《台语荒漠甘泉（汉罗版）》

 | | | 转寄

信心需要考验

作者 陈清俊 译 林俊育 汉罗翻写 2009.08.30

listen
八月三十(八月三十日)

「坐船(chē-chûn) 过海(kè-hái)，tī 大水中(toā-chuí-tiong) 经营(keng-êng) 事业(sū-gia̍p) ê，in 看见(khoàⁿ-kìⁿ) 耶和华(Iâ-hô-hoa) ê 所(só͘) 做(choè)，kap 伊(i) tī 深渊(chhim-ian) 所(só͘) 行(kiâⁿ) ê 奇事(kî-sū)。」 (诗篇107：23-24)

一个(chi̍t-ê) 人(lâng) 若(nā) bōe 晓(hiáu) 利用(lī-iōng) ta̍k 方向(hong-hiòng) ê 风(hong) 来(lâi) 驶(sái) ǹg 天堂(thian-tông) 方向(hong-hiòng) ê，伊(i) m̄ 是(sī) 驶船(sái-chûn) 师傅(sai-hū)，只是(chí-sī) 一个(chi̍t-ê) 徒弟(tô͘-tē)。事实(sū-si̍t) 平静(pêng-chēng) 无(bô) 风(hong) ê 海面(hái-bīn)，对(tuì) 咱(lán) 一点(chi̍t-tiám) á 路用(lō͘-iōng) to 无(bô)。 风(hong)，无论(bô-lūn) 是(sī) tùi 东(tang)，tùi 西(sai)，tùi 南(lâm)，tùi 北(pak) 吹来(chhe-lâi)，lóng thang 帮赞(pang-chān) 咱(lán) 驶(sái) 向(hiòng) 受(siū) 祝福(chiok-hok) ê 港口(káng-kháu)。所以(só͘-í) 咱(lán) 所(só͘) chhē 求(kiû) ê，是(sī) tī 海(hái) 中(tiong) m̄ 惊(kiaⁿ) 暴风雨(po̍k-hong-ú)。愿(goān) 咱(lán) 能(oē) 亲像(chin-chhiūⁿ) 一个(chi̍t-ê) 英国(Eng-kok) 老大人(lāu-toā-lâng) án-ni 祈祷(kî-tó) 讲(kóng)：「主(chú) ah，将(chiong) 阮(goán) 派(phài) tī 海(hái) 深(chhim) ê 所在(só͘-chāi)，因为(in-uī) 现在(hiān-chāi) 阮(goán) 离(lī) 岸(hoāⁿ) siuⁿ 近(kūn)，魔鬼(mô͘-kuí) 用(ēng) 一(chi̍t) 丝丝(si-si) ê 风(hong) 来(lâi) 吹(chhe)，就(chiū) 会(oē) hō͘ 阮(goán) ê 船(chûn) tio̍h-ta̍k，koh 可能(khó-lêng) 破裂(phoà-li̍h)。主(chú) ah，阮(goán) koh 一(chi̍t) pái 请求(chhéng-kiû) 将(chiong) 阮(goán) 派(phài) 到(kàu) 海(hái) 深(chhim) ê 所在(só͘-chāi)，hia 有(ū) 宽阔(khoan-khoah) ê 空间(khong-kan)，thang 得(tit) 荣光(êng-kng) ê 得胜(tek-sèng)。――Mark Guy Pearse

Ài 记得(kì-tit)，咱(lán) ê 信心(sìn-sim) ài 受(siū) 考验(khó-giām) chiah 会(oē) 达到(ta̍t-kàu) 最(choè) 高点(ko-tiám)。肉体(jio̍k-thé) ê 自信(chū-sìn) 是(sī) 挡(tòng) bōe 过(kè) 考验(khó-giām)，平平(pêng-pêng) 顺顺(sūn-sūn) ê 信心(sìn-sim) m̄ 是(sī) 真正(chin-chiàⁿ) ê 信心(sìn-sim)。――Charles H. Spurgeon

附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com