《台语荒漠甘泉（汉罗版）》

 | | | 转寄

吞忍thèng候

作者 陈清俊 译 林俊育 汉罗翻写 2009.08.16

listen
八月十六(八月十六日)

「我(goá) bat 吞忍(thun-lún) thèng 候(hāu) 耶和华(Iâ-hô-hoa)。」 (诗篇40：1)

Thèng 候(hāu) 比(pí) 行路(kiâⁿ-lō͘) khah oh，因为(in-uī) thèng 候(hāu) 需要(su-iàu) 耐心(nāi-sim)、吞忍(thun-lún)。忍耐(jím-nāi) 是(sī) 难得(lân-tit) 有(ū) ê 美德(bí-tek)。上帝(siōng-tè) 围(uî) 篱笆(lî-pa) 来(lâi) 保护(pó-hō͘) 伊(i) ê 子民(chú-bîn)，tùi 保护(pó-hō͘) ê 角度(kak-tō͘) 看(khoàⁿ) 是(sī) 好(hó)。

总是(chóng-sī) 若是(nā-sī) 篱笆(lî-pa) ná 起(khí) ná 高(koâiⁿ)，到(kàu) 篱笆(lî-pa) 外(goā) lóng 看(khoàⁿ) bōe-tio̍h，咱(lán) 就(chiū) beh 怀疑(hoâi-gî)，咱(lán) ê 一生(it-seng) 是(sī) m̄ 是(sī) lóng 限制(hān-chè) tī chit-ê 环境(khoân-kéng)，kiám iáu 有(ū) 机会(ki-hoē) 离开(lī-khui) chit-ê 小(sió) 范围(hoān-uî) kap 服务(ho̍k-bū)。有时(ū-sî) 咱(lán) bōe-thang 了解(liáu-kái)，为甚么(uī-sím-mi̍h) 无(bô) khah 大(toā) ê 范围(hoān-uî) 来(lâi) 服务(ho̍k-bū)、事奉(sū-hōng)，为甚么(uī-sím-mi̍h) bōe-thang 离开(lī-khui) chit-ê 真(chin) oh 活动(oa̍h-tāng) 起来(khí-lâi) ê 所在(só͘-chāi)。不过(put-kò)，上帝(siōng-tè) ê iân-chhiân 有(ū) 伊(i) ê 意思(ì-sù)，「义人(gī-lâng) ê 脚步(kha-pō͘) 是(sī) 耶和华(Iâ-hô-hoa) 所(só͘) 安置(an-tì)。」 (诗篇37：23)。

George Mueller tī chit-ê 经文(keng-bûn) 边(piⁿ) á 有(ū) 注解(chù-kái) 写(siá)，「m̄-nā 是(sī) 行(kiâⁿ) ê 脚步(kha-pō͘)，也(iā) 包含(pau-hâm) 停(thêng) ê 脚步(kha-pō͘)」。有(ū) 人(lâng) 想(siūⁿ) beh 冲破(chhiong-phoà) 上帝(siōng-tè) ê 篱笆(lî-pa)，这(che) 是(sī) 大(toā) 大(toā) ê 错误(chhò-ngō͘)。主(chú) hō͘ 基督徒(ki-tok-tô͘) siōng 大(toā) ê 准绳(chún-chîn)，就(chiū) 是(sī) 无(bô) 离开(lī-khui) 上帝(siōng-tè) 所(só͘) kā 伊(i) 安顿(an-tùn) ê 所在(só͘-chāi)，直到(ti̍t-kàu)「云柱(hûn-thiāu)」 (出埃及记13：21)开始(khai-sí) 向前(hiòng-chêng) 起行(khí-kiâⁿ)。――tùi「主日学时报」

咱(lán) 若(nā) 一旦(it-tàn) 学(o̍h) 会晓(oē-hiáu) 一切(it-chhè) tāi-chì lóng thèng 候(hāu) 主(chú) ê 引(ín) chhōa，咱(lán) beh 知(chai)，咱(lán) ê 能力(lêng-le̍k) beh tī 平行(pêng-hêng) 行做(kiâⁿ-choè) tiong 达到(ta̍t-kàu) 最(choè) 高点(ko-tiám)。咱(lán) ê 中间(tiong-kan) 真(chin) chōe 人(lâng) lóng 欠缺(khiàm-kheh) 想(siūⁿ) ài 有(ū) ê 力量(le̍k-liōng)，总是(chóng-sī) 上帝(siōng-tè) 召(tiàu) 咱(lán) 去(khì) 做(choè) 每(muí) 一项(chi̍t-hāng) ê 工作(kang-chok)， lóng beh 赐(sù) hō͘ 咱(lán) 有(ū) 够额(kàu-gia̍h) 完全(oân-choân) ê 力量(le̍k-liōng)。保持(pó-chhî) 信心(sìn-sim) thèng 候(hāu) 伊(i) ê 引(ín) chhōa 就(chiū) 是(sī) 得(tit) 力量(le̍k-liōng) ê 秘诀(pì-koat)。凡若(hoân-nā) 无(bô) 照(chiàu) 伊(i) ê 道路(tō-lō͘) 行(kiâⁿ) ê，lóng 是(sī) 浪费(lōng-huì) 时间(sî-kan) kap 精神(cheng-sîn)。留心(liû-sim) thèng 候(hāu) 伊(i) ê 引(ín) chhōa。――Samuel Dickey Gorden

假使(ká-sú) 一个(chi̍t-ê) 人(lâng) 受逼(siū-pek) 静静(chēng-chēng) 无(bô) 采取(chhái-chhú) 任何(jīm-hô) ê 行动(hêng-tōng)，只(chí) khiā tī 岸顶(hoāⁿ-téng) 看(khoàⁿ) 性命(sìⁿ-miā) ê 大涌(toā-éng) chhiâng-chhiâng 滚(kún)，伊(i) ê 性命(sìⁿ-miā) kiám 讲(kóng) 是(sī) 失败(sit-pāi) ê mah？绝对(choa̍t-tuì) m̄ 是(sī)，因为(in-uī) 胜利(sèng-lī) 是(sī) ài 靠(khò) khiā 在(chāi)，安静(an-chēng) thèng 候(hāu) 去(khì) 得胜(tek-sèng)。Án-ni 做(choè)，可能(khó-lêng) 比(pí) 你(lí) 以前(í-chêng) 无(bô) 闲(êng) chhih-chhih，phah 拚(piàⁿ) 生活(seng-oa̍h) khah oh 几(kuí) 千(chheng) 倍(pē)。Khiā 在(chāi)，thèng 候(hāu)，无(bô) 灰心(hoe-sim)，无(bô) 失望(sit-bōng)，顺(sūn) thàn 上帝(siōng-tè) 旨意(chí-ì)，将(chiong) 工作(kang-chok) ê 机会(ki-hoē) kap 荣耀(êng-iāu) 留(lâu) hō͘ 别人(pa̍t-lâng)，tī 众人(chèng-lâng) 无(bô) 闲(êng) 快乐(khoài-lo̍k) 进行(chìn-hêng) ê 时(sî)，你(lí) 本身(pún-sin) ōe-thang 保持(pó-chhî) 安静(an-chēng)，有(ū) 自信(chū-sìn) koh 快乐(khoài-lo̍k)，是(sī) 何等(hô-téng) ê 好(hó) ah。

Siōng 伟大(uí-tāi) ê 人生(jîn-seng) 就(chiū) 是(sī)「到(kàu) lín 已经(í-keng) 做成(choè-chiâⁿ) lóng 总(chóng) ê 事(sū)，也(iā) 犹原(iû-goân) khiā 在(chāi)。」 (以弗所6：13) ――J. R. Miller


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com