《台语荒漠甘泉（汉罗版）》

 | | | 转寄

信心

作者 陈清俊 译 林俊育 汉罗翻写 2011.03.06

listen 三月初六(三月六日)
「若是(nā-sī) 阮(góan) 平素(pêng-sò͘) teh ǹg 望(bāng) ê，就是(chiū-sī) hit-ê beh 赎回(sio̍k-hôe) 以色列(í-sek-lia̍t) ê;」(路加(lō͘-ka) 24：21)

这(che) 是(sī) tī 去(khì) 以马忤(í-má-ngó͘) ê 路中(lō͘-tiong)，两(nn̄g) 个(ê) 学生(ha̍k-seng) kap 耶稣(iâ-so͘) 同行(tâng-kiâⁿ) ê 时(sî)，所(só͘) 讲(kóng) ê 话(ōe)。我(góa) 为(ūi) tio̍h in 来(lâi) 忧伤(iu-siong)，因为(in-ūi) in 无(bô) 讲出(kóng-chhut)「阮(góan) iáu teh ǹg 望(bāng)」，in kan-taⁿ 讲(kóng)「阮(góan) 平素(pêng-sò͘) teh ǹg 望(bāng)」，表示(piáu-sī) 是(sī) in 以前(í-chêng) 有(ū) ǹg 望(bāng)，现在(hiān-chāi) 就(chiū) 无去(bô-khì) lah，耶稣(iâ-so͘) 已经(í-keng) 受钉(siū-tèng) 死(sí) tī 十字架(si̍p-jī-kè) lah。Ǹg 望(bāng) 失去(sit-khì) lah。In ê 心(sim) 已经(í-keng) 碎去(chhùi-khì) lah。In 却(khiok) m̄ 知(chai) kap in saⁿ 同行(tâng-kiâⁿ) ê，就是(chiū-sī) 耶稣(iâ-so͘) 本身(pún-sin)，是(sī) in 所(só͘) ǹg 望(bāng) ê，是(sī) 活活(o̍ah-o̍ah) teh kap in 讲话(kóng-ōe)。我(góa) 真(chin) ǹg 望(bāng) in 会(ōe) 讲出(kóng-chhut)，虽然(sui-jiân) 事情(sū-chêng) 发生(hoat-seng)，是(sī) kap in 所(só͘) ǹg 望(bāng) ê 相(saⁿ) 对反(tùi-hóan)，m̄-koh in nā 无(bô) beh 放弃(hòng-khì)，有(ū) 信心(sìn-sim)，一定(it-tēng) iáu 会(ōe) tú-tio̍h 伊(i)(耶稣(iâ-so͘))，照(chiàu) 伊(i) 以前(í-chêng) 所(só͘) 对(tùi) in 讲(kóng) ê 话(ōe)。莫怪(bo̍k-kòai) 耶稣(iâ-so͘) 对(tùi) in 讲(kóng)：「无知(bû-ti) ê 人(lâng) ah，先知(sian-ti) 所(só͘) 讲(kóng) 一切(it-chhè) ê 话(ōe)，lín ê 心(sim) 怎样(cháiⁿ-iūⁿ) hiah-oh 信(sìn) ah!」(路加(lō͘-ka) 24：25)

反(hóan) 倒(tó) tńg 来(lâi) 想(siūⁿ) 咱(lán) 本身(pún-sin)，咱(lán) 是(sī) m̄ 是(sī) 也会(iā-ōe) 亲像(chhin-chhiūⁿ) in 讲(kóng) m̄-tio̍h ê 话(ōe)。咱(lán) ê 身边(sin-piⁿ) 一切(it-chhè) ê 物件(mi̍h-kiāⁿ) thang 失去(sit-khì)，无去(bô-khì)，总是(chóng-sī) m̄-thang 讲话(kóng-ōe) 失去(sit-khì) 信心(sìn-sim)，soah 失落(sit-lo̍h) 上帝(siōng-tè) ê 真理(chin-lí) kap 疼痛(thiàⁿ-thàng)。希望(hi-bōng) 咱(lán) 无(bô) 亲像(chhin-chhiūⁿ) chit 两(nn̄g) 个(ê) 学生(ha̍k-seng) 所(só͘) 讲(kóng)：「阮(góan) 本来(pún-lâi) 相信(siong-sìn)，ǹg 望(bāng)」，á 是(sī)「阮(góan) bat 相信(siong-sìn)，bat ǹg 望(bāng)」，咱(lán) beh án-ni 讲(kóng)：「阮(góan) 现在(hiān-chāi) 也(iā) 相信(siong-sìn)，也(iā) ǹg 望(bāng)」，kap「阮(góan) 永永远远(éng-éng-óan-óan) teh 相信(siong-sìn)，teh ǹg 望(bāng)。」

热天(jo̍ah-thiⁿ) 温暖(un-lóan) 又(iū) 光辉(kong-hui)，
大(tōa) 树(chhiū) 细(sòe) 枝(ki) 花蕊(hoe-lúi) 开(khui)，
见(kìⁿ) tio̍h 满满(móa-móa) 是(sī) 玫瑰(mûi-kùi)，
我(góa) 相信(siong-sìn) 主(chú) 大(tōa) 恩惠(un-hūi)。

冬天(tang-thiⁿ) 玫瑰花(mûi-kùi-hoe) 无去(bô-khì)，
寒冷(hân-léng) 风云(hong-hûn) 遍(piàn) 满(móa) 天(thiⁿ)，
无(bô) koh 勇敢(ióng-kám) 相信(siong-sìn) 伊(i)，
信心(sìn-sim) 何等(hô-téng) 细(sòe)，稀微(hi-bî)。
――冬风(tang-hong) 中(tiong) ê 鸟(chiáu) á 歌(koa)


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org