《赖永祥讲书》

 | | | 转寄

《教会史话》(1_067)记教区ê拓展kap巡回

作者 赖永祥 2008.10.26

甘为霖牧师(Rev. William Campbell)是英国长老教台驻台ê第2位牧师，tī 1871年12月10日来到打狗，隔tńg工着对水路转安平，tòa tī台湾府域(台南)。仝一年ê 12月30日加拿大长老教会第一位ê宣教师偕睿理牧师(Rev. George Leslie Machkay)mā来到打狗，tī明年ê 3月9日tī淡水开始台湾北部ê宣教。

甘为霖拓展台湾南部教区ê成绩是辉煌ê。干单就伊tī 1889年刊行ê「台湾布教之成功」，就会冻知影伊行过ê所在是真阔ê，中南部历史悠久ê教会拢kap伊有关系。1871年12月伊就ùi府城信徒陪同巡回木栅、柑子林、岗子林、拔马等教会一周。翌年4月去打狗，陪李庥牧师(Rev. Hugh Ritchie)巡回东港kap竹仔脚，tī 5月陪归正教会叶汉章牧师巡回阿里港(里港)、木栅、柑子林、岗子林、拔马。10月kap德马太医生(Matthew Dickson)去中部，访大社、内社、埔祉ê铁砧山(乌牛栏)kap牛眠山，十一月去拜访嘉义城，在chiakap德医生道别了后继续拜访白水溪、番子田、吉贝耍-。1873年3月搭帆船达芬号(Dalphne)se̍h过台湾南pêng，沿东海岸chiūⁿ北，来到淡水，拜访偕睿理牧师。4月访问五股坑、艋舺等了后，由偕牧师陪同步行落南，tī新港社(今香山kap后壠中间ê中港，向中央山脉走路一两个地方，属苗栗县)kap偕牧师相辞，去拜访内社、大社、埔社，5月去拜访芜蕃族，mā来到水社湖(日月潭，命名「干治士湖」)，koh往南巡白水溪、番子田，6月来到拔马、岗子林、柑子林、木栅。10月koh再去拜访埔社kap甘治士湖。1874年4月出发，访埔社、内社、大社，经过彰化嘉义，tī六月ê时返来到府城。仝hit年ê 10月自厦门航淡水，ùi淡水用9天步行返去府城;11月巡视番子田、白水溪、头社、岩前等二通，12月往嘉义。1875年1月tī白水溪遇难。3月往北行，视紧番子田、岩前、嘉义、水社(mā访干治士湖)、埔社、大社、内社。

1877年6月，甘牧师拜访埤头(凤山)kap客村南岸，10月tī新港传教(今新市)。1878年4月ùi南岸入山区，访傀儡(排湾)族2周，9月巡番子田、吉贝耍、嘉义、斗六、林祀埔(竹山)、水里坑、埔社、大社、牛骂头(清水)、葫芦墩(丰原)、东势角、内社。10月北上，陪同偕牧师去拜访北部ê教会，包括噶玛兰。1883年4月访树仔脚kap彰化附近ê村社。1885年9月tī牛挑湾设教。1886年6月kap高长抵澎湖(澎湖设教从此算起)，10月tī彰化设教。

　 《台湾教会公报》 1947期 主后1989年6月25日