《台语荒漠甘泉（汉罗版）》

 | | | 转寄

无靠目睭看ê信心

作者 陈清俊 译 林俊育 汉罗翻写 2009.08.23

listen
八月二三(八月二十三日)

「Tùi 信(sìn)，亚伯拉罕(A-pek-la̍h-hán) 受(siū) 召(tiàu) ê 时(sî)，就(chiū) 顺(sūn) 命令(bēng-lēng) 出去(chhut-khì)， …伊(i) 出去(chhut-khì)，m̄ 知(chai) beh 去(khì) tá 落(lo̍h)。」 (希伯来11：8)

这(che) 是(sī) 无(bô) 用(ēng) 目睭(ba̍k-chiu) 看(khoàⁿ) ê 信心(sìn-sim)。目睭(ba̍k-chiu) 所(só͘) 看(khoàⁿ) ê m̄ 是(sī) 信心(sìn-sim) 是(sī) 推理(thui-lí)。我(goá) 有(ū) 一(chi̍t) pái 坐船(chē-chûn) 横过(hoâiⁿ-kè) 大西洋(Tāi-se-iûⁿ)，观察(koan-chhat) tio̍h 信心(sìn-sim) ê 原则(goân-chek)。我(goá) 无(bô) 看(khoàⁿ) tio̍h 海面(hái-bīn) 有(ū) 画(oē) 出(chhut) 甚么(sím-mi̍h) 路径(lō͘-kèng)，也(iā) 无(bô) 看(khoàⁿ) tio̍h 岸(hoāⁿ) á 是(sī) 陆地(lio̍k-tē)，总是(chóng-sī) 每日(muí-ji̍t) tī 海图室(hái-tô͘-sek) 标(piau) 出(chhut) 船(chûn) ê 进行(chìn-hêng) 所在(só͘-chāi)，ná 亲像(chin-chhiūⁿ) 海面(hái-bīn) 画(oē) 一条(chi̍t-tiâu) 白线(pe̍h-soàⁿ)， 船(chûn) 照(chiàu) án-ni 驶(sái)。到(kàu) 大西洋(Tāi-se-iûⁿ) ê hit-pêng 岸(hoāⁿ)，阮(goán) 也(iā) 知(chai) hit-ê 是(sī) 甚么(sím-mi̍h) 所在(só͘-chāi)。一(chi̍t) 点(tiám) á cheng-chha mā 无(bô)，ná 亲像(chin-chhiūⁿ) tī 三(saⁿ) 千(chheng) 里(lí) 外(goā) ê 所在(só͘-chāi) 就(chiū) 看(khoàⁿ) tio̍h 对(tuì) pêng 岸(hoāⁿ) 一样(chi̍t-iūⁿ)。

行船(kiâⁿ-chûn) 怎样(cháiⁿ-iūⁿ) 能(oē) chiah-nih 正确(chèng-khak) 计画(kè-oē) 出来(chhut-lâi) neh？因为(in-uī) 船长(chûn-tiúⁿ) 每日(muí-ji̍t) theh 仪器(gî-khì) 观察(koan-chhat) 天象(thian-siōng)，tùi 日头(ji̍t-thâu) ê 位置(uī-tì) 来(lâi) 决定(koat-tēng) 行(kiâⁿ) ê 路线(lō͘-soàⁿ)，伊(i) 行船(kiâⁿ-chûn) 是(sī) 用(ēng) 天顶(thiⁿ-téng) ê 光(kng)，m̄ 是(sī) 用(ēng) 地面(tē-bīn) ê 光(kng) 来(lâi) chhōa 路(lō͘)。

真正(chin-chiàⁿ) ê 信心(sìn-sim) 也(iā) 向(hiòng) 顶面(téng-bīn) 观看(koan-khoàⁿ) 来(lâi) 行做(kiâⁿ-choè)，是(sī) 用(ēng) 上帝(siōng-tè) ê 大(toā) 太阳(thài-iông) 光(kng)，伊(i) 无(bô) 看(khoàⁿ) 海岸线(hái-hoāⁿ-soàⁿ)，无(bô) 看(khoàⁿ)地面(tē-bīn) ê 灯塔(teng-thah)，á 是(sī) 沿路(iân-lō͘) ê 小(sió) 路(lō͘)、小岛(sió-tó)。信心(sìn-sim) ê 脚步(kha-pō͘) 往往(óng-óng) chhōa ǹg 全然(choân-jiân) 无(bô) 把握(pá-ak) 甚至(sīm-chì) 乌暗(o͘-àm) kap 灾难(chai-lān) 中(tiong)。总是(chóng-sī) 上帝(siōng-tè) 会(oē) 开路(khui-lō͘)，常常(siông-siông) hō͘ 半暝(poàⁿ-mî) siōng 乌暗(o͘-àm) ê 时(sî) chūn 变做(pìⁿ-choè) 黎明(lê-bêng) hiah-nih 光亮(kng-liāng)。

Hō͘ 咱(lán) 今日(kim-ji̍t) 就(chiū) 起帆(khí-phâng)、驶船(sái-chûn)，虽然(sui-jiân) m̄ 知(chai)，也(iā) 看(khoàⁿ) 无(bô) 前途(chiân-tô͘)，但是(tān-sī) thang 完全(oân-choân) 来(lâi) 信靠(sìn-khò)。 ――tùi「Tī地ná tī天」

真(chin) chōe 人(lâng) tī 开始(khai-sí) 以前(í-chêng)，就(chiū) beh ài 看(khoàⁿ) tio̍h 伊(i) 发展(hoat-tián) ê 全部(choân-pō͘)。想(siūⁿ) 看(khoàⁿ) māi，咱(lán) 若(nā) 能(oē) 看(khoàⁿ) tio̍h tùi 头(thâu) 到(kàu) 尾(bé) ê 全部(choân-pō͘) 路程(lō͘-thêng)，咱(lán) án-chóaⁿ 能(oē) 发挥(hoat-hui) 基督徒(ki-tok-tô͘) ê 恩赐(un-sù) neh？信心(sìn-sim)、希望(hi-bōng)、疼痛(thiàⁿ-thàng) bōe 亲像(chin-chhiūⁿ) 苹果(pêng-kó) 到(kàu) 熟(se̍k) 自然(chū-jiân) tùi 树顶(chhiū-téng) la̍k 落来(lo̍h-lâi) 一样(chi̍t-iūⁿ)。 Ài 记得(kì-tit)，圣经(sèng-keng) ê 头(thâu) 一节(chi̍t-chat)，「源起头(goân-khí-thô͘)」所(só͘) 接(chiap) 落(lo̍h) 去(khì) ê 字(jī) 是(sī)「上帝(siōng-tè)」。这(che) 是(sī) 咱(lán) 用(ēng) 信心(sìn-sim) 来(lâi) chūn 锁匙(só-sî) 开动(khai-tōng) 主(chú) ê 发电厂(hoat-tiān-chhiúⁿ) ê 门(mn̂g) ê 头(thâu) 一步(chi̍t-pō͘)。无(bô) m̄-tio̍h，上帝(siōng-tè) 帮赞(pang-chān) 自己(chū-kí) 努力(ló͘-le̍k)，自己(chū-kí) 帮赞(pang-chān) ê 人(lâng)，总是(chóng-sī) 上帝(siōng-tè) 也(iā) 帮赞(pang-chān) hiah-ê 无助(bû-chō͘) 软(nńg) chiáⁿ ê 人(lâng)。所以(só͘-í) 无论(bô-lūn) 环境(khoân-kéng) 如何(jû-hô)，每(muí) pái lóng thang óa 靠(khò) 伊(i)。

等待(tán-thāi) 上帝(siōng-tè) chhōa 咱(lán) 行(kiâⁿ) 到(kàu) 旅途(lú-tô͘) ê 终点(chiong-tiám) 比(pí) 咱(lán) 用(ēng) 脚(kha) 家己(ka-kī) 行(kiâⁿ) 加(ke) 紧(kín) 真(chin) chōe。 伊(i) 已经(í-keng) 出令(chhut-lēng) ài 咱(lán) 行动(hêng-tōng)，咱(lán) iáu teh 踌躇(tiû-tû) 甚么(sím-mi̍h)？M̄-thang hō͘ 机会(ki-hoē) 一(chi̍t) pái koh 一(chi̍t) pái 失去(sit-khì) ah。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com