《赖永祥讲书》

 | | | 转寄

刘青云着《大学精详》

作者 赖永祥 2006.08.13

赖永祥讲书(023)

四书五经是中国儒家真髓ê古典。《四书》是指《大学》、《中庸》、《论语》kap《孟子》；而《五经》是指《诗经》、《尚书》、《礼记》、《周易》kap《春秋》。《大学》原本是《礼记》中ê一篇(相传是孔子ê弟子曾参所作)，是孔子kap其门徒留落来ê文字，是初学入德之门，所以南宋大儒朱熹(1130-1200)就将伊列为「四书」的头一本。

《大学精详》，是台南刘青云所着，分段提供《大学》一书ê (1)「音读」(教人án-chóaⁿ读)，(2)「注释」(汉文ê注解)，(3)「和译」(日语译) kap (4)「福译」(福佬话译)。「音读」kap「福译」是用厦门音白话字表出。

Taⁿ咱来举例：「治国必先齐其家」一句，音读就是tī kok pit sian chê kî ka，其福译就有 “tī-lí kok-ka tek-khat tio̍h tāi-seng chéng-chôe i ê ka-têng”。「物有本末，事有终始，知所先后，则近道矣」，其福译 “Mi̍h ū thâu-bé, tāi-chì ū soah-bé kap khí-thâu; chai só͘ tio̍h tāi-seng kap soah-bé chiah sī kūn tī tō-lí (着者无用连字号，例有(-) 是我所加ê)

1941年11月台南三多商会发行，共四八页。当时台湾总督府已经开始推动「皇民化运动」，Chit本宣扬中国古圣贤遗教ê书，除了汉文、用白话字表达ê台文、也有日文，对日本人来说，会thang接受。着者家己出版、送人，也tī公报社卖。

刊登广告讲：原文横载，音读附带，注释精密，引例充实，出典正确，入脑敏觉，全体解剖，用意周到，和福双译，格物知识，解义详明，一读心轻，排列崭新，发挥求真，对照便利，汉学玩味，纸数仅少，婆心微眇，独习自在，蕴奥展开，道德快明，儒学速成，内容如此，稀有好着！