《台语荒漠甘泉（汉罗版）》

 | | | 转寄

上帝ê山

作者 陈清俊 译 林俊育 汉罗翻写 2009.08.02

listen
八月初二(八月二日)

「我(goá) beh hō͘ 我(goá) ê 众(chèng) 山(soaⁿ) 成做(chiâⁿ-choè) 路(lō͘)。 」 (以赛亚49:11)

上帝(siōng-tè) 用(ēng) 咱(lán) ê 阻碍(chó͘-gāi) 成就(sêng-chiū) 伊(i) ê 旨意(chí-ì)，咱(lán) 生活上(seng-oa̍h-siōng) 有(ū) 一座(chi̍t-chō) 一座(chi̍t-chō) ê 山(soaⁿ)，阻碍(chó͘-gāi) 咱(lán) 灵性(lêng-sèng) ê 进前(chìn-chêng)。Chiah-ê 阻碍(chó͘-gāi) 可能(khó-lêng) 是(sī) 咱(lán) ê 闲(êng) á 话(oē)，咱(lán) 困难(khùn-lân) ê 工作(kang-chok)，á 是(sī)「肉体(jio̍k-thé) 一支(chi̍t-ki) 刺(chhì)」 (哥林多后书12:7)，Á 是(sī) 咱(lán) 每日(muí-ji̍t) ê 十字架(si̍p-jī-kè)。咱(lán) 常常(siông-siông) ài 求(kiû) 主(chú) 将(chiong) 这(che) 除去(tû-khì)，想(siūⁿ) 讲(kóng) 一旦(it-tàn) 除去(tû-khì)，生活(seng-oa̍h) 就(chiū) 会(oē) 过(kè) 了(liáu) khah 温柔(un-jiû)、纯洁(sûn-kiat) kap 圣洁(sèng-kiat)。

「无知(bû-ti) ê 人(lâng) ah，...lín ê 心(sim) 怎样(cháiⁿ-iūⁿ) hiah oh 信(sìn) ah！ 」 (路加24:25) Chiah-ê 阻碍(chó͘-gāi) 其实(kî-si̍t) 是(sī) 造就(chō-chiū) 咱(lán) ê 条件(tiâu-kiāⁿ)。In khǹg tī 咱(lán) ê 生活(seng-oa̍h) 中(tiong)，是(sī) 产生(sán-seng) 咱(lán) 所(só͘) 日日(ji̍t-ji̍t) 祈祷(kî-tó) 追求(tui-kiû) ê 恩赐(un-sù) kap 品质(phín-chit)。Chōe-chōe 年(nî) 咱(lán) 祈祷(kî-tó) ài 忍耐(jím-nāi)，当(tng) 咱(lán) 一旦(it-tàn) tú-tio̍h 超过(chhiau-kè) 咱(lán) 能力(lêng-le̍k) ê 考验(khó-giām)，咱(lán) soah 走开(cháu-khui) 去(khì)。将(chiong) 这(che) 当做(tòng-choè) bōe-thang 克服(khek-ho̍k) ê 阻碍(chó͘-gāi)，阻碍(chó͘-gāi) 咱(lán) 达到(ta̍t-kàu) 目标(bo̍k-piau)。咱(lán) 相信(siong-sìn) 将(chiong) 这(che) 除去(tû-khì)，beh 马上(má-siōng) 得(tit) tio̍h 救(kiù) kap 胜利(sèng-lī)。

M̄-tio̍h！咱(lán) án-ni 做(choè)，所(só͘) 除去(tû-khì) ê 是(sī) hit-ê 训练(hùn-liān) 咱(lán) 行(kiâⁿ) ǹg 忍耐(jím-nāi) ê 力量(le̍k-liōng)，这(che) m̄ 是(sī) 忍耐(jím-nāi)。只有(chí-ū) 忍受(jím-siū) 今日(kim-ji̍t) 看(khoàⁿ) 是(sī) bōe-thang 克服(khek-ho̍k) ê 磨练(boâ-liān)，chiah 会(oē) 得(tit) tio̍h 真正(chin-chiàⁿ) ê 忍耐(jím-nāi)。

Oa̍t-tò-tńg，无(bô) koh 闪避(siám-pī)，顺服(sūn-ho̍k) tī 主(chú) ê 旨意(chí-ì)，凭(pîn) 信心(sìn-sim) 求(kiû) 有份(ū-hūn) tī 耶稣(Iâ-so͘) ê 忍耐(jím-nāi)，靠(khò) 伊(i) ê 力量(le̍k-liōng) 应付(èng-hù) 你(lí) 所(só͘) 受(siū) ê 考验(khó-giām)。生活(seng-oa̍h) ê 困苦(khùn-khó͘)，种种(chióng-chióng) 烦恼(hoân-ló) ê 事务(sū-bū)，无(bô) 一项(chi̍t-hāng) m̄ 是(sī) 用(ēng) 来(lâi) 达成(ta̍t-sêng) 最高(choè-ko) ê 目的(bo̍k-tek)。Ài 记得(kì-tit)，in 是(sī) 上帝(siōng-tè) ê 山(soaⁿ)，是(sī) 伊(i) 为(uī) tio̍h 某(bó͘) 一个(chi̍t-ê) 原因(goân-in) chiah 将(chiong) 山(soaⁿ) khǹg tī hia。 Koh 咱(lán) 知(chai) 伊(i) 从来(chiông-lâi) m̄-bat 无(bô) 实行(si̍t-hêng) 伊(i) ê 应允(èng-ún)。

「上帝(siōng-tè) 明白(bêng-pe̍k) 智慧(tì-huī) ê 路(lō͘)，也(iā) 知(chai) 伊(i) ê 所在(só͘-chāi)。因为(in-uī) 伊(i) 鉴察(kàm-chhat) 到(kàu) 地(toē) ê 极头(ke̍k-thâu)，遍看(piàn-khoàⁿ) 普天下(phó͘-thiⁿ-ē)。」 (约伯记28:23-24) 所以(só͘-í) 咱(lán) 来(lâi) 到(kàu) 山脚(soaⁿ-kha)，能(oē) chhē tio̍h 咱(lán) ê 路(lō͘)。――tùi F. B. Meyer所着ê 《以赛亚书ê基督》

试验(chhì-giām) ê 目的(bo̍k-tek) m̄-nā 是(sī) 量(niû) 咱(lán) ê 价值(kè-ta̍t)，koh 是(sī) 增加(cheng-ka) 咱(lán) ê 价值(kè-ta̍t)；亲像(chin-chhiūⁿ) 暴风雨(po̍k-hong-ú) m̄-nā 考验(khó-giām) 橡树(siōng-chhiū) ê 强度(kiông-tō͘)，koh 是(sī) 增加(cheng-ka) 伊(i) ê 结实(kiat-si̍t)。

附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com