《苏老师 ê 台语教室》

 | | | 转寄

高雄一甲国中2015年6月台语诗

作者 一甲国中ê学生 2018.05.27

指导老师：苏晏德
2015年6月台语诗

阮的导师 1年3班
阮的导师足缘投
拍羽毛球上盖gâu
伊的英语真老到(láu-tâu)
有时面猖有够臭

阮的导师人真好
教册认真人呵咾
毋过有时真罗嗦
伊咧画图人看无

阮的导师人足矮
伊的皮肤真正白
上课的时话真济
有时嘛会讲笑诙

阮的导师爱考试
考好的时足欢喜
考bái的时足受气
害阮惊甲强欲死

1年3班林哲宇
六月的目屎
六月美丽的凤凰花开
毕业着欲佮朋友分离
阮做伙的三年
是我上喜欢的纪持
朋友多谢你
恁了解我的心情
如今咱已经欲分开
心内非常的伤心

1年2班杨芷绫
再会lah一甲
伫一甲所有的一切
拢记伫我的心内
M̄管是快乐的
抑是悲伤的
我拢感觉真温暖
着算讲beh毕业ah
我相信逐家嘛是会想起阮
想起阮 做伙开讲ê时阵
想起阮 做伙耍ê时阵
这全部ê记持
是逐家无法度放bē记ê
一甲hō͘我ê快乐
一甲永远伫我ê心内
老师同学
希望逐家平安快乐

1年2班姜彩佳
毕业ê目屎
今仔日是毕业典礼
希望时间过较慢的
M̄甘hit时阵的记持
我无想欲毕业
这马想欲tiām-tiām放bē记
M̄-koh足无简单ê
时间敢会当永远停伫遮
想着欲毕业足想欲吼
我无想欲离开遮
欲永远佮恁做伙
咱永远拢是上好的朋友
我beh永远记牢彼一工

1年3班篮靖淳
毕业感言
阮欲毕业ah
阮欲毕业ah
六月凤凰花开
三冬ê时间过了真紧
今仔日 阮着欲离开
虽然m̄甘
M̄-koh这嘛是无法度的代志
这三冬所发生ê代志
阮拢会永远记牢牢
M̄管过了偌济年
向望咱阁会当再相会
做伙互相讲当初发生ê代志

1年2班曹晶莹
老师同学再会
时间真正过了足紧
一目nih 阮着欲毕业ah
这间学校内底充满阮的记持
有人笑嘛有人咧哭
虽然较早难免有误会
看着这马逐家欢喜快乐
无好的过往拢放袂记ah
虽然以后无读仝间学校
M̄-koh无要紧
咱趁这马阁有时间的时阵
好好把握
至少以后有属伫咱的记持
祝福逐家『老师同学，再会』

1年2班王怡雯
老师同学保重
六月的风吹--来
凤凰花开--ah
一目nih咱欲毕业ah
这三年的日子
Hō͘我足济快乐阁难忘的回忆
师长的教导kah关心
我会永远记踮心肝底
各位同学多谢lín这三年的陪伴
时间过了足紧
M̄-koh你kah我的友情
我永远bē放bē记
请lín m̄通哭
国中只是人生的一站
希望有机会阁再相逢
老师同学保重
1年2班林怡萱
一甲国中再会
一甲的人
一甲的风景
一甲所有的一切
永远拢伫阮的心肝底

三年的时间
真正是足紧着过去
所有的代志拢亲像昨昏发生
做伙过日子
做伙tshit-thô
做伙的记持
永远拢留伫阮的心内
毕业足欢喜
M̄-koh心内足m̄甘
伫一甲的日子
过了真正足紧的
有恁的国中生活
真正是过了真幸福
无恁的日子
阮是欲按怎过日子咧
所有快乐的日子是欲按怎bē记
这三年多谢有恁
Hō͘我过了真快乐

1年2班苏念慈
期待再相会
阮伫一甲国中生活三冬
我的心情足复杂
一面欢喜会当国中毕业
一面悲伤着欲离开同学
这种有期待kah伤心的感觉
Hō͘我心情足紧张
离开学校以前
我一定beh揽牢我的老师
我的朋友
犹有我的学校
我会思念学校的一切
期待未来再相见

1年3班林颖琪
六月ê凤凰花
凤凰花开，am蜅蛴ê声响起
六月，是阮欲离开ê时阵
阮伫这间学校过了三冬
佮同学做伙三冬
今仔日着欲离开ah
虽然讲足m̄甘
M̄-koh阮总是欲毕业ah
三冬ah 欲毕业ah
教室nih充满着笑声
虽然足m̄甘
M̄-koh阮抑是欲分开
这三冬的记持
是我上宝贝的时间
我会永远拢记心内

1年3班蔡孟臻
再会lah母校
三年前的今仔日
阮阁是天真活泼的模样
如今阮拢变甲诚稳重
嘛拢过了诚快乐

做伙行过的路
做伙上课的教室
做伙tshit-thô的所在
拢有阮真深的记持

今年的六--月
正是阮beh来离开
凤凰花开
充满悲伤的气氛

这几年来
毋管是快乐的代志
抑是悲伤的记持
我拢bē kā伊放bē记

1年3班梁钰欣
凤凰送别
阮欲毕业的日子
热天凤凰花开
代表阮欲毕业ah
这三冬阮定定耍做伙
时间过了真紧
Hō͘人心情沈重
逐家内心真艰苦
有足济目屎
有足济话欲讲
嘛有足济悲伤
这间学校有咱永远的记持
感谢老师的辛苦
一甲国中我会永远记牢牢

六月毕业的目屎
毕业m̄甘的心情
过了这三年
这马已经欲分开
内心崭然仔孤单
朋友mài伤心
这只是大汉的过程
未来阁有无仝的开始
请你kā阮khǹg tī心内
接受未来的光彩