《押韵启应诗篇》

 | | | 转寄

台语押韵启应诗篇 12

作者 Tīⁿ Jî-gio̍k 2006.03.19

12　Tāi-pi̍t ê si, kau hō͘ Ga̍k-koaⁿ; tiāu, ēng tē-poeh.

1a　Kiû Lí chín-kiù, Iâ-hô-hoa ah ;
　　求　Ｌí　拯　救，　耶　和　华　啊；
1b　　　In-ūi khiân-sêng ê lâng choa̍t--lah ;
　　　　因为　虔　诚　的人　绝　啦；
　　　　Sè-kan-lâng ê tiong-kan, tiong-sìn ê lâng bô--lah.
　　　　世间　人　的中　间，　忠　信　的人　无　啦。

2a　Lâng-lâng tùi chhù-piⁿ kóng pe̍h-chha̍t-ōe,
　　人　人　对　厝　边　讲　白　贼　话，
2b　　　Ēng thiám-mī ê chhùi-tûn, kap nn̄g-iūⁿ ê sim lâi kóng-ōe .
　　　　用　谄　媚　的嘴　唇，　及　两　样　的心　来　讲　话。

3a　Iâ-hô-hoa beh koah-tn̄g thiám-mī ê chhùi-tûn,
　　耶 和 华 要 割 断 谄 媚 的 嘴 唇，
3b　　　Í -ki̍p kóng tōa-ōe ê chi̍h, I bô iông-ún.
　　　　以及 讲 大 话 的 舌， 他 无 容 允。

4a　In bat kóng, goán beh ēng chi̍h lâi sèng-lī lah,
　　伊 曾 讲： 阮 要 用 舌 来 胜 利 啦，
4b　　　Goán ê chhùi-tûn sī goán--ê , siáⁿ-lâng ōe chòe goán ê chú ah?
　　　　阮 的 嘴 唇 是 阮 的, 甚 人 会 做 阮 的 主 啊?

5a　Iâ-hô-hoa kóng, in-ūi khùn-khó͘ ê lâng ê oan-óng,
　　耶 和 华 讲： 因 为 困 苦 的 人 的 冤 枉，
5b　　　Kap sòng-hiong-lâng ê thó͘-khùi chōng-hóng,
　　　　及 贫 穷 人 的 吐 气 状 况，

5c　Góa taⁿ beh khí--lâi,
　　我 今 要 起 来，
5d　　　An-tì in tī in só͘ chhiat-chhiat him-bō͘ ún-tàng ê só͘-chāi.
　　　　安 置 伊 在 伊 所 切 切 欣 慕 稳 当 的 所 在。

6a　Iâ-hô-hoa ê ōe sī sûn-choân chheng-khì ê ōe ;
　　耶 和 华 的 话 是 纯 全 清 气 的 话；
6b　　　Chhin-chhiūⁿ gûn tī thô͘ ê lô͘ thoàn-liān--kòe.
　　　　亲 像 银 在 土 的 炉 锻 链 过。

7a　Iâ-hô-hoa ah , Lí beh pó-hō͘ in, beh pì-iū in .
　　耶 和 华 啊， Ｌí　要 保 护 伊，要 庇 佑 伊。
7b　　　Éng-oán thoat-lī chit sè -tāi ê lâng, lâi kò͘ -in .
　　　　永 远 脱 离 此 世 代 的 人， 来 顾 伊。

8a　Put-tiòng-iōng-lâng ko-seng tī sè-kan-lâng ê tiong-kan,
　　不 中 用 人 高 升 在 世 间 人 的 中 间，
8b　　　Chiū pháiⁿ-lâng ta̍k só͘-chāi kiâⁿ-iû koh tài bú-bān.
　　　　就 歹 人 逐 所 在 行 游 又 带 侮 慢。