《押韵启应诗篇》

 | | | 转寄

台语押韵启应诗篇 11

作者 Tiⁿ Jî-gio̍k 2006.03.12

11 Tāi-pi̍t ê si, kau hō͘ Ga̍k-koaⁿ.

1a　Góa sī óa-khò Iâ-hô-hoa,
　　我　是　倚靠　耶　和　华，
　　lín siáⁿ-sū tùi góa ê sîn-hûn o͘-pe̍h hoah?
　　恁　甚　事　对　我　的神　魂　黑　白　喝？
1b　　　Lín tio̍h chhin-chhiūⁿ chiáu, pe-khì lín ka-kī ê soaⁿ.
　　　　恁　当　亲　像　鸟，　飞　去　恁　自己　的山。

2a　Khòaⁿ ah , pháiⁿ-lâng tiuⁿ keng, an in ê chìⁿ bih tī mn̂g-phāng,
　　看 啊，歹 人 张 弓， 安 伊 的 箭 匿 在 门 缝，
2b　　　Beh àm-chīⁿ siā sim-lāi chèng-ti̍t ê lâng.
　　　　要 暗 静 射 心 内 正 直 的 人。

3a　Tōe-ki nā tó-hoāi--khì,
　　地 基 若 倒 坏 去，
3b　　　Gī -lâng iáu ōe chòe sím-mi̍h?
　　　　义 人 尚 会 做 甚 么？

4a　Iâ-hô-hoa tī I ê sèng-tiān,
　　耶 和 华 在 他 的 圣 殿，
4b　　　Iâ-hô-hoa ê pó-chō tī thiⁿ ê chhim-ian.
　　　　耶 和 华 的 宝 座 在 天 的 深 渊。

4c　I ê ba̍k-chiu teh khòaⁿ tōe-chiūⁿ múi chi̍t-phāng.
　　他 的 目 珠 在 看 地 上 每 一 缝。
4d　　　I ê ba̍k-chiu kàm-chhat sè-kan-lâng.
　　　　他 的 目 珠 鉴 察 世 间 人。

5a　Iâ-hô-hoa tiâu-cha gī-lâng kap pháiⁿ-lâng,
　　耶 和 华 调 查 义 人 及 歹 人，
5b　　　To̍k-to̍k I ê sim oàn-hūn ài kiông-pō ê lâng.
　　　　独 独 他 的 心 怨 恨 爱 强 暴 的 人。

6a　I beh chiong lô-bāng pha tī pháiⁿ-lâng,
　　他 要 将 罗 网 撒 在 歹 人，
6b　　　Bô thang siám-phiah.
　　　　无 通 闪 避。

6c　Ū hé-iām, jiû-n̂g , kap jia̍t-hong teh hang,
　　有 火 焰、 硫 黄、 及 热 风 在 烘，
6d　　　Chòe in poe-tiong ê hūn-gia̍h.
　　　　做 伊 杯 中 的 份 额。

7a　In-ūi Iâ-hô-hoa sī kong-gī , I hoaⁿ-hí kong-gī ,
　　因 为 耶 和 华 是 公 义，他 欢 喜 公 义，
7b　　　Chèng-ti̍t ê lâng beh kìⁿ-tio̍h I ê bīn lâi hoaⁿ-hí .
　　　　正 直 的 人 要 见 着 他 的 面 来 欢 喜。