《押韵启应诗篇》

 | | | 转寄

台语押韵启应诗篇 69b

作者 Tīⁿ Jî-gio̍k 2007.05.20

69　　Tāi-pi̍t ê si , kau hō͘ Ga̍k-koaⁿ ; tiāu sī ēng “Pek-ha̍p-hoe” .

18a　Kiû Lí chhin-kūn góa ê lêng-hûn, lâi kiù-sio̍k i ;
　　　求 你 亲 近 我 的 灵 魂， 来 救 赎 他；

18b　　　Kiû Lí in-ūi góa ê tùi-te̍k, lâi sio̍k-hôe góa cháu-lī .
　　　　　求 你 因 为 我 的 对 敌，来 赎 回 我 走 离。

19a　Lí chai góa só͘ siū ê lóe-mē, kiàn-siàu, lêng-jio̍k;
　　　你 知 我 所 受 的 詈 骂，见 诮， 凌 辱；

19b　　　Góa ê tùi-te̍k lóng tī Lí ê bīn-chêng teh bú-jio̍k.
　　　　　我 的 对 敌 拢 在 你 的 面 前 在 侮 辱。

20a　Lóe-mē í- keng thiah-li̍h góa ê sim,
　　　詈 骂 已 经 拆 裂 我 的 心，

20b　　　Góa ê iu-būn móa-móa kui-sim,
　　　　　我 的 忧 闷 满 满 归 心，

20c　Góa ǹg-bāng lâng khó-lîn, iā bô chi̍t-ê ,
　　　我 盼 望 人 可 怜，也 无 一 个，

20d　　　Ǹg-bāng lâng an -ùi, iā chhē bô chi̍t-ê .
　　　　　盼 望 人 安 慰，也 寻 无 一 个。

21a　In the̍h khó͘-táⁿ, hō͘ góa chòe tiám-sim,
　　　伊 提 苦 胆，给 我 做 点 心，

21b　　　Góa chhùi-ta , in ēng chhò͘ hō͘ góa lim.
　　　　　我 嘴 干，伊 用 醋 给 我 饮。

22a　Goān in ê iân-toh, tī in ê bīn-chêng pìⁿ-chòe lô-bāng,
　　　愿 伊 的 筵 桌， 在 伊 的 面 前 变 做 罗 网，

22b　　　Tī in pêng-an ê sî , pìⁿ-chòe oa̍h-tauh ê khang.
　　　　　在 伊 平 安 的 时，变 做 活 罩 的 孔 。

23a　Goān in ê ba̍k-chiu o͘-àm bōe khòaⁿ-kìⁿ pòaⁿ-chōa,
　　　愿 伊 的 目 珠 黑 暗 不 看 见 半 行。

23b　　　Goān Lí hō͘ in ê io siông-siông gī-gī-chhoah.
　　　　　愿 你 使 伊 的 腰 常 常 栗 栗 擦 。

24a　Goān Lí ê thòng-hūn piàⁿ tī in ê sin-chiūⁿ;
　　　愿 你 的 痛 恨 倾 在 伊 的 身 上 ；

24b　　　Hō͘ Lí lia̍t-lia̍t ê siū-khì ji̍p--tio̍h in , hō͘ in kín-tiuⁿ.
　　　　　使 你 烈 烈 的 受 气 追 着 伊，使 伊 紧 张。

25a　Goān in khiā-khí ê só͘-chāi, pìⁿ-chòe pha-hng;
　　　愿 伊 居 起 的 所 在， 变 做 抛 荒；

25b　　　Goān in pò͘-pîⁿ ê só͘-chāi, pìⁿ-chòe bô lâng khiā-khí ê tōe-hng.
　　　　　愿 伊 布 棚 的 所 在， 变 做 无 人 居 起 的 地 方。

26a　In-ūi Lí só͘ phah hit-ê lâng, in iáu-kú khún-pek i ke thòng-khó͘,
　　　因 为 你 所 拍 彼 个 人， 伊 犹 久 窘 迫 他 加 痛 苦，

26b　　　Lí só͘ phah-siong hiah-ê lâng, in poaⁿ-tia̍h in ê iu-khó͘.
　　　　　你 所 拍 伤 那 些 人， 伊 搬 摘 伊 的忧 苦。

27a　Goān Lí tī in ê chōe ê téng-bīn ka chōe;
　　　愿 你 在 伊 的 罪 的 顶 面 加 罪；

27b　　　Bo̍h-tit iông-ún in ū hūn Lí ê sio̍k-hôe.
　　　　　莫 得 容 允 伊 有 份 你 的 赎 回。

28a　Goān in tùi oa̍h-miā ê chheh siū chhat-bia̍t,
　　　愿 伊 对 活 命 的 册 受 擦 灭，

28b　　　Bô kì tī gī -lâng ê tiong-kan teh pâi-lia̍t.
　　　　　无 记 在 义 人 的 中 间 在 排 列。

29a　Chóng-sī góa sī khùn-khó͘ iu-siong ê chûn-chāi,
　　　总 是 我 是 困 苦 忧 伤 的 存 在，

29b　　　Siōng-tè ah , goān Lí ê kiù-un an-tì góa tī koân ê só͘-chāi.
　　　　　上 帝 啊，愿 你 的 救 恩 安 置 我 在 高 的 所 在。

30a　Góa beh ēng si-koa o -ló Siōng-tè ê miâ,
　　　我 要 用 诗 歌 赞美 上 帝 的 名，

30b　　　Iā beh ēng kám-siā chheng I ê tōa chun-miâ.
　　　　　也 要 用 感 谢 称 他 的大 尊 名。

31a　Che sī hō͘ Iâ-hô-hoa hoaⁿ-hí, iâⁿ-kè hiàn gû,
　　　这 是 使 耶 和 华 欢 喜，赢 过 献 牛，

31b　　　Á- sī hiàn ū-kak ū -tôe ê káng ê gû .
　　　　　抑 是 献 有 角 有 蹄 的 牨 的 牛。

32a　Khiam-pi ê lâng khòaⁿ-kìⁿ chiū hoaⁿ-hí;
　　　谦 卑 的 人 看 见 就 欢 喜；

32b　　　Lín chhē Siōng-tè ê lâng, goān lín ê sim oa̍h-khí.
　　　　　恁 寻 上 帝 的 人， 愿 恁 的 心 活 起。

33a　In-ūi Iâ-hô-hoa thiaⁿ sòng-hiong ê lâng,
　　　因 为 耶 和 华 听 贫 穷 的 人，

33b　　　Bô khòaⁿ-khin ūi-tio̍h I siū koaiⁿ-kaⁿ ê lâng.
　　　　　无 看 轻 为 着 他 受 关 监 的 人。

34a　Goān thiⁿ kap tōe o -ló I ;
　　　愿 天 及 地 赞 美 他；

34b　　　Hái kap kî-tiong it-chhè ê tōng-bu̍t iā tio̍h o-ló I .
　　　　　海 及 其 中 一 切 的 动 物 也 着 赞美 他。

35a　In-ūi Siōng-tè beh kiù Sek-an,
　　　因 为 上 帝 欲 救 锡 安，

35b　　　Khí-chō Iû-tāi ê siâⁿ;
　　　　　起 造 犹 大 的 城；

35c　In beh khiā-khí tī hia pêng-an ,
　　　伊 要 居 起 在 彼 平 安，

35d　　　Tit-tio̍h i chòe-gia̍p ún-tiāⁿ.
　　　　　得 着 它 做 业 稳 定。

36a I ê lô͘-po̍k ê hō͘ -è beh sòa-chiap i bô-hān,
　　　他的 奴 仆 的 后 裔 要 续 接 他 无 限，

36b　　　Thiàⁿ I ê miâ ê lâng beh tiàm tī hit tiong-kan.
　　　　　爱 他 的 名 的 人 要 站 在 彼 中 间。