《台语荒漠甘泉（汉罗版）》

 | | | 转寄

上帝ê安慰

作者 陈清俊 译 林俊育 汉罗翻写 2009.08.09

listen
八月初九(八月九日)
「伊(i) ê 力(la̍t) 在(chāi) tī 你(lí)， … hit 号(hō) 人(lâng) 有(ū) 福气(hok-khì)。 In 经过(keng-kè) 流目屎(lâu-ba̍k-sái) ê 山谷(soaⁿ-kok)， hō͘ 伊(i) 变做(pìⁿ-choè) 水泉(chuí-choâⁿ) ê 所在(só͘-chāi)。」 (诗篇84：5-6)

心情(sim-chêng) 轻松(khin-sang) 欢喜(hoaⁿ-hí) ê 时(sî)， bōe hō͘ 人(lâng) 安慰(an-uì)。安慰(an-uì) 是(sī) 上帝(siōng-tè) siōng 宝贵(pó-kuì) ê 礼物(lé-bu̍t)，beh 享受(hiáng-siū) á 是(sī) 得(tit) tio̍h 这(che) 安慰(an-uì) ê 恩赐(un-sù)，必须(pit-su) 经历(keng-le̍k) 人生(jîn-seng) 感情(kám-chêng) 深(chhim) ê 山谷(soaⁿ-kok)，体验(thé-giām) tio̍h 安慰(an-uì)，然后(jiân-āu) 必须(pit-su) 准备(chún-pī) kap 上帝(siōng-tè) 同工(tâng-kang)。

暗暝(àm-mî)，人生(jîn-seng) 所(só͘) 需要(su-iàu) ê 暝(mî)，当(tng) 伊(i) ê 阴影(im-iáⁿ) 罩(tà) tī 咱(lán) 灵魂(lêng-hûn) 园(hn̂g) ê 顶面(téng-bīn)，园(hn̂g) 中(tiong) ê 叶(hio̍h) 卷起来(kńg-khí-lâi)，花(hoe) 合(ha̍p) 起来(khí-lâi)，无(bô) koh 反射(hoán-siā) 日光(ji̍t-kng)。当(tng) 咱(lán) tú-tio̍h siōng 乌暗(o͘-àm) ê 时(sî)，会(oē) 记得(kì-tit)，咱(lán)决断(koat-toàn) bōe 感觉(kám-kak) 缺乏(khiàm-kheh)，天顶(thiⁿ-téng) 润泽(lūn-te̍k) ê 甘露(kam-lō͘) 只有(chí-ū) tī 日头(ji̍t-thâu) 落山(lo̍h-soaⁿ) 了后(liáu-āu) chiah 会(oē) 降(kàng) 落来(lo̍h-lâi)。

经过(keng-kè) 流目屎(lâu-ba̍k-sái) ê 谷底(kok-té)，
伤悲(siong-pi) 痛疼(thiàⁿ-thàng) ê 地(tē)，
安慰(an-ùi) ê 上帝(siōng-tè) kap 我(góa) tī-teh，
随时(suî-sî) 扶持(hû-chhî)，保庇(pó-pì) 好势(hó-sè)。

土地(thó͘-tē) 需要(su-iàu) 云(hûn) kap 太阳(thài-iông)，
咱(lán) ê 灵(lêng) 也(iā) 需要(su-iàu) 喜乐(hí-lo̍k) kap 悲伤(pi-siong)，
伊(i) khǹg 咱(lán) tī 火炉(hé-lô͘) 中(tiong)，
锻炼(toàn-liān) 做(choè) 精金(cheng-kim) 纯良(sûn-liông)。

伊(i) 引(ín) chhōa 咱(lán) 行(kiâⁿ) tī 忧闷(iu-būn) ê 路(lō͘)，
咱(lán) 跟随(kun-suî) 伊(i) ê 脚步(kha-pō͘)，
伊(i) hō͘ 咱(lán) 试验(chhì-giām) kap 痛苦(thòng-khó͘)，
Lóng 是(sī) 恩典(un-tián) ê 一(chi̍t) 步数(pō͘-sò͘)。

咱(lán) 常常(siông-siông) 闪避(siám-pī) 修整(siu-chéng) kap 剪(chián)，
Bōe 记得(kì-tit) 作穑人(choè-sit-lâng) ê 上帝(siōng-tè) 知(chai) 一切(it-chhè)，
Ài 知(chai)，修整(siu-chéng) ná 深(chhim)，
生(siⁿ) 出(chhut) ê 花(hoe) pha ná 茂盛(bō͘-sēng) 美丽(bí-lē)。

深(chhim) 知(chai) 必须(pit-su) 苦难(khó͘-lān) 方式(hong-sek)，
伊(i) 心(sim) 中(tiong) 存(chûn) 目的(bo̍k-tek)，
Tī 幽谷(iu-kok) 中(tiong) 伊(i) 轻声(khin-siaⁿ) 讲(kóng) 起(khí)，
无久(bô-kú) 你(lí) beh 知(chai) 我(goá) ê 用意(iōng-ì)。

咱(lán) 经过(keng-koè) 人生(jîn-seng) 幽谷(iu-kok)，
有(ū) 伊(i) 疼(thiàⁿ) ê 清泉(chheng-choâⁿ) 来(lâi) 慰乐(uì-lo̍k)，
Hō͘ 咱(lán) 醒悟(chhíⁿ-gō͘) 痛苦(thòng-khó͘) 劳碌(lô-lo̍k)，
实在(si̍t-chāi) 是(sī) 伊(i) ê 赐福(sù-hok)。

所以(só͘-í) 咱(lán) 跟(kun) tè 伊(i) 引(ín) chhōa，
虽然(sui-jiân) 道路(tō-lō͘) 乌暗(o͘-àm) koh 孤单(ko͘-toaⁿ)，
因为(in-uī) 咱(lán) 确实(khak-si̍t) 知(chai) 伊(i) 做伴(choè-phoāⁿ)，
Hō͘ 咱(lán) tī 乌暗暝(o͘-àm-mî) 也(iā) beh 唱歌(chhiùⁿ-koa)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com