《押韵启应诗篇》

 | | | 转寄

台语押韵启应诗篇 72

作者 Tīⁿ Jî-gio̍k 2007.06.10

72　　Só͘-lô-bûn ê si.

1a　Siōng-tè ah , kiû Lí chiong Lí ê phòaⁿ-toàn siúⁿ-sù ông-kun,
　　上 帝 啊，求 你 将 你 的 判 断 赏 赐 王 君，

1b　　　Chiong Lí ê kong-gī siúⁿ-sù ông ê kiáⁿ-sun.
　　　　将 你 的 公 义 赏 赐 王 的 子 孙。

2a　I beh chiàu kong-gī sím-phòaⁿ Lí ê chú-bîn,
　　他 要 照 公 义 审 判 你 的 子 民，

2b　　　Chiàu kong-pêng phòaⁿ-toàn Lí hiah-ê khùn-khó͘ ê jîn-bîn.
　　　　照 公 平 判 断 你 那 些 困 苦 的 人 民。

3a　Tōa-soaⁿ beh in-ūi kong-gī hō͘ peh-sìⁿ pêng-an,
　　大 山 要 因 为 公 义 使 百 姓 平 安，

3b　　　Soaⁿ-á iā beh án-ni pêng-an.
　　　　山 仔 也 要 按 呢 平 安。

4a　I beh phòaⁿ-toàn, sī ūi peh-sìⁿ-tiong khùn-khó͘ ê lâng,
　　他 要 判 断， 是 为 百 姓 中 困 苦 的 人，

4b　　　I beh kiù sòng-hiong ê lâng,
　　　　他 要 救 贫 穷 的 人，

I BEH TEH-CHHÙI PŌ-GIO̍K Ê LÂNG.
他要 压 碎 暴 虐 的 人。

5a　Lâng beh kèng-ùi Lí ji̍t-kú ge̍h-tn̂g.
　　人 要 敬 畏 你 日 久 月 长，

5b　　　Ti̍t-kàu bān sè-tāi bô tn̄g.
　　　　直 到 万 世 代 无 断。

6a　I beh kàng-lîm chhin-chhiūⁿ hō͘ lo̍h tī í -keng koah ê chháu,
　　他要 降 临 亲 像 雨 落 在 已 经 割 的 草，

6b　　　Chhin-chhiūⁿ ki̍p-sî ê hō͘ lūn-te̍k thó͘-tōe móa chúi-kau.
　　　　亲 像 及 时 的 雨 润 泽 土 地 满 水 沟。

7a　Tī i ê ji̍t-chí gī-lâng beh heng-ōng;
　　在 他 的 日 子 义 人 要 兴 旺；

7b　　　Tōa-tōa pêng-an kap ge̍h pîⁿ kú hiah heng-thong.
　　　　大 大 平 安 与 月 平 久 许 兴 通。

8a　I beh chiáng-koân tùi chit-ê hái kàu hit-ê hái,
　　他 要 掌 权 对 此 个 海 到 彼 个 海，

8b　　　Tùi tōa-hô kàu tōe-ke̍k ê kau-kài.
　　　　对 大 河 到 地 极 的 交 界。

9a　Khiā-khí tī khòng-iá--ê , beh khut-kē tī i ê bīn-chêng;
　　居 起 在 旷 野 的，要 屈 低 在 他 的 面 前 ；

9b　　　I ê tùi-te̍k beh chīⁿ thô͘-hún kiong-kèng.
　　　　他的 对 敌 要 舐 土 粉 恭 敬。

10a　Tha-si kap hái-sū ê lia̍t-ông beh chìn-kòng;
　　　他 施 及 海 屿 的 列 王 要 进 贡；

10b　　　Sī-pa kap Se-pa ê ông beh hiàn lé-mi̍h lâi so͘-thong.
　　　　　示 巴 与 西 巴 的 王 要 献 礼 物 来 疏 通。

11a　Lia̍t-ông lóng beh phak-lo̍h pài i ,
　　　列 王 拢 要 仆 落 拜 他，

11b　　　Bān-kok lóng beh ho̍k-sāi i .
　　　　　万 国 拢 要 服 事 他。

12a　In-ūi sòng-hiong lâng kiû-kiò ê sî , ông beh kiù in ;
　　　因 为 贫 穷 人 求 叫 的 时，王 要 救 伊；

12b　　　Khùn-khó͘ bô i -óa ê lâng, ông iā beh kiù--in .
　　　　　困 苦 无 依 倚 的 人， 王 也 要 救 伊。

13a　I beh lîn-bín chheng-tām sòng-hiong lâng ê àn-kiāⁿ,
　　　他要 怜 悯 清 淡 贫 穷 人 的 案 件，

13b　　　I beh chín-kiù sòng-hiong lâng ê sìⁿ-miā.
　　 　 　　他 要 拯 救 贫 穷 人 的 性 命。

14a　I beh kiù-sio̍k in ê sìⁿ-miā thoat-lī ap-pek kap pō-gio̍k;
　　　他要 救 赎 伊 的 性 命 脱 离 压 迫 及 暴 虐；

14b　　　I beh khòaⁿ in ê huih chòe pó-pòe bô chho͘-sio̍k.
　　　　　他 要 看 伊 的 血 做 宝 贝 无 粗 俗。

15a　Goān ông bān-sòe,
　　　愿 王 万 岁，

15b　　　I beh tùi Chú tit-tio̍h Sī-pa ê kim chòe pó-pòe,
　　　　　他要 对 主 得 着 示 巴 的 金 作 宝 贝，

15c　Peh-sìⁿ beh ūi i kî -tó sam-sî ,
　　　百 姓 要 为 他 祈 祷 三 时，

15d　　　Thong-ji̍t teh o -ló i .
　　　　　通 日 在 赞 美 他。

16a　Tī tōe--ni̍h, tī soaⁿ-téng,
　　　在 地 里，在 山 顶，

16b　　　Gō͘-kak tek-khak bō͘-sēng,
　　　　　五 谷 的 确 茂 盛，

16c　Só͘ kiat ê gō͘-kak beh iô-tāng,
　　　所 结 的 五 谷 要 摇 动，

16d　　　Chhin-chhiūⁿ Lī-pa-lùn ê chhiū-châng;
　　　　　亲 像 黎 巴 嫩 的 树 欉；

16e　Siâⁿ-lāi ê lâng beh heng-ōng, 　　
　城 内 的 人 要 兴 旺，

16f　　　Chhin-chhiūⁿ tōe-chiūⁿ ê chháu chhong-song.
　　　　　亲 像 地 上 的 草 苍 葱 。

17a　I ê miâ beh lâu kàu éng-oán iáu ū ,
　　　他 的 名 要 留 到 永 远 尚 有，

17b　　　I ê miâ beh liû-thoân chhin-chhiūⁿ ji̍t ê kú ;
　　　　　他 的 名 要 流 传 亲 像 日 的 久；

17c　Lâng beh in-ūi i lâi tit-tio̍h hok-khì;
　　　人 要 因为 他 来 得 着 福 气；

17d　　　Bān-kok beh chheng-ho͘ i ū hok-khì.
　　　　　万 国 要 称 呼 他 有 福 气。

18a　Iâ-hô-hoa Siōng-tè ,
　　　耶 和 华 上 帝，

18b　　　Chiū-sī Í -sek-lia̍t ê Siōng-tè ,
　　　　　就 是 以 色 列 的 上 帝，

18c　Chí-ū I kiâⁿ kî- īⁿ ê sū ,
　　　只 有 他 行 奇 异 的 事，

18d　　　Lán tio̍h eng-kai o -ló I kú-kú .
　　　　　咱 着 应 该 赞 美 他 久 久。

19a　Goān I êng-kng ê miâ éng-oán siū o -ló ;
　　　愿 他 荣 光 的 名 永 远 受 赞 美；

19b　　　Goān I ê êng-kng chhiong-móa choân-tōe ta̍k kak-lo̍h.
　　　　　愿 他 的 荣 光 充　　满 全 地 逐 角 落。
　　　　A- bēng ! koh A- bēng !
　　　　　阿 们 ！ 复 阿 们！

20　Iâ-se ê kiáⁿ Tāi-pi̍t ê kî -tó bêng-pe̍k.
　　　耶西 之 子 大 辟 的 祈 祷 明 白。