《台语荒漠甘泉（汉罗版）》

 | | | 转寄

硬心

作者 陈清俊 译 林俊育 汉罗翻写 2011.03.13

listen 三月十三(三月十三日)

「主(chú) 上帝(siōng-tè)，全能(chôan-lêng) ê ah，你(lí) ê 所(só͘) 做(chòe) 大(tōa) koh 奇怪(kî-kòai)；历(le̍k) 世代(sè-tāi) ê 王(ông) ah，你(lí) ê 道路(tō-lō͘) 义(gī) koh 真实(chin-si̍t)。」(启示录(khé-sī-lio̍k) 15：3)

下面(ē-bīn) 是(sī) 出名(chhut-miâ) ê 传道者(thôan-tō͘-chiá) Charles H. Spurgeon ê 夫人(hu-jîn)(伊(i) ê 身体(sin-thé) 无(bô) 好势(hó-sè) 有(ū) 二十五(jī-cha̍p-gō͘) 年(nî) 久(kú))所(só͘) 做(chòe) ê 见证(kiàn-chèng)：

过了(kè-liáu) lóng 无(bô) 做(chòe) 甚么(sím-mi̍h) ê 一工(chi̍t-kang) 了后(liáu-āu)，我(góa) 倒(tó) tī 一块(chi̍t-tè) phòng 椅(í) 歇困(hioh-khùn)。虽然(sui-jiân) 房间(pâng-keng) ê 电火(tiān-hé) 真(chin) 光(kng)，总是(chóng-sī) 外口(gōa-kháu) ê 乌暗(o͘-àm) 进入(chìn-ji̍p) 我(góa) ê 身体(sin-thé)，soah 遮盖(jia-khàm) 我(góa) ê 心灵(sim-lêng) ê 目睭(ba̍k-chiu)。我(góa) 极力(ke̍k-le̍k) beh 去(khì) khiú hit 双(siang)「有力(ū-la̍t) ê 手(chhiú)」，就是(chiū-sī) 常常(siông-siông) ín-chhōa 我(góa) 行路(kiâⁿ-lō͘) ê 全能(chôan-lêng) ê 手(chhiú)，总是(chóng-sī) 我(góa) lóng 看(khòaⁿ) bōe-tio̍h。

我(góa) 真(chin) 悲伤(pi-siong) 来(lâi) 问(mn̄g) 讲(kóng)，主(chú) 为甚么(ūi-sím-mi̍h) án-ni 对待(tùi-thāi) 伊(i) ê 一个(chi̍t-ê) gín-ná!伊(i) 为甚么(ūi-sím-mi̍h) hō͘ 我(góa) tú-tio̍h chit 款(khóan) ê 艰难(kan-lân)、痛苦(thòng-khó͘)？伊(i) 为甚么(ūi-sím-mi̍h) 将(chiong) chit-ê 苦楚(khó͘-chhó͘) 久长(kú-tn̂g) 缠(tîⁿ) tī 我(góa) 身上(sin-chiūⁿ)，soah 一直(it-ti̍t) 无法度(bô͘-hoat-tō͘) 来(lâi) 侍候(sū-hāu) 伊(i) ê「需要(su-iàu) 人(lâng) 料理(liāu-lí) ê 奴仆(lô͘-po̍k)」？

Chiah-ê 问题(būn-tê) 真(chin) 紧(kín) 就(chiū) 得(tit) tio̍h 回答(hôe-tap)，是(sī) 用(ēng) 真(chin) 奇妙(kî-biāu) ê 言语(giân-gí) 来(lâi) 回应(hôe-èng)，无(bô) 需要(su-iàu) 人(lâng) ê 翻译(hoan-e̍k)，只要(chí-iàu) 用(ēng) 我(góa) 留心(liû-sim) 注意(chù-ì) ê 心灵(sim-lêng) ê 言语(giân-gí) 就(chiū) 够额(kàu-gia̍h)。Tī chit 段(tōaⁿ) 肃静(siok-chēng) ê 时间(sî-kan)，只有(chí-ū) hiâⁿ 火(hé) 柴(chhâ) teh to̍h 所(só͘) 发出(hoat-chhut) phit-phit-pha̍k-pha̍k ê 声(siaⁿ)。突然(thut-jiân) 我(góa) 听(thiaⁿ) tio̍h 一个(chi̍t-ê) 温柔(un-jiû) ê 声音(siaⁿ-im)，清清(chheng-chheng) 楚楚(chhó-chhó) ê 音乐(im-ga̍k)，亲像(chhin-chhiūⁿ) tī 窗(thang) á kha 有(ū) 鸟(chiáu) á teh 唱出(chhiùⁿ-chhut) 美好(bí-hó) ê 歌调(koa-tiāu)。

我(góa) 大声(tōa-siaⁿ) 问(mn̄g) 讲(kóng)：「这(che) 是(sī) 甚么(sím-mi̍h) 声(siaⁿ)？」Tī chit-ê 寒冷(hân-léng) ê 暗时(àm-sî)，绝对(cho̍at-tùi) 无(bô) 可能(khó-lêng) 有(ū) 鸟(chiáu) tī 外面(gōa-bīn) 唱歌(chhiùⁿ-koa)。Hit-ê 温柔(un-jiû) ê 鸟(chiáu) á 歌声(koa-siaⁿ) 又(iū) koh 听(thiaⁿ) kah 清清(chheng-chheng) 楚楚(chhó-chhó)，温柔(un-jiû) koh 神秘(sîn-pì) hō͘ 我(góa) 感觉(kám-kak) 真(chin) 稀奇(hi-kî)。然后(jiân-āu) 我(góa) ê 至好(chí-hó) 朋友(pêng-iú) hoah 讲(kóng)，这(che) 是(sī) 壁炉(piah-lô͘) 内(lāi) ê hit 支(ki) 柴(chhâ) 所(só͘) 发(hoat) 出来(chhut-lâi) ê!炉(lô͘) 火(hé) 将(chiong) 留(lâu) tī 柴(chhâ) 内(lāi)，已经(í-keng) khǹg-tī 柴(chhâ) 内(lāi) 久久(kú-kú) ê 音乐(im-ga̍k) 放(pàng) 出来(chhut-lâi)。

可能(khó-lêng) chit 支(ki) 柴(chhâ)，tī 伊(i) 美好(bí-hó) ê 时(sî) 有(ū) 听(thiaⁿ) tio̍h 鸟(chiáu) á khiā-tī 伊(i) ê 顶面(téng-bīn) 唱(chhiùⁿ) chit 条(tiâu) 歌(koa)，伊(i) 记(kì) 起来(khí-lâi)，收(siu) 起来(khí-lâi)，隐藏(ún-chông) 起来(khí-lâi)。总是(chóng-sī) 以后(í-āu) 伊(i) 老(lāu) lah，tēng lah，一(chi̍t) 年(nî) koh 一(chi̍t) 年(nî) ê 生(siⁿ) 瘤(liû)，soah 将(chiong) chit 条(tiâu) 歌(koa) 封(hong) 起来(khí-lâi)，封(hong) kah 密(ba̍t) chiuh-chiuh。直到(ti̍t-kàu) 火舌(hé-chi̍h) 来(lâi) 烧(sio) chit 支(ki) 柴(chhâ)，烧(sio) hō͘ 伊(i) 发出(hoat-chhut) 歌声(koa-siaⁿ)，成做(chiâⁿ-chòe) 献上(hiàn-chiūⁿ) ê 牲礼(seng-lé)。Chit 时(sî)，我(góa) chiah 明白(bêng-pe̍k)，病痛(pīⁿ-thiàⁿ) ê 火(hé) hō͘ 咱(lán) ê 内面(lāi-bīn) 放出(pàng-chhut) o-ló ê 歌声(koa-siaⁿ)，hō͘ 咱(lán) ê 心神(sim-sîn) 真正(chin-chiàⁿ) 得(tit) tio̍h 洁净(kiat-chēng)。咱(lán) ê 父(pē) 上帝(siōng-tè) 得(tit) tio̍h 荣耀(êng-iāu)。

有(ū) 人(lâng) ná 亲像(chhin-chhiūⁿ) chit 支(ki) 柴(chhâ)，冷冷(léng-léng) tēng-tēng，无(bô) 感情(kám-chêng)，lóng m̄-bat 唱出(chhiùⁿ-chhut) 美好(bí-hó) ê 歌(koa)。是(sī) 咱(lán) 周围(chiu-ûi) ê 炎炎(iām-iām) ê 火(hé) hō͘ 咱(lán) 放出(pàng-chhut) 真(chin) 神(sîn) ê 声调(siaⁿ-tiāu)，hō͘ 咱(lán) 快快(khòai-khòai) 乐乐(lo̍k-lo̍k) 来(lâi) 遵行(chun-hêng) 伊(i) ê 旨意(chí-ì)。想(siūⁿ) 到(kàu) chia，壁炉(piah-lô͘) ê 火(hé) 继续(kè-sio̍k) teh 烧(sio)。Chit 种(chióng) ê 譬喻(phì-jū) 真(chin) 奇妙(kî-biāu)，hō͘ 我(góa) ê 灵(lêng) 甜蜜(tiⁿ-bi̍t)、sù-sī 好势(hó-sè)。

「Tio̍h！tī 火(hé) 中(tiong) 唱歌(chhiùⁿ-koa)！」天父(thiⁿ-pē) 有时(ū-sî) 用(ēng) 这(che) 唯一(ûi-it) ê 方法(hong-hoat)，教(kà) 咱(lán) 死死(sí-sí)、冷冷(léng-léng)、硬硬(ngī-ngī) ê 心(sim)，出(chhut) 和谐(hô-hâi) ê 歌声(koa-siaⁿ)。所以(só͘-í)，hō͘ 火炉(hé-lô͘)「比(pí) 平常(pêng-siông) 加添(ke-thiⁿ) 七(chit) 倍(pē) ê 热(jo̍ah)」(但以理(tān-í-lí) 3：19)


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org