《宁毁不銹―马偕e5故事》

 | | | 转寄

chi̍t块安息ê所在

作者 曹永洋 2009.05.24

1895年马偕博士全家kap柯维思tńg来到台湾，知影清、法战争ê时chūn，教会受tio̍h真大ê损害，tio̍h拜见当时日本驻台ê乃木总督。马偕it向身体真勇，无想tio̍h到台湾传教目chi̍t ê nih 20-gōa年。看..起..来原本应该iáu tī壮年ê 52岁，soah已经是马偕ê晚年，伊只chhun 6年无到ê俗世旅程。

马偕自细汉养成勤读ê习惯，日后tī长年坚定ê宣教工作内底，伊mā无一工改变伊ê生活。

逐工透早伊就起床灵修、读经、祈祷。闲ê时间，伊lóng是坐tī册桌前研读书册。暗时伊mā tiāⁿ-tiāⁿ看册到深夜。牵涉ê册包括神学、哲学、历史、医学、理工方面。

伊宣教以外为人挽嘴齿、医病ê事迹hō͘真chē人lia̍h做是伊受过专业ê医学训练，甚至断定伊kap早伊7年tī台南传教、献身教育、医疗工作ê马雅各医生仝款，应 各lóng是医学院毕业生，其实，马偕读ê是神学院，并无tī医学院受过专业训练。

1900年5月初1，马偕去嘎玛兰巡视各教会，chit时伊感觉咙喉kap早前无仝。伊tī礼拜日或者是逐工暗时，通常beh向汉人、外国人、平埔人、熟番、南势番、生番等原住民讲道。Tùi礼拜同齐到礼拜六，马偕看..起..来一直无hō͘伊ê咽喉有歇困ê机会，伊真明显是使用咙喉过度。

6月初，beh离开最后1站 ê 打马教会，chit时伊kap会友、老人kap青年人大约3百人，ná行ná唱诗歌。做伙行ê有5名爱徒：in是柯维思、王春生、张金波、林佛梨、林达久，逐家来到渡船码头。船tī水面siong hián，摇无停，有人落水kā船khiú-ân，hō͘船身平稳..落..来，hō͘马偕牧师顺利落船。

马偕心肝内kah-ná有预感，这是伊上尾访问嘎玛兰平原，chi̍t大tīn人目送chit位伟人离去。马偕kap送行ê人e̍t手告辞，信徒ê眼睭内lóng含tio̍h烧热ê目屎，逐家同齐合唱圣 诗，马偕chit款情景，伊心肝内真清楚，chiah-ê属灵ê kiáⁿ-jî koh-khah àn怎to bōe-sái kap伊tī人间相会。

6月24日伊kap门徒往北投教会ê时chūn，就由门徒讲道。伊家己ê声音沙沙，甚至完全无声。Chit时伊原本应该完全tiām-tiām歇困，m̄-koh因为1种责任感kap使命ê原因，伊继续以无自然ê声音，逐工iáu teh理学堂大书院勉强讲课。

马偕tī 8月15日ê日记内底写tio̍h：「我讲话失去声量，我tī乌板顶头写字，hō͘学生抄，逐工iáu为学生siong课，我真明显失去早前ê声音a。」
伊ná看医生ná巡视附近ê教会。

Tī khah早前1段时间，加拿大国外宣道会听tio̍h马偕破病，马上派河南省英国女宣教师医生麦克．克鲁尔到淡水医治，诊断结果判定是喉癌，禁止伊发声讲话。

9月15日理学堂大书院开学时，根本m̄免别人禁止伊讲话，马偕家己已经 完全bōe-sái发出声音。一切全lóng tio̍h óa靠笔来进行沟通，神学院委托郭水龙牧师代课，依马偕所写ê内容读hō͘学生抄写，马偕家己坐tī讲台顶tiām-tiām听讲。

9月28日马偕iáu去óa淡水ê灰瑶á教会做礼拜，请kiáⁿ婿柯维思代替伊讲道。因为病情lú来lú严重，呼吸困难，10月中旬tī台北病院由日本籍医师乌岩，kap tī偕医馆协助ê英国医生威廉金逊，为伊tī咙喉开1孔，插1支银管帮助呼吸。为tio̍h hō͘医师逐日方便到厝来看病，全家由淡水搬到台北大稻埕河沟头，租1幢厝tòa落..下。

11月初1马偕由威勒金逊医师陪伴，iáu有爱徒柯维思、陈清义、郭希信、陈锡等坐船往香港就医。Chit段时间神学院ê课全部交hō͘郭水龙牧师代理。

Tī香港治疗2-koh-gōa月，病况时好时坏。上尾判断大概复原ê希望，koh坐船tńg来到淡水。

尾期马偕ê病况变koh-khah严重，咙喉开始烂..去，食kap吞已经有困难，chit位昔日差不多行遍全台湾ê宣教先锋，已经变kah瘦pi-pa，病魔渐渐吞噬原本勇壮ê身躯¨¨。

beh死前几工，厝内ê人拍电报到香港，叫当时iáu teh读高中ê孤kiáⁿ偕睿廉tńg来淡水。家己感觉活无jōa久ê马偕，听tio̍h爱子ê船beh来，iáu tùi病床起..来，穿插整齐，等待爱子tńg来。

马偕回想当年iáu是26岁ê青年，只身渡海到台湾来宣教，如今爱子iáu未成年，chi̍t块甘愿毁坏bōe生sian ê生铁，soah为美丽岛烧尽siong尾ê余光¨¨。

1901年5月31日半暝，家己知影连mī beh安息主怀ê马偕，心肝内koh-leh想牛津学堂ê学生，感觉iáu有chi̍t-kóa话ài kā学生交代，伊竟然以be7chai7 ê脚步，拖tio̍h病体，偷偷á行到炮台埔ê牛津学堂，敲响轰立tī淡水镇郊山岗牛津学堂ê钟声。

当厝内底ê人kap轮流照顾ê学生chhōe-tio̍h伊，beh chhōa伊tńg去厝里底，伊iáu以无稳ê手tī乌板写..落..来几-ê弯弯khiau-khiau无法度辨认ê字，勉强ē-tàng推断意思大概是「考试」（Examination）。

马偕病倒ê siong尾chi̍t段时间，轮流tī身躯边守护ê学生有4、5位，确定知影姓名ê有：柯维思、张金波、卓开日、bat清江等，chhun-e姓名无法度调查确认。



1901年6月初2（礼拜日）下晡4点左右，坚强kap喉癌抗争ê马偕，tī淡水ê厝吞..落..去siong尾chi̍t口气。Chit位影响台湾北部siōng大ê宣教师，安息主怀，得年57岁。

Tùi伊踏siong福尔摩莎chit块土地开始，m̄惊艰苦奋斗30年，设立教会60-gōa所，施洗信徒有3千人¨¨。远tī嘻玛兰平原ê平埔族信徒数10人，听tio̍h消息，经过2暝日ê长途跋涉，tùi in ê部落赶到淡水，in beh向心肝内siōng尊敬、爱戴ê伟人马偕博士相辞。

马偕博士ê追思礼拜，tī淡水理学堂大书院ê大礼堂举行。葬礼由吴威廉牧师kap当时日本人教会（今á日济南教会）第it任牧师河合龟辅牧师主持，送葬ê人大约有4、5百人。

马偕博士ê灵枢采用西洋式，4周包tio̍h乌布，内里用白绸chū。棺柴盖用玻璃制作，方便参加追思礼拜ê人看伊ê遗容。家属照马偕ê遗言，伊ê遗体安息tī摇曳ê树影脚，tùi今á日淡江中学it直行到尽头，1座旧体育馆ê正pêng，就ē-tàng看tio̍h 1片由学校砖墙围绕ê马偕墓园，tī茂密ê老chêng-á影下脚有1排墓碑，马偕博士kap夫人张聪明、孤kiáⁿ偕睿廉翁á-bó、kiáⁿ婿柯维思、陈清义、cha-bó͘-kiáⁿ偕妈连、次女偕以利，马偕ê亲族kap追随伊ê几位门徒¨¨lóng安息tī chia。