《台湾另类牧师．医师―谢纬》

 | | | 转寄

10-01 荆棘中ê芦苇

作者 陈金兴 2012.04.08

本来就对政治 (包括教会政治)无感觉兴趣ê谢纬bat讲：「第一戆就是选举」。他tī担任总会议长chìn前一年（1968），地方人士kap真chē县民bat有意思beh giâ(拱)他出来竞选南投县长。In认为，以谢纬ê声望，尤其tī埔里为原住民ê服务kap贡献，票源真丰富，绝对会当选。当时ê国民党县长候选人林洋港亦亲自登门拜访谢纬，请教他ê参选意愿。

对tī chiah-ê政治人物ê造访，他一点仔mā bē感觉欢喜。谢纬拢是用：「我已经做牧师kap医生， ná有闲工koh再做县长。」chit句话来谢绝众人ê好意。谢纬认是选举会消磨真chē物质kap精神，he是真戆ê行为。伊m̄知影chiah-ê人是为tio̍h什么，hiah-ni̍h phah拚teh选举？但是，谢纬明白家己应该行什么款ê路。所以，他就专心去行他医疗传道ê路。因为，他确信他所行ê，一定是khah有价值，而且是正直ê路。所以，当周围ê人鼓吹ài他出来参加选举ê时，他lóng会无踌躇就kā in拒绝。





谢纬牧师祝祷。






1964年1月20日chit一工，台中中会开会，beh选举议长kap副议长。依一般惯例，议长通常ài有做过副议长ê经历，所以，台中中会有意hō͘ 谢纬担任下一届议长，以办理隔年ê「设教百周年」活动。所以，前hit年tio̍h选他先做副议长。Tī开会前，听tio̍h风声ê谢纬，以四点理由慎重表示他博唉bô-ài做副议长，来kā in婉拒：第一，他无时间；第二，他无政治才能；第三，伊bô-ài hō͘ 别人lia̍h做是他得tio̍h「大头病」；第四，伊想kā有限ê才能 kap时间集中tī医疗传道。但是，hiah-ê中会代表并无接纳他ê理由。所以，谢纬就决定开会hit天bô-ài去参加会议，用缺席ê方式来表达家己ê心意。

会议hit工，发觉谢纬无出现tī会场，众代表就随时到南投kā谢纬「请」入计程车内。Tī‘形势比人强’ê情形之下，谢纬mā只好kap in同齐去参加会议。Tī大会投票表决ê时，伊得tio̍h siōng高票，因此，他当选了第34届台中中会副议长。

了后，伊开始参与中会ê事务，mā时常代表中会主持新任牧师ê就任典礼。隔年，谢纬照他所愿，无担任议长。但是，到1966年1月12日，伊iáu是被选做第36届台中中会议长。Tī当选议长了后，谢纬心里想，为tio̍h上帝kap hiah-ê支持家己ê众代表，他一定会好好á担起做议长责任。