《当上帝开嘴讲台语》

 | | | 转寄

「信息传达」方面ê语感测验

作者 梁淑慧 2009.03.29

因为「信息传达」方面大部分牵涉tio̍h神学上对释经学ê无仝见解，争议性khah大，mā m̄是研究者能力所及ê范围，所以阮将重点囥tī译本ê表达方式，看toh一种译本会tàng达到hō͘读者好了解而且感受tio̍h「本土化」ê目标。题目lóng取材tùi翁修恭牧师（2001、2002）〈现代台语译本用词介绍〉系列ê文章所提起ê经文。

表5.3.1.4a 无仝背景ê读者对《巴克礼译本》ê「信息传达」接受度以及χ2 检定【省略，敬请有兴趣ê人参考原册】

Tùi表5.3.1.4a咱知 「年龄」、「听台语讲道时间ê长短」以及「kám有捷看《巴克礼译本》抑是《台语汉字本》」chit三项变数对于《巴克礼译本》ê「信息传达」接受度有显着ê影响。Tùi各分项调整后ê残差显示：「年龄」tī 18岁到25岁ê人，对《巴克礼译本》ê「信息传达」接受度显着有khah kē；41岁到60岁ê人，对《巴克礼译本》ê「信息传达」接受度显着有khah koân。「听台语讲道ê时间」tī半年以下者，对《巴克礼译本》ê「信息传达」接受度显着有khah kē；超过10年以上者，对《巴克礼译本》ê「信息传达」接受度显着有khah koân。「无捷看《巴克礼译本》抑是《台语汉字本》」者，对《巴克礼译本》ê「信息传达」接受度显着有khah kē；「捷看《巴克礼译本》抑是《台语汉字本》」者，对《巴克礼译本》ê「信息传达」接受度显着有khah koân。

Tī「信息传达」语感测验中ê答题情形如下：

表5.3.1.4b 「信息传达」语感测验ê题目kap答案统计

＃ 题目选择人次占总人数％
1.（1）Bo̍h-tit为着明仔日挂虑，因为hit个明仔日伊beh家己挂虑；一日ê艰苦tī一日够额。 ※1 98.12
（2）M̄通烦恼明仔载ê代志，明仔载犹有另外ê代志通烦恼。一日ê困难，hit日来担当就有够额。 12352.56
（3）M̄通为着明仔日挂虑，明仔日ê代志明仔日才挂虑。一日ê艰苦一日当。 93 39.74
2.你ê一支手抑是一支脚若hō͘你犯罪，着斩hiat掉。
（1）你破相， 抑是跛脚，入tī活是好，卡得二手二脚hiat落永远ê火。 ※187.69
（2）你宁可着欠一支手抑是欠一支脚来进入永生，比双手双脚好好落去永远ê火khah赢！ 11247.86
（3）你宁可一脚一手入永远活，比有双脚双手hiat落永远ê火khah好！ 10645.30
3.我听见有一ê声用希伯来ê腔口对我讲：
（1）「扫罗！扫罗！你啥事窘逐【khún-tio̍k】我？你用脚踢莿是艰苦！」 ※3816.24
（2）「扫罗！扫罗！你按怎kā我迫害？你按呢做tú亲像牛去踢主人有刺ê棍仔，是家己teh伤害家己。」 11950.85
（3）「扫罗！扫罗！你是按怎kā我迫害？你实在真戆，你tú亲像牛牨beh滚开牛担，用脚踢刺，家己讨皮痛。8134.62
4.M̄通为着恁ê生命挂虑beh食甚么，beh lim甚么，也m̄通为着恁ê身躯挂虑beh穿甚么。
（1）恁ê生命kiám无卡大tī米粮？也恁ê身躯kiám无卡大tī衣裳【i-chiûⁿ】吗？ ※198.12
（2）恁ê生命kám m̄是比食物【chia̍h-mi̍h】khah有价值，身躯kám m̄是比衫裤khah有价值？ 13155.98
（3）生命kiám m̄是比食物【chia̍h-mi̍h】 khah重要？身躯kiám m̄是比衣服【i-ho̍k】khah重要？8938.03
5.In kā伊反对，kā伊侮辱ê时，保罗就pōaⁿ伊ê衫ê土粉抗议，对in讲：
（1）「恁ê血归tī恁，无我ê关系。」 ※3414.53
（2）「恁若灭亡，恁家己着爱负责！无我ê责任！」 8737.18
（3）「恁家己beh讨死，无我ê代志！」12352.56


表5.3.1.4b各题ê选项（1）是《巴克礼译本》，（2）是「红皮圣经」，（3）是《现代台语译本》。tùi统计数字看来，受访者对「红皮圣经」ê接受度siōng koân。咱tī 4.4节bat讲tio̍h「红皮圣经」ê语言风格是三个译本中siōng浅白、通俗--ê，所以khiā tī题目所要求ê「请选出你认为khah亲切好了解，khah会tàng融入台湾文化ê一种翻译」ê角度来选择，「红皮圣经」自然是siōng符合--ê。M̄-koh4.4节mā讲tio̍h「siōng通俗ê《圣经》译本无一定是siōng受欢迎ê译本」，若是咱将题目ê要求改做「请选出你心目中认为siōng理想ê《圣经》译本」，m̄知影结果会有改变--无？