《押韵启应诗篇》

 | | | 转寄

台语押韵启应诗篇 70

作者 Tīⁿ Jî-gio̍k 2007.05.27

70　　Tāi-pi̍t ê kì-liām si; kau hō͘ Ga̍k-koaⁿ.

1a　Siōng-tè ah , kiû Lí kín-kín chín-kiù góa;
　　上 帝 啊， 求 你 紧 紧 拯 救 我；

1b　　　Iâ-hô-hoa ah, kiû Lí kín-kín pang-chān góa.
　　　　耶 和 华 啊，求 你 紧 紧 帮 助 我。

2a　Goān hiah-ê siàu-siūⁿ góa ê sìⁿ-miā--ê , kiàn-siàu làu-khùi;
　　愿 那 些 数 想 我 的 性 命 的，见 诮 漏 气；

2b　　　Goān hiah-ê hoaⁿ-hí góa siū hām-hāi--ê ,
　　　　愿 那 些 欢 喜 我 受 陷 害 者,
　　　　oa̍t-tò-tńg siū lêng-jio̍k lak-sui.
　　　　越 倒 转 受 凌 辱 落 衰。

3a　Goān hiah-ê kóng: Ho͘h--chāi, Ho͘h--chāi--ê ,
　　愿 那 些 讲 ： 呼 哉， 呼 哉 者，

3b　　　In-ūi kiàn-siàu lâi oa̍t-tò-tńg soe-thè.
　　　　因为 见 诮 来 越 倒 转 衰 退。

4a　Goān it-chhè chhē Lí-- ê ,
　　愿 一 切 寻 你 者，

4b　　　In-ūi Lí hoaⁿ-hí khoài-lo̍k bô soah.
　　　　因为 你 欢 喜 快 乐 无 息，

4c　Goān hiah-ê him-bō͘ Lí kiù-un--ê ,
　　愿 那 些 欣 慕 你 救 恩 者，

4d　　　Siông-siông kóng, “Tio̍h chun Siōng-tè chòe tōa. ”
　　　　常 常 讲： 「着 尊 上 帝 做 大。」

5a　Chóng-sī góa sī khùn-khó͘ sòng-hiong--ê ,
　　总 是 我 是 困 苦 贫 穷 的，

5b　　　Siōng-tè ah , kiû Lí kín-kín kàu góa chia;
　　　　上 帝 啊，求 你 紧 紧 到 我 此；

5c　Lí sī pang-chān góa--ê , chín-kiù góa--ê ,
　　你 是 帮 助 我 的，拯 救 我 的，

5d　　　Iâ-hô-hoa ah, kiû Lí m̄- thang iân-chhiân teh khiā.
　　　　耶 和 华 啊，求 你 不 通 延 迟 在 khiā。