《赖永祥讲书》

 | | | 转寄

《教会史话》(1_074)设训瞽堂tī洪公祠

作者 赖永祥 2008.12.14

Beh设法使无法度恢复视力ê盲人得着谋生ê知识，并且建立个人ê自尊kap自信，实在是爱靠特殊教育ê实施。Tī台湾就是甘为霖牧师（Rev. William Campbell）tī府城（台南）洪公祠所设ê盲校--训瞽堂--，为先驱。

甘为霖第二次例假回国（1887年1月31日离台，1889年11月9日返台），hō͘伊有机会整理出版「台湾布教之成功」，筹刊盲人用浮凸版书、mā有机会筹募盲人事工ê基金。英国圣经公会（British and Foreign Bible Society） bat提供刊印浮凸版马太福音ê费用，格拉斯格自由教会学徒传道会（Frce church Student Missionary Society）约定beh将募款ê钱hō͘台湾盲人事工来用。

所以甘牧师tńg来台湾了后，即时就开始了创设盲校ê活动。我查阅《台南教士会议事录》，1889年11月伊已经chhiàⁿ阿炎（A-iam），主要是为盲人书刊来工作，1890年6月19日伊报告学徒传道会已经捐了50英磅；1890年11月4日报告chhiàⁿ基仲（Ki-tiong）作为盲校ê教员,一个月5元.，1891年9月12日租用了洪公祠作为盲校之用；租用期限5年，逐年纳租金60元（$60）。tī洪公祠担任教员ê人，有塩埔人Chiau，伊自1891年4月起开始工作，翌年9月离开学校tńg去故乡。接任ê人是北斗人林红，伊受派到泉州协助设盲校九个月tú tńg来台湾。伊m̄若教盲人按怎学点字，mā传授凿成凸字ê奇巧。

1895年台湾改隶日本，因为动乱煞使盲校暂停一段时期，总算决定tī 1897年3月底所租ê洪公祠归还厝主来停办。教员林红辞任，由教士会改派到湾仔内任传道。甘为霖牧师劝说日本政府成立官办盲校tī chit-má台南ê启聪学校。如此，洪公祠ê盲校就是台南启聪学校ê尚前身。以清国全境来讲，洪公祠盲校mā是先驱之一。1874年莫莱（William H. Murray, 原本是苏格兰圣经公会所派）tī江京创办者或者尚早。1888年李修善（David Hill）tī汉口设训盲书院，洪公祠是排第三ê。1890年上海举行第二届在华宣教师会议，甘为霖受选为全国盲人教育委员会委员，协助推动全国性ê策划kap事工。

我bat读国分直一「壶を祀る村」（东京三省堂，1944年刊）一册，有kap盲人郭主恩讲话ê hit段。郭主恩是洪公ê学生之一，不过伊讲伊早年tī 1889年着师事甘牧师。8岁入门，学进常受命tī民众前按点字读三字经，tī考场前读五经ê几节，众人真感叹。后来郭留学（东京）tī小石川盲哑学校六年。册中郭说众多称洪公祠盲校为训育院.，m̄ koh挂ê招牌是「训瞽堂」。 　
《台湾教会公报》 1955期 主后1989年8月20日