《押韵启应诗篇》

 | | | 转寄

台语押韵启应诗篇 18a

作者 Tīⁿ Jî-gio̍k 2006.04.30

Iâ-hô-hoa ê lô͘-po̍k Tāi-pi̍t ê si; kau hō͘ Ga̍k-koaⁿ. Tng Iâ-hô-hoa kiù i thoat-lī it-chhè ê tùi-te̍k, kap Sò-lô ê chhiú ê ji̍t, i tùi Iâ-hô-hoa liām chit- ê si ê ōe; kóng,

1　IÂ-HÔ-HOA GÓA Ê KHÙI-LA̍T AH, GÓA THIÀⁿ LÍ .
(齐声)　耶和华　我　的气　力　啊，我　爱　Lí。

2a　Iâ-hô-hoa sī góa ê soaⁿ-giâm,
　　耶和华　是　我　的山　岩，
2b　　　Góa ê soaⁿ-chē ê kiàm,
　　　　我　的山　寨　的剑，

2c　Góa tô-siám ê Kiù-chú,
　　我　逃闪　的救　主，
2d　　　Góa ê Siōng-tè , góa ê Chú,
　　　　我　的上　帝，我　的主，

2e　Góa ê chio̍h-pôaⁿ tōe-ki ,
　　我　的石　磐　地　基，
2f　　　Góa beh óa-khò I ;
　　　　我　要　倚靠　他；

2g　I sī góa ê tîn-pâi,
　　他是我　的盾　牌，
2h　　　Sī kiù góa ê kak, kài chiam-lāi , iā sī góa ê koân-tâi .
　　　　是　救　我　的角，价　尖　利，也是　我　的高　台。

3a　Góa beh kiû-kiò èng-kai o -ló ê Iâ-hô-hoa;
　　我 要 求 叫 应 该 赞 美 的 耶 和 华；
3b　　　Góa chiū tit-tio̍h kiù, thang thoat-lī góa ê tùi-te̍k teh tui-óa .
　　　　我 就 得 到 救，通 脱 离 我 的 对 敌 在 追 倚。

4a　Sí -bô ê soh tîⁿ góa kiâⁿ,
　　死 亡 的 索 缠 我 行，
4b　　　Húi-lūi ê tōa-chúi hō͘ góa kiaⁿ.
　　　　匪 类 的 大 水 使 我 惊。

5a　Im-kan ê soh ûi-khùn góa,
　　阴 间 的 索 围 困 我，
5b　　　Sí -bô ê lô-bāng lîm-kàu góa.
　　　　死 亡 的 罗 网 临 到 我。

6a　Góa tī khó͘-lān-tiong kî-kiû Iâ-hô-hoa,
　　我 在 苦 难 中 祈 求 耶 和 华，
6b　　　Tùi góa ê Siōng-tè kiû-kiò bô soah.
　　　　对 我 的 上 帝 求 叫 无 息。

6c　I tùi I ê tiān-lāi thiaⁿ góa ê siaⁿ,
　　他 从 他 的 殿 内 听 我 的 声，
6d　　　Góa tī I ê bīn-chêng só͘ kiû--ê , ji̍p tī I ê hī teh thiaⁿ.
　　　　我 在 他 的 面 前 所 求 的，入 在 他 的 耳 在 听。

7a　In-ūi I siū-khì, tōe chiū iô koh choah;
　　因为 他 怒 气， 地 就 摇 又 泏 ；
7b　　　Soaⁿ ê tōe-ki ia̍h tín-tāng lâi iô-choah;
　　　　山 的 地 基 亦 震 动 来 摇 泏 ；

8a　Tùi I ê phīⁿ-khang chhèng-chhut ian kap hóe-iām,
　　从 他 的 鼻 孔 凊 出 烟 及 火 焰，
8b　　　Tùi I ê chhùi-lāi hoat-chhut hé ná kiàm,
　　　　从 他 的 嘴 内 发 出 火 若 剑，
　　　　thô͘-thòaⁿ tùi án-ni to̍h kàu iām-iām.
　　　　土 炭 从 按 呢 to̍h 到 炎 炎。

9a　I hō͘ thiⁿ sûi-lo̍h kē, pún-sin lîm-kàu,
　　他 使 天 垂 落 低，本 身 临 到，
9b　　　I ê kha-ē o͘-àm-àm ná chhim-kau.
　　　　他的 脚 下 黑暗 暗 若 深 沟。

10a　I khiâ ki-lō͘-peng teh pe ;
　　他 骑 基 路 兵 在 飞；
10b　　　I ēng hong ê si̍t kín-kín pe .
　　　　他 用 风 的 翼 紧 紧 飞。

11a　I ēng o͘-àm chòe bih-sin ê só͘-chāi,
　　他 用 黑暗 做 匿 身 的 所 在，
11b　　　Chòe tiùⁿ-pâng lâi ûi I bô lâng chai,
　　　　做 帐 房 来 围 他 无 人 知，

11c　Chiū-sī chúi ê o͘ -àm,
　　就 是 水 的 黑 暗，
11d　　　Khong-tiong ê ba̍t-hûn lâi jia-khàm.
　　　　空 中 的 密 云 来 遮 盖。

12a　In-ūi I thâu-chêng ê kng teh sih,
　　因为 他 头 前 的 光 在 闪，
12b　　　Ba̍t-hûn iā ho̍k-chiông kiâⁿ--kè--khì,
　　　　密 云 也 服 从 行 过 去，
　　　　ū pha̍uh kap teh to̍h ê thô͘-thòaⁿ tè I .
　　　　有 雹 及 在 to̍h 的 土 炭 随 他。

13a　Iâ-hô-hoa tī thiⁿ--ni̍h khí lûi ,
　　耶 和 华 在 天 里 起 雷，
13b　　　Chì-koân--ê chhut I ê siaⁿ teh chhui,
　　　　至 高 者 出 他 的 声 在 催，
　　　　ū pha̍uh kap teh to̍h ê thô͘-thòaⁿ móa sì -ûi .
　　　　有 雹 及 在 to̍h 的 土 炭 满 四 围。

14a　I siā-chhut I ê chìⁿ, hō͘ tùi-te̍k sì-sòaⁿ lâi cháu-chhoán,
　　他 射 出 他 的 箭， 使 对 敌 四 散 来 走 喘 ，
14b　　　Hoat-chhut chōe-chōe sih-nà, hō͘ in jiáu-loān.
　　　　发 出 多 多 闪 电，使 伊 扰 乱。

15a　Iâ-hô-hoa ah, Lí ê chek-pī chi̍t-ē hoat-chhut,
　　耶 和 华 啊，Lí 的 责 备 一 下 发 出 ，
15b　　　Lí ê phīⁿ-khang ê khì chi̍t-ē chhut,
　　　　Ｌí的 鼻 孔 的 气 一 下 出 ，

15c　Chúi-tóe chiū chhut-hiān,
　　水 底 就 出 现，
15d　　　Tōa-tōe ê kun-ki ia̍h lō͘-hiān.
　　　　大 地 的 根 基 亦 露 现。

16a　I tùi téng-bīn chhun-chhiú khiú góa chhut,
　　他 从 顶 面 伸 手 拉 我 出 ，
16b　　Tùi tōa-chúi ê tiong-kan khan góa chhut.
　　　　从 大 水 的 中 间 牵 我 出 。

17a　I kiù góa thoat-lī góa béng ê tùi-te̍k,
　　他救 我 脱 离 我 猛 的 对 敌，
　　í -ki̍p hiah-ê oàn-hūn góa ê lâng ê sè-le̍k,
　　以及 那 些 怨 恨 我 的 人 之 势 力，
17b　　　In-ūi in pí góa khah kiông-le̍k.
　　　　因 为 伊 比 我 更 强 力。

18a　Góa tú-tio̍h chai-lān ê ji̍t , in lâi kong-kek góa bô-thè,
　　我 遇 到 灾 难 的 日，伊 来 攻 击 我 无 退，
18b　　　Chóng-sī Iâ-hô-hoa sī góa só͘ óa-khò--ê .
　　　　总 是 耶 和 华 是 我 所 倚 靠 的。
19a　I ia̍h chhōa góa kàu khui-khoah ê só͘-chāi,
　　他 亦 导 我 到 开 阔 的 所 在，

19b　　　I kiù góa, in-ūi I hoaⁿ-hí góa ho̍k-sāi .
　　　　他 救 我，因 为 他 欢 喜 我 服 事。

20a　Iâ-hô-hoa chiàu góa ê gī pò-tap góa;
　　耶 和 华 照 我 的 义 报 答 我；
20b　　　Chiàu góa chhiú ê chheng-khì pò-siúⁿ góa.
　　　　照 我 手 的 清 气 报 赏 我。

21a　In-ūi góa chun-siú Iâ-hô-hoa ê tō-lō͘ kàu bé ,
　　因 为 我 遵 守 耶 和 华 的 道 路 到 尾，
21b　　　Bē-bat chòe-pháiⁿ, lī-khui góa ê Siōng-tè.
　　　　未 曾 作 歹， 离 开 我 的 上 帝。

22a　I ê hoat-lu̍t lóng tī góa ê bīn-chêng;
　　他的 法 律 拢 在 我 的 面 前 ；
22b　　　I ê lé -gî , góa bē-bat khì-sak bô kiong-kèng.
　　　　他的 礼 仪，我 未 曾 弃 舍 无 恭 敬。

23a　Góa tī I ê bīn-chêng chòe oân-choân,
　　我 在 他 的 面 前 做 完 全 ，
23b　　　Góa ia̍h pó-siú ka-kī , lī-khui góa ê chōe-ok kap i bô koan.
　　　　我 亦 保 守 自 己，离 开 我 的 罪 恶 与 它 无 关。

24a　Só͘-í Iâ-hô-hoa pò-siúⁿ góa hiòng-chêng,
　　所以 耶 和 华 报 赏 我 向 前，
24b　　　Sī chiàu góa ê gī ;
　　　　是 照 我 的 义；

24c　Ia̍h sī chiàu góa tī I ê ba̍k-chiu chêng,
　　亦 是 照 我 在 他 的 目 珠 前，
24d　　　Chiàu góa chhiú ê chheng-khì.
　　　　照 我 手 的 清 气。