《台语荒漠甘泉（汉罗版）》

 | | | 转寄

快乐

作者 陈清俊 译 林俊育 汉罗翻写 2011.03.20

listen 三月二十(三月二十日)

「亲像(chhin-chhiūⁿ) 烦恼(hôan-ló)，其实(kî-si̍t) 常常(siông-siông) 快乐(khòai-lo̍k)；亲像(chhin-chhiūⁿ) sòng-hiong (散赤(sàn-chhiah))，其实(kî-si̍t) hō͘ chōe-chōe 人(lâng) 富(pù)；亲像(chhin-chhiūⁿ) 无(bô) 有(ū)，其实(kî-si̍t) 是(sī) 无(bô) m̄ 有(ū)。」(Ṳ 哥林多(ko-lîm-to) 6：10)

一个(chi̍t-ê) 坚强(kian-kiông) ê 人(lâng) 是(sī) 无(bô) 随便(sûi-piān) 流目屎(lâu-ba̍k-sái)，但是(tān-sī) 基督徒(ki-tok-tô͘) 并(pēng) 无(bô) 禁止(kìm-chí) bōe-sái 哭(khàu)、流目屎(lâu-ba̍k-sái)。心灵(sim-lêng) 极度(ke̍k-tō͘) ê 忧伤(iu-siong) 会(ōe) 变成(piàn-sêng) 静静(chēng-chēng) bōe 出声(chhut-siaⁿ)。Ná 亲像(chhin-chhiūⁿ) 一(chi̍t) 只(chiah) 羊(iûⁿ) tī 受(siū) 剪(chián) 毛(mn̂g) ê 时(sî)，phi̍h-phi̍h-chhoah bōe 出声(chhut-siaⁿ) 一样(chi̍t-iūⁿ)。Tn̄g-tio̍h 精神(cheng-sîn) 受(siū) 考验(khó-giām)，受(siū) 极(ke̍k) 大(tōa) ê 苦难(khó͘-lān) ê 时(sî)，咱(lán) thang 大声(tōa-siaⁿ) 求叫(kiû-kiò)，啼哭(thî-khàu) 来(lâi) 得(tit) tio̍h tháu 放(pàng)。总是(chóng-sī) iáu 有(ū) 比(pí) chit-ê khah 好(hó) ê 办法(pān-hoat)。

Bat 听讲(thiaⁿ-kóng)，甜蜜(tiⁿ-bi̍t) ê 清泉(chheng-chôaⁿ) 是(sī) tùi 咸咸(kiâm-kiâm) ê 海水(hái-chúi) 来(lâi) ê。Koân 山里(soaⁿ-nih) siōng súi ê 花(hoe)，是(sī) 生(siⁿ) tī siōng 荒废(hong-hùi)，siōng 无(bô) 人(lâng) 到(kàu)，危险(gûi-hiám) ê 山间(soaⁿ-kan) 中(tiong)。Siōng súi ê 诗歌(si-koa)，是(sī)tùi受(siū) 极(ke̍k) 痛苦(thòng-khó͘) ê 灵魂(lêng-hûn) 所(só͘) 产生(sán-seng) ê。

愿(gōan) 这(che) 情形(chêng-hêng) iáu teh 继续(kè-sio̍k)，tī chōe-chōe 试炼(chhì-liān) 中(tiong)，疼(thiàⁿ) 主(chú) ê 灵魂(lêng-hûn) 会(ōe) 发现(hoat-hiān)，chhē 出(chhut) 无数(bû-sò͘)「tio̍h tiô 跳(thiàu)，欢喜(hoaⁿ-hí) kap 快乐(khòai-lo̍k)」ê 理由(lí-iû)。「水(chúi) chhiâng 发声(hoat-siaⁿ)，深渊(chhim-ian) 响应(hiáng-èng)」(诗篇(si-phian) 42：7)，对(tùi) 主(chú) 来(lâi) o-ló ê 歌(koa)，清凉(chheng-liâng) ê 声(siaⁿ) beh 常常(siông-siông) 听(thiaⁿ) tio̍h。当(tng) 咱(lán) tī siōng 困难(khùn-lân) 痛苦(thòng-khó͘) ê 时(sî)，咱(lán) iáu 会(ōe) 发出(hoat-chhut) 感谢(kám-siā) o-ló 天父(thiⁿ-pē) 上帝(siōng-tè)，咱(lán) ê 主(chú) ê 歌声(koa-siaⁿ)。

你(lí) 有(ū) 得(tit) tio̍h chit 号(hō) ê 教示(kà-sī) 无(bô)？咱(lán) m̄-nā ài 忍耐(jím-nāi)，听(thiaⁿ) thàn 主(chú) ê 旨意(chí-ì)，koh-khah tio̍h 进一步(chìn-chi̍t-pō͘)「满满(móa-móa) 有(ū) 荣光(êng-kng) ê 喜乐(hí-lo̍k)」(I 彼得(pí-tet) 1：8)，为(ūi) tio̍h 这(che) 来(lâi) 欢喜(hoaⁿ-hí) 快乐(khòai-lo̍k)。

烦恼(hôan-ló) 忧伤(iu-siong) ê 重担(tāng-tàⁿ)，受伤(siū-siong) ê 心境(sim-kéng)，
嘴(chhùi) 合(ha̍p) tiâu-tiâu，目屎(ba̍k-sái)kâm tī目睭(ba̍k-chiu) 内(lāi) ê 情形(chêng-hêng)，
无言(bû-giân) 无(bô) 语(gú)，无(bô) 哭(khàu) 无(bô) 求情(kiû-chêng)，
我(góa) beh 静静(chēng-chēng)。

看(khòaⁿ) bōe tio̍h，想(siūⁿ) bōe 开(khui)，
无情(bô-chêng) ê 火(hé)，惹起(jiá-khí) 内面(lāi-bīn) 受伤(siū-siong) ê 血(huih)，
失去(sit-khì) 所(só͘) chhun 一点点(chi̍t-tiám-tiám) á ê 安慰(an-ùi)，
我(góa) 犹原(iû-gôan) 静静(chēng-chēng) 无(bô) 开嘴(khui-chhùi)。

上帝(siōng-tè) 是(sī) 疼(thiàⁿ)，我(góa) ài 忍耐(jím-nāi)，
我(góa) ê 灵(lêng) 无(bô) giâu 疑(gî)，无(bô) 悲哀(pi-ai)，
我(góa) beh 等待(tán-thāi)，
伊(i) ê 手(chhiú) chhun 出来(chhut-lâi)。

我(góa) 挣扎(cheng-chat)，我(góa) 惊惶(kiaⁿ-hiâⁿ)，
我(góa) iáu 听(thiaⁿ) 我(góa) ê 心声(sim-siaⁿ)；
用(ēng) 无(bô) koh 有(ū) 目屎(ba̍k-sái) ê 目睭(ba̍k-chiu) 求叫(kiû-kiò) 伊(i) ê 名(miâ)，
讲(kóng)，主(chú) ah，愿(gōan) 你(lí) ê 旨意(chí-ì) 得(tit) 成(chiâⁿ)。

无久(bô-kú)，我(góa) 受(siū) 押(ap) tiâu ê 心(sim) 讲话(kóng-ōe)，
为何(ūi-hô) 嘴(chhùi) tu-tu，面(bīn) 忧忧(iu-iu)，目(ba̍k) khoeh-khoeh，
我(góa) ê 灵(lêng) ah，咱(lán) khah 好(hó)，起来(khí-lâi) 做(chòe)，
M̄-thang koh 静静(chēng-chēng)，ài 快乐(khòai-lo̍k) tùi 心底(sim-té)！

Taⁿ 我(góa) 心(sim) 快乐(khòai-lo̍k) 来(lâi) 唱歌(chhiùⁿ-koa)，
M̄ 免(bián) 乐器(ga̍k-khì) 来(lâi) 弹(tôaⁿ)，来(lâi) 伴(phōaⁿ)，
沙漠(soa-bô͘) 中(tiong) ê 甘泉(kam-chôaⁿ)，
虽(sui) 受伤(siū-siong)，iáu beh ná 鹰(eng) 展翼(tián-si̍t) 飞(pe) ǹg koân 山(soaⁿ)。
――S.P.W.


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org