《苏老师 ê 台语教室》

 | | | 转寄

台南文贤国小2016台语名号诗

作者 文贤国小ê学生 2018.04.22

指导老师：苏晏德
2016年文贤国小毕业生

文贤国小郑丞伶
平时足爱啉牛奶
上课时间足无闲
梦想以后做医生
春天南投去赏樱
热天佮意去游泳
秋天出外看风景
寒天山顶看雪景

文贤国小刘博豪
逐摆扫地人呵咾
拍球演戏我上好
台语电脑上爱学
我伫班上是一号
早顿佮意食馒桃
上盖爱食鸡卵糕
以后想欲种葡萄

文贤国小张凯崴
我有参加跤球队
读过的册一大堆
非常佮意去泅水
逐家讲我有智慧
上爱欣赏媠花蕊
我有勇壮ê跤腿
欲做警察掠土匪

文贤国小陈冠霖
学习功课有耐心
数学感觉有够深
比赛着名提奖金
老师教我口风琴
假日佮意去山林
欣赏台湾ê乌熊
饮料红茶我爱啉

伟哲外号叫阿辉
老师讲我真古锥
认真读册守校规
我的人品有够媠
认真拍拚袂食亏
上爱欣赏媠花蕊
我是学校弄狮队
爱啉咖啡讲是非

六年甲班邱建铭
文贤国小ê学生
上盖佮意食龙眼
热天爱食枝仔冰
有闲出外看风景
大汉想欲去攑枪
因为梦想做刑警
为护国家ê和平

文贤国小刘雅萱
蹛伫以前台南县
若我上盖爱台湾
我是弄狮ê队员
以后想欲去组团
是我心内ê心愿
感觉厝内上温暖
希望写诗ē入选

文贤国小钟欣砚
我ê学校是文贤
上盖佮意大自然
伫厝上爱做手链
做事谨慎袂受骗
我对学校有贡献
想欲上台去表演
共我才艺好好展

文贤国小余顺凯
数学自然真厉害
逐项知识拢嘛知
希望以后会发财
水果佮意食王莱
以后欲做好翁婿
阿母讲我是将才
会当创造好未来

文贤国小张胜翔
保安是我ê家乡
我ê身体上盖勇
跤球体育真正强
人拢讲我是英雄
看着目标我会冲
爱写台语ê文章
分予逐家来分享

我名叫做王俊生
文贤国小ê学生
热天的时爱食冰
大汉以后欲做兵
做兵会使来攑枪
老师教阮按怎用
穿着军服真有型
升官会当下命令

六年甲班黄晖盛
文贤国小ê学生
热天足爱食蔡冰
水果佮意食龙眼
有闲出外看风景
热天兴趣是游泳
有时起痟真神经
以后想欲做明星

我名叫做林承志
做事认真真明智
讲话老实阁有理
上爱啉ê是咖啡
上盖佮意是英语
以后想欲做名医
父母讲我喙上甜
逐工拢是笑bi-bi

我名叫做曾俊嘉
上盖爱食卤猪脚
逐工食甲饱饱饱
考试想欲考一百
逐工起床拢真早
以后想欲卖猪肉
欢喜ê时笑哈哈
上课恬恬拢袂吵

我名叫做余嘉豪
上盖尊敬阮阿母
体育台语真正好
处理代志万事和
逐工拢爱食水果
大汉欲来种茼蒿
读册读了真疲劳
功课m̄捌就爱学

我名叫做黄盈祯
文贤国小ê学生
逐工上课足安静
水果想欲食柳丁
热天足爱食礤冰
上爱啉ê是牛奶
逐项开销我会省
逐工拢有好心情

我的名叫陈婉韶
上盖爱食是水饺
有闲拢咧唱歌谣
认真拍拚人真巧
上爱动物着是鸟
这个世界上奇妙
出国是我ê目标
以上是我ê介绍

我名叫做庄佳伟
生做趣味阁古锥
向望以后大富贵
大汉想做消防队
上课认真守校规
食饭上爱食鸡腿
虽然爱食拢无肥
祈求上帝赐智慧

我的名叫林楷钧
佮意食ê是冬粉
阮班数学我冠军
若做代志真殷勤
伫我上课ê时阵
逐节认真袂爱困
以后趁钱坐渡轮
欲去远远ê日本

我名叫做杨宜轩
国小名称叫文贤
有闲想欲去花莲
毋捌的字查字典
阮兜ê狗叫小犬
我上佮意挂手链
苹果凤梨食袂倦
向望做伙来结缘

我名叫做孙嘉鸿
身体全班上健康
大汉梦想做总统
好听ê话足gâu讲
热天上爱吹冷风
我ê头脑足精光
个性活泼真开朗
希望以后会成功

我名叫做李欣庭
上爱运动是游泳
佮意美丽天顶虹
热天上爱枝仔冰
大汉想欲做刑警
个性恬恬真安静
透早佮意啉牛奶
我有美好ê家庭

我名叫做石家伟
虽然食济拢袂肥
上爱拍球佮泅水
生做缘投阁古锥
食饭上爱配鸡腿
阮是学校弄狮队
平时勤俭袂浪费
大汉想欲娶贵妃

欣哲外号叫阿恩
蹛伫仁德保安村
食饭爱配筊白笋
点心竹笋炒米粉
食甲腹肚圆滚滚
外表生甲真英俊
愿望想欲去日本
对待父母足孝顺

我名叫做高建霖
我ê目睭上盖金
身材大箍亲像熊
平时上课真专心
拄着困难我会忍
以后想欲做主任
饮料可乐上爱啉
办桌佮意食红蟳

我名叫做李姿颖
热天上爱食礤冰
佮意出外看风景
我嘛足爱去旅行
处理代志足冷静
我对读册真热情
大人长辈拢尊敬
若做代志足公正
逐摆下课一尾龙
我是文贤ê学生

六年甲班李艾蓁
上课就是无认真
规工爱困无精神
我做代志无谨慎
做歹代志会承认
以后欲做好公民
对阮阿母足感恩
讲话实在有守信