《胡文池牧师kap布农族》

 | | | 转寄

月娘降临地上?

作者 胡文池 2009.09.13

圣经kā咱讲，自创世以来，日头kap月娘，实质就是相异ê物件，有无仝ê作用。

到了一九六九年七月，美国所发射ê日头神十一号登陆月球以来，科学家实地发现，月球只是岩石kap尘土ê球体，并无任何生命存在。

由此可见，布农先民所传落来关于日头变月娘ê故事，只thang hō͘现化人了解未开发民族低落ê智识kap思想而已。

充满迷信生活ê原始民族，一致相信「月娘kap人类仝款，有血肉之体，有灵魂之身，有人情，ē-tàng讲话。」in认为这是千真万确， bōe-sái m̄信ê事实。

一九四八年春天，有一个暗时，我带了一位来自花莲，任玉山神学院教授ê马克闻户(Macilwane)牧师到关山里珑山向布农族布道。 马牧师向一大群族人讲论创世记ê故事，伊讲：「上帝创造日头kap月娘，分别照耀日间kap暗时，hō͘咱日间ē-tàng工作，暗时好安静歇困，¨¨¨」

听众中有一位老人随时khiā起来反驳道：「你tú-chiah讲ê m̄-tio̍h，阮ê祖先传落来二个日头ê故事chiah是真实ê。因为月娘以前bat由天顶落来，到台湾中部山地，对阮祖先教授真chē tāi-chì。伊落来ê时chūn，伊ê脚chhng tú-tio̍h大地，hō͘土地塌成二个大窟，后来落雨积水，这二个大窟变成现在ê日月潭了。这就是证据，你讲「上帝创造月娘，有什么证据mah?」

真chē听众对chit位老人ê智识kap勇敢大为感服，拍手表示赞成。

顽固ê迷信冲昏了in ê头，mā将毁了in ê一生，但是阮相信上帝ê福音teh-beh拯救虚心愿意接受ê人。

等chit位老人发表完毕，马牧师koh继续传讲起帝ê福音，hō͘虚心ê人有机会听完上帝恩典ê信息。

布道会完了，感谢主，有人表示boeh相信主耶稣。

主耶稣讲：「虚心ê人有福了，因为天国是in ê。」〈马太福音五：3〉