《赖永祥讲书》

 | | | 转寄

《教会史话》(1_068)马偕ê教区

作者 赖永祥 2008.11.02

1872年3月7日，加拿大长老教会所派ê宣教师偕睿理(Rev. George Leslie Mackay)，由李庥牧师(Rev. Hugh Ritchie)陪同，坐轮船「海龙号」向北。德马太医生(Dr. Matthew Dickson)ùi台湾府kap in作伙行。轮船驶两天了后，驶入淡水河口。偕牧师，通称马偕，观看南北，koh再遥望内陆青翠ê山岭，伊感觉真满意，kan-ná是听着一种平静koh清楚ê声音teh讲:「你会使tòa tī chia，che是你傅教ê所在」。ùi甲板顶koân看台湾北部，伊ê印象实在美丽，静立凝视，悠然神往。傍晚下船散步。有真多高大茂盛ê枞树特别引起李庥ê注意，使他想起故乡苏格兰。伊tī打狗无看过枞树。伊观察地势，淡水(时沪尾街)kap一座孤立大约有700尺高ê山(指观音山)遥遥相对，tī东方kap南方后面山岭重叠，高至3、4千尺，伊感觉真感动，用手环指地平线讲:「马偕，这就是你ê教区」。德医生mā讲:「chia比打狗koh khah súi呢。」(From Far Formosa, p.32-33)hit工是3月9日，北部教会就选用这日作为设教ê纪念日。

隔tńg工李庥牧师kap德马太医生就起程，ùi陆路去考察南部教区ê尚北站，偕牧师mā tòe去考察伊beh传教ê路站。in tī中坜过暝，第2天到大甲，koh到大社住了差不多一礼拜，chit ê所在以前从来m̄ bat有宣教师来过，但是已经有教堂kap会友，是ê英国长老教会区。mā来到内社(今鲤鱼潭)，过安息日了后chiah koh tńg大社。随即住埔社，住了一礼拜外，chit寡平埔社，拢由tī南部听过道ê族人tńg来宣传服音者。tńg来到大社了后偕牧师kap李庥、德马太道别偕一汉人返来淡水，tī 4月6日到位，总共出去了23天。从此以后偕牧师就以淡水为根据地，加速学习语言，收学生，渐渐phah开传道ê路。

由偕牧师ê日记kap着作From Far Formosa(1895年刊)，吾人可以-读 到他如何拓展教务kap巡回考察ê体验kap见闻。伊出去旅行，常常chhōa学生tàu阵 去，主要是步行，有时chūn经过山岭、沙碛、丛林iá是奔流。有时mā坐轿，m̄ koh甲意自然风景ê偕牧师无甲意chit种方式。tī急流中坐船是真危检ê代志。刘铭传任巡抚了后，台北府城渐渐整顿，tī城内、艋舺、大稻埕有人力车ê便利，tī鸡笼(基隆)kap竹堑(新竹)之间mā设一绦大约50哩ê铁支路。伊ê脚迹，行遍北部各地，噶玛兰平原，koh沿东海岸南丁，mā到附近岛屿。伊bat画一幅地图，标明所建设教堂ê所在，总共有60所，北部已经变成一ê教区。

《台湾教会公报》 1948期 主后1989年7月2日