志业m̄是世俗ê荣名、权利、高位，试看历史顶头ê暴君kap独裁者，在生ê时为非sám做，真chhiaⁿ-iāⁿ，m̄-koh nā全力拔除，所有ê一切lóng来化做乌有，只留..落..来chi̍t-koah世人心寒ê恶行kap纪录，提醒后人会记tit历史ê教示。

128年来，台湾经过清法战争，了后tī清廷kap日本，进入日本50年（1895-1915）ê统治。

2次大战结束，日本宣布无条件投降，台湾进入蒋家父á-kiáⁿ半世纪ê统治，内底iáu包括重大ê 228事件悲剧，38年久ê戒严时代，以及解严了后步入「民主」曲折ê历史路¨¨。

无论将来历史如何解读，马偕博士tī台湾ê近代化轨迹内底，伊留..落..来..ê事迹是无法度抹消..ê。

it手创办ê牛津学堂，如今已经成做淡江中学、真理大学（淡江工商、淡水学院前身）kap阳明山头ê台湾神学院saⁿ-ê学府ê源头。

基督教长老会创立ê淡江中学，tī教育史顶头比日本1895年占领台湾了后chiah开始$5国民教育koh-khah早10几年，chit种西方ê近代教育对台湾ê现代化，产生了决定性ê推sak作用kap真深ê影响。

头前提起ê南部马雅各医生、中部兰大卫父子2代kap北部马偕家族ê奉献mā hō͘基督教ê福音tī台湾传播、定根，mā为台湾人ê心灵，注入属灵ê种籽。

另外台南ê新楼病院、中部ê彰化基督教病院、北部ê马偕病院，koh-khah成做台湾医疗事业ê重要据点，kan-ta用saⁿ-ê领域对台湾社会结构、生活品质、教育水准、文化内涵所造成质kap量ê变化，就m̄是短短篇幅ē-tàng描写..ê。

1997年淡水工商学院成立台湾第it-ê「台湾文学系」，台湾文学家巫永福、叶石涛、钟肇政荣得tio̍h学校颁发ê第it、jī、saⁿ届「台湾文学家牛津奖」。

2000年11月4日，chit-ê奖koh颁hō͘千禧年正月初1透早1点55分过身ê王相雄。台湾文学系ê成立，经过真艰苦ê phah-piàⁿ，无jōa久，国立成功大学mā成立台湾文学研究所。

淡水工商学院原本boeh改名淡水牛津学院（以纪念创校人偕欢理来自加拿大牛津郡），教育部以it般人会lia̍h做是牛津大学分校无接受。听讲mā-bat提出以「马偕大学」当做校名，得tio̍h ê回应是马偕博士是外国人，bōe使用chit款名。

做1-ê写传记ê文字工作者，我认为马偕比任何tī台湾生活过ê「台湾人」Koh-khah台湾，伊tùi踏上chit-ê块土地hit工开始，当时27岁ê加拿大青年，用tio̍h「甘愿毁坏，无愿意生sian、àu..去」ê奉献精神，chi̍t世人做光荣ê献祭。

马偕tī淡水kap台湾女子张聪明小姐结婚，生chi̍t-ê后生nn̄g-e5cha-bó-kiáⁿ。Nn̄g-e5cha-bó͘-kiáⁿ lóng嫁hō͘爱徒台湾cha-po人柯维思、陈清义牧师，马偕ê了后代继续遗志，留tī教育界、宗教界、医疗界贡献in ê才华kap心力，ùi chi̍t-ê「台湾人」ê定义来讲，谁ē-tàng比in koh-khah爱台湾?

Tī天堂安息chi̍t世纪ê马偕博士，khah-su伊老大人家听tio̍h伊ê大名无适合成做大学ê校名，可能伊会用正港ê福佬话，谦虚面告chit位经办人： 「先生，用我ê名字命名ê马偕病院已经有台北、淡水、台东saⁿ-ê所在，我bē为学校校名ê核准或者是无kap你计较，m̄-koh你讲我是gōa国人m̄是台湾人，这chi̍t点我thang tio̍h受气ah¨¨。」

好佳哉咱只要想tio̍h马偕博士it生ê事迹，就会对chiah-ê无爱台湾ê无知后辈所做ê诠释tī心肝内做出判断。圣经kā咱讲：尘归尘，土归土，koh-khah àn怎to m̄免费心tī历史ê大水中为大粒石头或者是细粒沙去定位。

其实这mā无奇怪，1961年笔者初出校门，bat tī淡江中学教3年册。Siong尾chi̍t年iáu tòa过旧体育馆划出ê单身宿舍，细细ê窗á口sak开就ē-tàng看tio̍h马偕ê墓园，日夜相对，3百6十gōa-ê透早黄昏过去，每chi̍t-pái tī校园敬仰马偕铜像ê时，我mā m̄知影chi̍t位伟人bat kā 30年siōng精壮ê岁月，无私奉献hō͘台湾后代ê kiáⁿ-sun。



笔者tī淡江教册ê时chūn，名作曲家兼钢琴家陈酒治牧师担任校长，杜姑娘、德姑娘iáu在学校教册，马偕gōa孙柯设偕老师mā tī淡江中学教历史，谦虚、趣味、博学ê柯设偕长老，是日本时代台北帝大文学部第it届毕业生，20世纪ê 60年代，柯长老ê母亲偕来便利，当时已经是80岁ê年岁，无论好天，落雨，伊lóng是it身乌色简单ê打扮，the̍h-tio̍h chi̍t支雨伞，tī淡水ê老街顶ùi真理街行..落..来，远远看tio̍h淡水小镇ê人lóng是讲：「平安。」所以，淡水人lóng叫伊「平安婆」，带tio̍h温暖、亲切ê情意kap伊phah招呼，这是我记忆内底60年代淡水舞台ê情景之it…。