《苏老师 ê 台语教室》

 | | | 转寄

台南文贤国小2017台语名号诗

作者 文贤国小ê学生 2018.04.29

指导老师：苏晏德
2017年文贤国小毕业生

我名叫做陈昱铮
文贤国小的学生
佮人相处真和平
对待朋友足真诚
人际关系受欢迎
上盖佮意展才能
认真读册无时停
追求智识有热情

我名叫做施心鏸
细汉的时上古锥
上惊出去拄着鬼
人拢讲我像花蕊
人媠聪明阁贤慧
佮意出外穿媠媠
虽然爱食拢袂肥
向望以后大富贵

我名叫做郭佩萱
家庭幸福阁温暖
生活简单很平凡
爱食彰化的肉丸
逐工过甲真安全
上盖佮意是台湾
以后想欲做总管
功课真济有够烦

我名叫做黄至豪
班上我是第五号
老李是阮的班导
上盖佮意食葡萄
意爱电脑台语课
伫厝排行是大哥
踼球有时会跋倒
大汉想欲游宝岛

文贤国小张天辅
上盖疼我是阿母
我有乌色的皮肤
佮意欣赏人跳舞
点心兴趣食蕃薯
以后想欲饲螿蜍
大汉愿望是老师
退休想欲蹛六龟

我名叫做刘庭瑄
蹛伫美丽的台湾
出世仁德三甲村
上爱食的是贡丸
嘛爱彰化的肉圆
踮伫厝内真温暖
家庭幸福真美满
以后想欲去救援

我名叫做甘桓宇
做人老实袂自私
上无佮意去读书
上盖疼我是阿母
爱看别人咧跳舞
动作慢慢亲像龟
佮意食糜配豆乳
大汉想欲做师傅

我名叫做王纪尧
自由自在足逍遥
逐工想欲食好料
台语八声记牢牢
细汉时阵人真巧
数学题目我会晓
大汉想欲饲乌猫
功课若济食袂消

我名叫做张斯涵
蹛伫古迹的台南
放假想欲去游览
上盖佮意日月潭
人拢讲我足勇敢
毋过有时会惊暗
阿母教我莫痟贪
大汉想欲坐军舰lām

我名叫做刘文萱
看着歹人我会suan
功课真济就会烦
逐工过甲很平凡
阮的家乡在台湾
家庭美满阁温暖
有闲想去博物管
上盖佮意食肉丸

我名叫做曾帏意
逐工快乐阁如意
上爱台语佮英语
嘛爱读册佮写字
透早起床饮牛奶
暗时上爱踅夜市
意爱运动佮行棋
上盖爱食台湾米

我名叫做张闵华
阿爸阿妈上疼我
上惊行路看着蛇
若去海边爱要沙
上盖佮意台湾歌
爱佮阿爸去peh山
上爱朋友来陪伴
若无功课上快活

我名叫做黄冠恺
上盖佮意食猪排
台语课程我上爱
若是袂晓真悲哀
我是国语的天才
英语数学上厉害
运动音乐有够害
电脑健康我拢知

我名叫做李志宾
对待阿母上感恩
上课时阵上认真
上盖佮意食冰品
希望以后好婚姻
食着芫荽会过敏
我是台湾好国民
做人老实好斗阵

我名叫做王宜庭
文贤国小的学生
逐工上课真安静
放假的时拢闲闲
透早想欲啉牛奶
上爱下晡食芋冰
有闲出外看风景
大汉想欲做发型

我名叫做周昱帆
蹛伫美丽的台湾
台南仁德保安村
佮意以前台南县
上爱食的是鱼丸
家庭幸福真美满
个性恬恬真平凡
讨厌写的是考卷

我名叫做姜丞韦
暗时上惊拄着鬼
讨厌功课一大堆
上爱食饭配鸡腿
做人老实袂食亏
以后想欲做立委
上惊狗仔对我吠
想要加入跤球队

我名叫做邱亚梵
想欲坐车游台湾
上爱参观博物馆
佮意欣赏弄狮团
家庭幸福阁温暖
想做老师我心愿
班长是我的模范
若讲写字我上专

我名叫做吴立宜
上盖佮意是台语
十分欣羡阮阿姐
暗时上爱看天星
细汉时阵激皮皮
逐工过甲真欢喜
暗时上爱看电视
生活幸福无地比

我名叫做李柏勋
做人处事真安份
对人讲话足斯文
细汉佮意食冬粉
对待阿母真感恩
下暗时阵诚爱困
放假讨厌看课本
有闲想欲去坐船

我名叫做庄智崴
逐日拢想食鸡腿
想作警察掠土匪
消灭社会的败类
上爱看的是花蕊
虽然兴食拢袂肥
暗时上惊看拄鬼
向望以后大富贵

我名叫做林恩瑄
想欲参加旅行团
有闲欲游全台湾
蹛伫仁德保安村
意爱参观博物馆
上盖讨厌食肉圆
大汉欲做救生员
做东做西拢袂怨

我名叫做胡景淳
对待父母足感恩
做事认真有分寸
阿爸叫我莫食薰
上盖佮意看白云
蹛伫仁德保安村
对待朋友真诚恳
外表生作足斯文

我名叫做林哲洋
上盖佮意去高雄
歇热想欲去台中
出外上爱学翕相
佮意运动身体勇
数学羽球我上强
希望比赛会着奖
大汉为国来尽忠