《台语荒漠甘泉（全罗版）》

 | | | 转寄

Tú-tio̍h hoān-lān

作者 陈清俊 翻译 2006.11.19

listen




Cha̍p-it ge̍h cha̍p-káu ji̍t

"Lí sī hō͘ goán le̍k-kè chōe-chōe tōa hoān-lān ê, Lí beh hō͘ goán koh-chài oa̍h." (Si-phian 71:20)

Siōng-tè hō͘ lí keng-le̍k tio̍h "gûi-hiám hoān-lān," ū-sî sī lí ê kàu-io̍k ê chi̍t pō͘-hūn, lí "beh hām-lo̍h tī tōe-ē chhim ê só͘-chāi" (Si-phian 63:9), keng-kè tē-ē thong-tō, tó tī sí-lâng tiong-kan, chóng-sī lí kap Siōng-tè ê kau-thong, liân-lo̍k bô kàu tn̂g ê tē-pō͘. Kàu-bé I beh hō͘ lí tùi tē-ē "koh-oa̍h."

Éng bô hoâi-gî Siōng-tè! Bo̍h-tit kóng I pàng-sat lí, bōe-kì-tit lí, á-sī bô tông-chêng lí. I beh "hō͘ lí koh-oa̍h," put-koán lō͘-tô͘ sī khi-khu oan-khiau, lóng ōe ū pîⁿ-pîⁿ ti̍t-ti̍t ê chi̍t-tōaⁿ. Siōng tn̂g ê ji̍t iā ū ji̍t-lo̍h ê sî, Tang-thiⁿ ê seh chûn chin tn̂g iā ū iûⁿ-oân ê sî.

Ài kian-tēng put-î, kian-kò͘ bô iô-choah, "in-ūi chai lín tī Chú tio̍h-bôa ê m̄-sī khang-khang." (I Ko-lîm-to 15:58) I ōe oa̍t-tńg-sin lâi an-ùi lí. Tng I án-ni chòe, lí ê sim soah m̄-chai beh án-chóaⁿ kám-siā chhiùⁿ-koa o-ló I, chhin-chhiūⁿ si-jîn kóng, "Góa ê chi̍h beh tōa-siaⁿ gîm-si o-ló Lí ê gī." (Si-phian 51:14)

Hō͘ lo̍h, hong chhe,
Hân-léng tang-thiⁿ tē,
O͘-hûn ná lâi ná chōe,
Hio̍h la̍k, joa̍h-thiⁿ kè.

Ba̍k-chiu chù-sîn hong-thai-thiⁿ,
Sim pêng-chēng ná joa̍h-thiⁿ-sî,
Goān-ì chiap-siū Chú só͘ si,
Put-koán sī sím-mi̍h.

Tng kám-kak léng, chiū kóng "I siúⁿ-sù,"
Chai I ê hong chhe tòa lâi hó-chhù,
Só͘ khiàm-ēng I kiòng-èng bô tiu-tû,
Sui léng-hong chhe, sim-läi iáu un-loán kú-kú.

附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com.tw