《宁毁不銹―马偕e5故事》

 | | | 转寄

siōng好ê饯别

作者 曹永洋 2009.05.10

有吴威廉牧师夫妇到台湾协助，马偕会得thang安排第二pái 回乡。

目chi̍t-nih 21年过去..a，当年27岁ê青年，如今已óa 50岁..a。马偕chit-pái tńg来国内讲解职务3-ê gín-á lóng出生..a，长女14岁，次女13岁，独子11岁，lóng已经是真súi ê少女kap iân-tâu ê少年..a。kui家伙á 5人做伙行， chit-pái tòe伊回乡行ê，iáu有日后成为马偕kiáⁿ婿ê爱徒柯维思。

第2-pái例假回国chìn前，根据马偕日记所记载，牛津学堂举行ê送别会siōng，10位传道师（全是马偕培养出来ê门徒）、神学生、女学堂ê妇女学生、儿童lóng做伙，真m̄-kam来相送。

本地牧师、传道人公推严清华牧师为代表，in用chi̍t百银元beh为马偕博士饯别，m̄-koh伊m̄肯接受，koh表白心愿：「希望ē-tàng用chit-ê百银元koh设立4所教会，án-ne就有60所礼拜堂..a。」

外侨团体iáu赠送马偕1架性真好，ē-tàng观察星辰ê望远镜，koh用正楷tī绸布顶头写1篇文笔kap情感lóng真好ê送别辞。内面提起经过马偕21年tī台湾北部全心奉献、宣扬福音，礼拜堂1间1间地建立起..来。比起马偕初到台湾时所受ê排斥、辱骂、威胁，本地人对待传道人ê态度已经有大大ê改变。

Tī马偕ê目睭内，无论外国人、汉人、平埔族、熟番、南势番、生番，当时伊所接触ê任何chi̍t-ê族群，伊lóng无分高低，真心相待。伊ê人格、爱心散放出来ê烧热力，真紧冲破藩篱，得tio̍h别人真心ê尊敬。

Chit-pái回乡，马偕mā因为tī台湾布教开拓ê具体贡献，tī 1894年6月hông选为加拿大长老总会议长，koh ài任满1年，为tio̍h chit-ê原由，伊到第2年10月16日chiah tùi温哥华港乘船tńg去台湾，全程费时chi̍t-koh月kòh工tńg到淡水。



马偕留tī加拿大chit段期间，清廷kap日本为朝鲜问题，发生甲午战争，清廷战输了后签下「马关条约」，决定kā台湾、澎湖群岛割hō͘日本。

清廷派李鸿章ê义子李经方，坐船经澎湖来到saⁿ貂角，tī「横滨丸」号顶kap桦山资纪办理移交手续，了后巡抚唐景嵌、总兵刘永福虽然日本tī 1895年 6月5日tùi澳底登陆mā做过lân-san ê抵抗，台湾终其尾沦陷，进入历史siong 50年日本殖民地统治时代。

台湾11年前bat tùi中法战争脱险，真无简单chiah摆脱法兰西ê侵犯，如今siong其尾hō͘ siàu想台湾真久ê日本所占领，kám讲历史ê宿命，原本是台湾命定ê悲剧?

1895年11月19日马偕tńg来台湾到淡水ê时chūn，伊发现教会损坏真严重，基督徒因为受tio̍h诬袜lóng受tio̍h各种迫害，隔tńg年为tio̍h这伊bat kap宋忠坚牧师（Rev. Duncan Ferguson）去见当时日本总督乃木将军，乃木听tio̍h允诺bōe koh有án-ne恶行发生。

根据郭和烈写ê《偕数理牧师传》考证，当时台湾教会已经有84所。马偕日记追忆chit-pái会面bat讲： 「乃木将军言语无chē，用意诚恳，讲话实在，风采hō͘我想起昔日kap刘 铭传将军ê接触。」

第2年乃木总督mā-bat到淡水牛津学堂参观，对校内马偕不时tī内面工作ê博物室、陈列ê仪器、藏书、设备留..落..来深刻ê印象，离开了后mā差人来chia摄像存档作参考之用，tùi chiah-ê细节会使看出，chit位名将mā m̄-nā是chi̍t-ê武夫niā-niā。

日本据台50年，共历19任总督，chit位tī日俄战争成名ê乃木将军，是台 湾第3代总督，任期1年saⁿ-koh月，乃木总督任内大多数不失英雄本色，m̄-koh mā无特殊贡献。伊落任了后tńg去日本，明治天皇往生，伊竟然切腹殉主。

Siōng早tòe军队来台湾ê日本牧师细川浏，看tio̍h日本士兵不法行为，无法度忍受心肝内ê愤慨，所以tio̍h由细川牧师担任日本司令部kap台湾受害ê各教会之间ê桥梁，mā开始参加各教会ê礼拜。

Tī日本登陆台湾1年内，细川牧师m̄-nā做了调解人，协助弥补教会kap新统治者之间ê阻碍，伊向日本当局ê报告，mā间接提醒日本传道局正视chit-ê问题。

1896年9月，日本本土基督徒人口无koân ê情况下，传道局iáu派河合龟辅牧师来台向日人宣教。

Tī台湾ê日本基督徒，chi̍t开始tī马偕借hō͘ in ê艋舺教堂，当做主日崇拜聚 会ê所在，甚至tī今á日ê汉中街、成都路lóng bat买厝kap起教堂，了后以西门町变成商业繁华，转tī今á日ê中山南路3号，起已成做古迹建筑之i̍t ê「济南教会」，

这mā是 日本人tī台湾起ê头1间教堂。