《宁毁不銹―马偕e5故事》

 | | | 转寄

薪火永远传..落..去

作者 曹永洋 2009.05.17

19世纪60年代以后，外国人tī台湾宣教或者是献身医疗工作ê先驱，亲像马雅各医生、李酥牧师、德马太医生、甘为霖牧师、巴克礼牧师、吴威廉牧师、宋雅各牧师、戴仁寿医生、兰大卫、兰大粥医生父á-kiáⁿ……。



M̄-koh马偕创下1项无人有ê纪录，就是伊本人娶gó͘ⁿ股坑女子张聪明，in生2女1男，20年了后，马偕博士长女偕妈连嫁hō͘爱徒陈清义，次女偕以 利嫁hō͘柯维思，婚礼tī仝年仝日举行，由吴威廉牧师证婚 嘉礼ê日子是1899年3月9日，地点是马偕家己ê khiā家，2代有3人kap本地人联姻。



由马偕博士家族谱系表，thang清楚看出in孕育ê后代，kap台湾1百20- gōa 年ê历史有jōa-ni̍h-á深ê关连。

马偕翁á-bó 孤kiáⁿ偕敏廉牧师，1882年1月22日出世tī台湾淡水，伊ê童年kap少年时代是tī台湾度过..ê，对台湾ê风情，生活、世俗认bat真深。

偕睿廉bat tī香港维多利亚英文学校读册，大学高等教育tī加拿大克拉克大学完成，28岁得tio̍h学士， 1年了后koh取得教育硕士学位， kap罗仁利女士结婚。

7-koh月了后，chit对结婚无lōa-kú翁á-bó ùi多伦多起程，横渡大西洋，坐火车行过欧洲kap西伯利亚，完成2-koh月水陆交接ê旅程，最后坐轮船平安到基隆港。Chit位新娘受tio̍h热烈ê欢迎，chit时伊可能iáu m̄知淡水会成做伊后来生活57年ê所在。

1865年5月28日，英国长老会差派马雅各医生kap伊ê 3位助手自厦门坐船到高雄旗后（今旗津）chiūⁿ岸，3工了后，1阵人选定台湾府（台南）作为医疗传道ê出发点。

1895年兰大卫医生来到台湾，先tī台南落脚，1901年tī彰化创立彰化基督教病院，后来伊ê kiáⁿ兰大粥医师继承医疗、宣教工作，父á-kiáⁿ nn̄g代为台湾奉献beh chi̍t世纪。

北部医疗、宣教、教育saⁿ-ê层面ê贡献kap影响，tio̍h落tī马偕博士ê身躯顶。加上伊本人kap gó͘ⁿ股坑女子张聪明小姐ê联姻，nn̄g-ê cha-bó͘-kiáⁿ别嫁hō͘伊ê爱徒柯维思、陈清义，马偕ê孤kiáⁿ偕睿廉mā继承教育kap宣教事业，因此马偕家族对台湾北部基督教长老会ê影响，mā koh-khah深远，时间i̍t直延续到20世纪90年代chiah tâu-tâu-á落幕。

1914年3月初9，偕睿廉继承父亲ê遗志，tī牛津学堂ê基础顶头，选择 马偕博士登陆淡水ê纪念日，创办台湾第1间cha-po中学（当时淡水女学堂已经成立真chē年）。Chit时台北kan-tā有1间中学（应指台北i̍t中，现在建国中学），koh初期kan-tā日本子弟ē-tàng来读。

创校了后偕睿廉牧师担任第it任校长，1943年伊因第2次大战，暂时去南美 义阿那担任中学校长，战争结束了后2年，伊koh tńg去台湾教育岗位。

Jī次大战期间，伊bat tńg去加拿大修习神学课程，受封成为牧师，66岁hit年，早年老父读ê诺士（Knox）神学院，颁发荣誉神学博士学位表扬伊ê贡献。



马偕博士父á-kiáⁿ nn̄g代，lóng tī淡水仝1间学校，对培育人才付出真chē心力，chiah-ê子弟兵mā成做台湾现代化重要ê力量。

偕睿廉牧师70岁退休，iáu kap夫人选择淡水做养老ê所在，晚年iáu办理淡水查经室，培养妇女研读圣经道理，甚至kā传教区延伸到淡水郊区ê小基隆、兴化店等地。

Chit位对北部教育有贡献ê老牧师kap教育家，晚年bat tī淡水khiā家受暴徒攻击，好佳哉siong主庇佑，枪子虽然phah入身躯，soah安然脱险，这是伊生命史siong值得记录ê神迹。