《押韵启应诗篇》

 | | | 转寄

台语押韵启应诗篇 47

作者 Tīⁿ Jî-gio̍k 2006.12.03

47　　Khó-la̍h hō͘-è ê si; kau hō͘ Ga̍k-koaⁿ.

1a　Lín chèng peh-sìⁿ ah , lín lóng tio̍h tah-chhiú chòe sè ,
　　恁 众 百 姓 啊， 恁 拢 着 搭 手 作 势，

1b　　　Tio̍h ēng tek-sèng ê siaⁿ tōa-siaⁿ o-ló Siōng-tè .
　　　　着 用 得 胜 的 声 大 声 赞美 上 帝。

2a　In -ūi Iâ-hô-hoa chì-koân--ê , thang kiaⁿ--ê ,
　　因 为 耶 和 华 至 高 者，通 惊 的，

2b　　　I sī tōa kun-ông koán-lí choân-tōe--ê .
　　　　他是 大 君 王 管 理 全 地 的。

3a　I beh hō͘ bān peh-sìⁿ hâng-ho̍k tī goán ê ē- bīn;
　　他要 使 万 百 姓 降 服 在 阮 的 下 面；

3b　　　Ia̍h beh hō͘ lia̍t-pang tī goán ê kha-ē lâi chiū-kīn.
　　　　亦 要 使 列 邦 在 阮 的 脚 下 来 就 近。

4a　I kā goán kéng goán ê sán-gia̍p iâⁿ sì -hng,
　　他给 阮 拣 阮 的 产 业 赢 四 方，

4b　　　Chiū-sī I só͘ thiàⁿ ê Ngá-kok ê êng-kng.
　　　　就 是 他 所 疼 的 雅 各 的 荣 光。

5a　Siōng-tè chiūⁿ--khì, ū hoah ê siaⁿ tè- -I ,
　　上 帝 上 去， 有 喊 的 声 跟 他，

5b　　　Iâ-hô-hoa chiūⁿ--khì, ū hō-thâu ê siaⁿ tè- -I .
　　　　耶 和 华 上 去，有 号 头 的 声 跟 他。

6a　Lín tio̍h chhiùⁿ-koa, o -ló Siōng-tè , tio̍h chhiùⁿ-koa o -ló;
　　恁 着 唱 歌， 赞美 上 帝，着 唱 歌 赞 美；

6b　　　Chhiùⁿ-koa o-ló lán ê Siōng-tè , tio̍h chhiùⁿ-koa o -ló;
　　　　唱 歌 赞美 咱 的 上 帝， 着 唱 歌 赞 美；

7a　In -ūi Siōng-tè sī choân-tōe ê Ông,
　　因 为 上 帝 是 全 地 的 王，

7b　　　Tio̍h ēng tì-hūi chhiùⁿ-koa o -ló I chun-chông.
　　　　着 用 智 慧 唱 歌 赞 美 他 尊 崇。

8a　Siōng-tè chòe Ông tī -lí bān-kok;
　　上 帝 做 王 治 理 万 国；

8b　　　Siōng-tè chē tī I sèng ê pó-chō teh kàm-tok.
　　　　上 帝 坐 在 他 圣 的 宝 座 在 监 督。

9a　Lia̍t-pang ê kùi-cho̍k chū-chi̍p saⁿ-kìⁿ,
　　列 邦 的 贵 族 聚 集 相 见，

9b　　　Beh chòe A-pek-la̍h-hán ê Siōng-tè ê peh-sìⁿ;
　　　　要 做 亚 伯 拉 罕 的 上 帝 的 百 姓；

9c　In -ūi sè-kài ê tîn-pâi sī sio̍k tī Siōng-tè ;
　　因 为 世 界 的 盾 牌 是 属 于 上 帝；

9d　　　I sī ke̍k-koân ê iâⁿ-chē.
　　　　他 是 极 高 的 营 寨。