《宁毁不銹―马偕e5故事》

 | | | 转寄

余音仍绕梁

作者 曹永洋 2009.04.26

吴威廉博士（Dr. William Gauld 1861-1923），出世tī chi̍t-ê虔敬ê基督教家庭，20岁hit年，马偕第it-pái tńg来国内tī加拿大各地证道演讲，伊kap大兄听tio̍h，非常感动。

Hit工下晡in koh去听了chi̍t-pái。Tī tńg去厝--nih ê路siōng，少年ê吴威廉向长兄做了当年马偕仝款热情ê表白：「我将来it定会到异邦去宣教。」

伊决心认真读册，后来果然循tio̍h马偕ê脚步，tī多伦多大学kap诺士神学院完成学业。1892年8月kap Miss Mararet Mellis结婚，仝年12月22日kap结婚无lōa-kú ê bó͘来到淡水。吴威廉牧师来台湾ê时chūn是31岁，mā是马偕来台湾宣教20周年。

Chit时台湾北部教会大约有56所，教徒2千4百gōa人。看--起来草创时代ná已经告chi̍t段落，教会就beh进入建设kap组织ê时代，吴威廉牧师翁á-bó对马偕来讲，是chi̍t-ê重要ê帮手，mā是bē-tàng欠缺ê接班人。

因为吴威廉牧师本身是chi̍t-ê建筑学家，伊tī台湾起真chē教堂、学校kap病院。

伊ê设计坚固、实用、大方。Tī伊ê手头内底完成koh组织纯正ê长老教会。1904年5月9日，伊联合chē人向加拿大母会申请，允许tī台湾北部教会成立中会。仝年10月4日北部教会第i̍t届长老中会成立，吴威廉牧师德高望重，当选做首届中会议长。这kap日后台湾长老教会ê发展推动有密切ê关系。

伊进chi̍t步申请加拿大派遣有资格ê女宣教师来台湾，积极充实台湾ê妇女教育，koh请母会允准开办中学，成立神学院预备科以提高神学院学生ê素质，希望培养从事传道工作ê生力军。

吴威廉意志坚强，做代志有责任；伊做人古意，讲话有信用，教会ê代志，无论大细，绝对bē推辞，帐目杂务，it清jī楚。伊到台湾第jī年，马偕博士chhōa全家做轮船第jī-pái回乡。吴威廉牧师接替职务有3年。

Chit段期间，tú-tio̍h满清kap日本甲午战争，满清战败，日本占领台湾。吴威廉牧师面对无稳定的ê局势，以定tio̍h、稳健ê作风，领导学校kap教会度过重重ê难关。

吴牧师来台湾9年了后，马偕蒙主恩召，伊接马偕留--落来ê志业，为传播福音，推广教育kap医疗工作，tī艰苦ê阶段做出具体ê贡献，伊本人才艺真chē、见过世面，留--落来chē-chē ê成果，hō͘人来怀念。吴牧师63岁因为心脏病息劳主怀。

伊ê另gōa chi̍t半吴威廉牧师娘，mā是chi̍t位杰出ê女性。马偕过身了后，台湾教会ê领导方式，chit时已经由外国宣教师独当it面，转型为外国宣教师kap本地教会领袖共同领导ê局面。

早期宣教师tī传扬福音ê时chūn，mā对教育、医疗、文化、社会服务、妇女教育kap现代化出真chē力。吴牧师娘tī关键顶头无疑扮演真重要ê角色。

伊本人tī钢琴演奏方面真有才情，tī教会学堂教风琴、钢琴kap声乐。伊kā西方音乐引进台湾，特别tī教会音乐方面伊会使讲是开拓者。

Tī伊细腻ê教导kap启发，hō͘淡水cha-po kap cha-bó nn̄g ê学校定下真chāi ê音乐教育基础，后来组织台湾第it-ê合唱团「淡水中学合唱团」，1926年修热由陈清忠老师率团到日本、韩国巡回演唱，优秀ê表现tī海内外lóng真出名。