《台语荒漠甘泉（汉罗版）》

 | | | 转寄

Ǹg望

作者 陈清俊 译 林俊育 汉罗翻写 2011.03.27

listen 三月二七(三月二十七日)

「因为(in-ūi) 我(góa) 算(sǹg) 现时(hiān-sî) ê 艰苦(kan-khó͘) bōe 堪得(kham-tit) 比(pí) phēng 所(só͘) beh 显明(hián-bêng) 到(kàu) tī 咱(lán) ê 荣光(êng-kng)。」(罗马(lô-má) 8：18)

最近(chòe-kūn)，tī 英国(eng-kok) 有(ū) 一个(chi̍t-ê) 真(chin) 特别(te̍k-pia̍t)，真(chin) iáⁿ 目(ba̍k) ê 婚礼(hun-lé)。新郎(sin-lông) 是(sī) 一位(chi̍t-ūi) 社会(siā-hōe) 地位(tē-ūi) 真(chin) koân koh 好额(hó-gia̍h) ê 青年人(chheng-liân-lâng)。伊(i) tī 十(cha̍p) 岁(hòe) ê 时(sî) 发生(hoat-seng) 意外(ì-gōa)，双(siang) 蕊(lúi) 目睭(ba̍k-chiu) 失明(sit-bêng)。虽然(sui-jiân) 无(bô) 看(khòaⁿ)，伊(i) iáu 是(sī) 用(ēng) 真(chin) 优秀(iu-siù) ê 成绩(sêng-chek) tùi 大学(tāi-ha̍k) 毕业(pit-gia̍p)。Taⁿ 得(tit) tio̍h 美丽(bí-lē) 新娘(sin-niû) ê 爱情(ài-chêng) 来(lâi) 举行(kú-hêng) 婚礼(hun-lé)，不过(put-kò)，伊(i) lóng m̄-bat 看见(khòaⁿ-kìⁿ) 新娘(sin-niû) ê 容貌(iông-māu)。Tī 结婚(kiat-hun) 前(chêng)，伊(i) 去(khì) 做(chòe) 手术(chhiú-su̍t)，由(iû) 专家(choan-ka) 做(chòe) 一连串(it-liân-chhòan) ê 手术(chhiú-su̍t)，手术(chhiú-su̍t) ê 结果(kiat-kó) beh tī 结婚(kiat-hun) ê 大日子(tōa-ji̍t-chí) chiah 会(ōe) 知(chai)。

结婚(kiat-hun) ê 大日子(tōa-ji̍t-chí) 到(kàu) lah，参加(chham-ka) 婚礼(hun-lé) ê 来宾(lâi-pin) 也(iā) lóng 在场(chāi-tiûⁿ)。新郎(sin-lông) 穿(chhēng) 礼服(lé-ho̍k)，由(iû) 老父(lāu-pē) chhōa 到(kàu) 礼堂(lé-tn̂g)，双(siang) 蕊(lúi) 目睭(ba̍k-chiu) iáu 包(pau) teh。伊(i) ê 眼科(gán-kho) 主治(chú-tī) 医师(i-su) tī 副堂(hù-tn̂g) teh thèng 候(hāu)。

新娘(sin-niû) ê 老父(lāu-pē) 牵(khan) 新娘(sin-niû) 入(ji̍p) 礼堂(lé-tn̂g)，伊(i) 激动(kek-tōng) kah 讲(kóng) bōe 出声(chhut-siaⁿ)。伊(i) 所(só͘) 心爱(sim-ài) ê 郎君(lông-kun) 是(sī) m̄ 是(sī) 看(khòaⁿ) 会(ōe) tio̍h 伊(i) ê 面(bīn)，súi-súi ê 面(bīn)，á 是(sī) kan-ta 会(ōe) 用(ēng) 手(chhiú) 指头(chéng-thâu) á 来(lâi) 摸(bong) 伊(i) ê 面(bīn) nā-tiāⁿ？

新娘(sin-niû) ǹg 圣坛(sèng-tôaⁿ) 慢慢(bān-bān) 行(kiâⁿ)，婚礼(hun-lé) ê 进行(chìn-hêng) 曲(khek) 已经(í-keng) teh 弹(tôaⁿ) lah。伊(i) 看(khòaⁿ) tio̍h 真(chin) 罕得(hán-tit) 见(kìⁿ) tio̍h ê 现象(hiān-siōng)，tī 伊(i) ê 头前(thâu-chêng)，有(ū) 新郎(sin-lông) ê 老父(lāu-pē) kap 医生(i-seng)，医生(i-seng) tú teh 铰开(ka-khui) 新郎(sin-lông) 目睭(ba̍k-chiu) 前(chêng) ê 绷带(hô-tái)(纱(se) á 布(pò͘))。

绷带(hô-tái) 除去(tû-khì) 了(liáu)，新郎(sin-lông) ê 心肝(sim-koaⁿ) pho̍k-pho̍k-chháiⁿ，脚手(kha-chhiú) phi̍h-phi̍h-chhoah，kah-ná iáu- bōe 醒(chhíⁿ) 起来(khí-lâi) 一样(chi̍t-iūⁿ)，向前(hiòng-chêng) 踏(ta̍h) 一步(chi̍t-pō͘)，有(ū) 太阳(thài-iông) ê 光(kng) tùi 彩色(chhái-sek) 玻璃(po-lê) 窗(thang) 射(siā) tio̍h 伊(i) ê 面(bīn)，伊(i) 无(bô) 反应(hóan-èng)，kah-ná lóng 无(bô) 看(khòaⁿ) tio̍h ê 款(khóan)。

伊(i) ê 目睭(ba̍k-chiu) 会(ōe) 看见(khòaⁿ-kìⁿ) mah?当(tng) 伊(i) khiā 好势(hó-sè) ê 时(sî)，伊(i) ê 面貌(bīn-māu) 显出(hián-chhut) 欢喜(hoaⁿ-hí) 快乐(khòai-lo̍k) ê 光彩(kong-chhái)，见(kìⁿ) tio̍h 新娘(sin-niû)，就(chiū) 向前(hiòng-chêng) 去(khì) 到(kàu) 新娘(sin-niû) ê 面前(bīn-chêng) kā 伊(i) 相揽(sio-lám)，伊(i) ê 目睭(ba̍k-chiu) 一直(it-ti̍t) 看(khòaⁿ) 新娘(sin-niû) ê 面(bīn) lóng 无(bô) 徙开(sóa-khui)。

新娘(sin-niû) 大(tōa) 欢喜(hoaⁿ-hí) 讲(kóng)：「伊(i) 会(ōe) 看见(khòaⁿ-kìⁿ) lah，伊(i) 确实(khak-si̍t) koh 再(chài) 看(khòaⁿ) tio̍h lah。」伊(i) tìm 头(thâu) 回应(hôe-èng)。真正(chin-chiàⁿ) 是(sī) 一个(chi̍t-ê) 真(chin) 激动(kek-tōng) 人(lâng) ê 场面(tiûⁿ-bīn)，是(sī) 一个(chi̍t-ê) thang 大大(tōa-tōa) 欢乐(hoan-lo̍k) ê 场面(tiûⁿ-bīn)。实在(si̍t-chāi)，chit-ê 故事(kò͘-sū) 是(sī) 真(chin) súi，对(tùi) 咱(lán) 也是(iā-sī) 一个(chi̍t-ê) 浅显(chhián-hián) ê 说明(soat-bêng)，是(sī) teh 指(kí)，基督徒(ki-tok-tô͘) tī 经过(keng-kòe) 世上(sè-chiūⁿ) ê 苦难(khó͘-lān) kap 忧伤(iu-siong) ê 日子(ji̍t-chí) 以后(í-āu)，beh tī 天里(thiⁿ-nih) 一定(it-tēng) 会(ōe) 发生(hoat-seng) ê 事(sū)―kap 主(chú) 面对面(bīn-tùi-bīn) ê 相会(siong-hōe)(I 哥林多(ko-lîm-to) 13：12)

亲爱(chhin-ài) 主(chú)，我(góa) 渴慕(khak-bō͘)，
真实(chin-si̍t) 可爱(khó-ài) ê 主(chú) 耶稣(iâ-so͘)；
稀奇(hi-kî) koh 期待(kî-thāi)，
你(lí) ê koh 再(chài) 来(lâi)；
我(góa) 所(só͘) 做(chòe)，所(só͘) 提倡(thê-chhiòng)，
是(sī) ài 见(kìⁿ) 你(lí) ê 面容(bīn-iông)。

大(tōa) 喜乐(hí-lo̍k) ê 日子(ji̍t-chí)，
你(lí) koh 来(lâi) ê 时(sî)；
见(kìⁿ) 你(lí) ê 面(bīn)，听(thiaⁿ) 你(lí) ê 声(siaⁿ)，
一齐(chi̍t-chê) 快乐(khòai-lo̍k) 是(sī) 真(chin) 是(sī) 正(chiàⁿ)；
美好(bí-hó) ǹg 望(bāng)，我(góa) 亲身(chhin-sin)，
渴慕(khak-bō͘) 见(kìⁿ) 你(lí) ê 面(bīn)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org