《押韵启应诗篇》

 | | | 转寄

台语押韵启应诗篇 14

作者 Tīⁿ Jî-gio̍k 2006.04.02

14　Tāi-pi̍t ê si, kau hō͘ Ga̍k-koaⁿ.

1a　Gōng-lâng sim-lāi kóng, “ bô ū Siōng-tè .”
　　憨　人　心　内　讲：　「无　有上　帝。」
1b　　　In thàn siâ-ok , kiâⁿ khó-ò͘ⁿ ê sū bōe pháiⁿ-sè ,
　　　　伊　趁　邪　恶，行　可　恶　的事　不　歹　势，
　　　　bô chi̍t-lâng kiâⁿ hó chi̍t--ē .
　　　　无　一　人　行　好　一　下。

2a　Iâ-hô-hoa tùi thiⁿ àⁿ-lo̍h khòaⁿ sè-kan-lâng,
　　耶 和 华 从 天 俯 落 看 世 间 人，
2b　　　Beh khòaⁿ ū bêng-lí ê lâng, ū chhē-kiû Siōng-tè ê lâng.
　　　　要 看 有 明 理 的 人，有 寻 求 上 帝 的 人。

3a　In lóng oai-chhoa̍h,
　　伊 都 歪 斜 ，
3b　　　It-khài piàn-chòe ù -òe teh thoa.
　　　　一 概 变 做 污 秽 在 拖 。

3c　Bô lâng kiâⁿ hó ,
　　无 人 行 好，
3d　　　Liân chi̍t-ê ia̍h bô .
　　　　连 一 个 亦 无。

4a　Chòe-pháiⁿ ê lâng kiám lóng bōe hiáu-tit chai-iáⁿ ?
　　做 歹 的 人 岂 都 不 晓 得 知 影？
4b　　　In thun-chia̍h Góa ê peh-sìⁿ chhin-chhiūⁿ chia̍h piáⁿ,
　　　　伊 吞 食 我 的 百 姓 亲 像 食 饼，
　　　　ia̍h bô kiû-kiò Iâ-hô-hoa ê miâ.
　　　　亦 无 求 叫 耶 和 华 的 名。

5a　In tī hia tōa-tōa kiaⁿ-hiâⁿ put-an ,
　　伊 在 彼 大 大 惊 惶 不 安，
5b　　　In-ūi Siōng-tè tī gī-lâng ê tiong-kan.
　　　　因 为 上 帝 在 义 人 的 中 间。

6a　Lín hō͘ sòng-hiong lâng ê ōe pìⁿ-chòe kiàn-siàu koh sit-pāi,
　　恁 让 贫 穷 人 的 话 变 做 见 诮 又 失 败，
6b　　　Chóng-sī Iâ-hô-hoa chòe i tô-siám ê só͘-chāi.
　　　　总 是 耶 和 华 做 他 逃 闪 的 所 在。

7a　Goān Í-sek-lia̍t ê chín-kiù tùi Sek-an chhut--lâi,
　　愿 以色 列 的 拯 救 从 锡 安 出 来，
7b　　　Iâ-hô-hoa kiù I siū-lia̍h ê peh-sìⁿ tò-tńg--lâi,
　　　　耶 和 华 救 他 受 掠 的 百 姓 倒返 来，

7c　Hit-sî Ngá-kok beh khoài-lo̍k thiàu--khí--lâi,
　　彼 时 雅 各 要 快 乐 跳 起 来，
7d　　　Í- sek-lia̍t beh hoaⁿ-hí khí--lâi.
　　　　以色 列 要 欢 喜 起 来。