《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 路加福音第十四章

作者 巴克礼普世版小组 2013.07.14

耶稣(iâ-so͘)Tī安息 日(an-hioh-ji̍t)医好(i-hó)病 人(pēⁿ-lâng)
1有一个(ū chi̍t-ê)安息 日(an-hioh-ji̍t)，耶稣(iâ-so͘)入去(ji̍p-khì)一个(chi̍t-ê)法 利赛 派(hoat-lī-sài-phài)头 人(thâu-lâng)ê厝(chhù)食 饭(chia̍h-pn̄g)。Ta̍k家(ke)teh观 察(koan-chhat)耶稣(iâ-so͘)ê所做(só͘ chò)。2 Tú好(hó)tī耶稣(iâ-so͘)ê面 前(bīn-chêng)，有一个(ū chi̍t-ê)蛊 胀 病(kó͘-tiòng-pēⁿ)ê人(lâng)。3耶稣(iâ-so͘)对(tùi)律 法 教师(lu̍t-hoat kàu-su)kah法 利赛 派(hoat-lī-sài-phài)ê人(lâng)讲(kóng)：「安息 日(an-hioh-ji̍t)医病(i-pēⁿ)thang á m̄-thang？」4 Hiah-ê人(lâng)静 静(chēng-chēng)。耶稣(iâ-so͘)就(chiū)kā hit-ê人(lâng)牵 来(khan lâi)，kā伊(i)医好(i-hó)，hō͘伊(i)tńg去(khì)。5然 后(jiân-āu)耶稣(iâ-so͘)对(tùi)in讲(kóng)：「Lín中 间(tiong-kan)啥 人(siáⁿ-lâng)有驴(ū lî)á是(sī)牛(gû)，tī安息 日(an-hioh-ji̍t)跋 落(poa̍h-lo̍h)沟 窟(kau-khut)，kám无(bô)随时(sûi-sî)kā它(i)giú起来(khí-lâi)？」6 Hiah-ê人(lâng)lóng无话(bô-ōe)thang应(ìn)。

主 客(chú-kheh)关 系(koan-hē)ê教示(kà-sī)
7耶稣(iâ-so͘)看(khòaⁿ)hiah-ê人 客(lâng-kheh)teh拣(kéng)大位(tōa-ūi)，就(chiū)用 譬喻(ēng phì-jū)对(tùi)in讲(kóng)：8「Lín hō͘人(lâng)请 去(chhiáⁿ khì)赴(hù)婚 宴(hun-iàn)ê时(sî)，m̄-thang坐 大位(chē tōa-ūi)，恐 惊(khióng-kiaⁿ)有比(ū pí)你(lí)khah尊 贵(chun-kùi)ê人(lâng)mā来(lâi)hō͘伊(i)请(chhiáⁿ)。9 Hit时(sî)请 你(chhiáⁿ lí)kah请 伊(chhiáⁿ i)ê主 人(chú-lâng)来(lâi)kā你讲(lí kóng)：『请(chhiáⁿ)让(niū)位(ūi)hō͘ chit-ê人(lâng)。』你(lí)会感 觉(ē kám-kak)见 笑(kiàn-siàu)，soah tio̍h去 坐(khì chē)tī siōng尾(bóe)ê位(ūi)。10 Hō͘人(lâng)请(chhiáⁿ)ê时(sî)tio̍h去 坐(khì chē)尾位(bóe-ūi)，请 你(chhiáⁿ lí)ê人(lâng)来(lâi)kā你讲(lí kóng)：『朋 友(pêng-iú)ah，请 你(chhiáⁿ lí)起来(khí-lâi)坐 大位(chē tōa-ūi)。Hit时(sî)你(lí)tī仝 桌(kâng-toh)ê人(lâng)面 前(bīn-chêng)就有(chiū-ū)体 面(thé-bīn)。11因为(in-ūi)骄 傲(kiau-ngō͘)ê人(lâng)会(ē)受 降 低(siū kàng-kē)，谦 卑(khiam-pi)ê人(lâng)会(ē)hō͘人(lâng)kā伊(i)提高(thê-ko)。」12然 后(jiân-āu)耶稣(iâ-so͘)mā kā请(chhiáⁿ)他(i)ê人(lâng)讲(kóng)：「祢(lí)办(pān)中 昼 顿(tiong-tàu-tǹg)á是(sī)暗 顿(àm-tǹg)，m̄-thang请 你(chhiáⁿ lí)ê朋 友(pêng-iú)，á是(sī)兄弟(hiaⁿ-tī)，á是(sī)亲(chhin)chiâⁿ，á是(sī)好 额(hó-gia̍h)ê厝 边(chhù-piⁿ)，chiah免 得(bián-tit)in kā你(lí)请(chhiáⁿ)倒(tò)tńg来(lâi)，án-ne你(lí)soah受 人(siū lâng)报答(pò-tap)。13你(lí)办 桌(pān-toh)请(chhiáⁿ)人 客(lâng-kheh)ê时(sî)，tio̍h请(chhiáⁿ)sàn-chhiah-ê、破 相(phòa-siùⁿ)ê、跛 脚(pái-kha)ê、chheⁿ-mê-ê。14 Án-ne你(lí)一定会(it-tēng ē)受 祝 福(siū chiok-hok)，因为(in-ūi)in无能 力(bô lêng-le̍k)kā你(lí)报答(pò-tap)。Tī义 人(gī-lâng)koh活(oa̍h)ê时(sî)，上 主(siōng-chú)会(ē)kā你(lí)报答(pò-tap)。」

宴 席(iàn-se̍k)ê譬喻(phì-jū) (太(thài)22：1-10)
15仝 桌(kâng-toh)ê一个 人(chi̍t-ê lâng)听(thiaⁿ)tio̍h chiah-ê话(ōe)，就(chiū)对耶稣(tùi iâ-so͘)讲(kóng)：「Ē-tàng tī上 主 国 度(siōng-chú kok-tō͘)lim食(chia̍h)ê人(lâng)，真有(chin ū) 福 气(hok-khì)！。」16 M̄-koh耶稣(iâ-so͘)kā伊(i)讲(kóng)：「有一个(ū chi̍t-ê)人(lâng)办(pān)大宴 席(tōa iàn-se̍k)，请(chhiáⁿ)真(chin)chē人(lâng)。17到(kàu)beh开 桌(khui-toh)ê时(sî)，差(chhe)伊(i)ê奴仆(lô͘-po̍k)kā所 请(só͘ chhiáⁿ)ê人(lâng)讲(kóng)：『请(chhiáⁿ)lín tio̍h来(lâi)，ta̍k项(hāng)lóng准 备(chún-pī)好势(hó-sè)à。』18 M̄-koh in一个(chi̍t-ê)一个(chi̍t-ê)推辞(the-sî)。头 一个(thâu-chi̍t-ê)kā伊(i)讲(kóng)：『我有(góa ū)买一块(bé chi̍t-tè)园(hn̂g)，一定(it-tēng)tio̍h去(khì)看 一 下(khòaⁿ chi̍t-ē)。请 你(chhiáⁿ lí)谅 解(liōng-kái)。』19 Koh一个 人(chi̍t-ê lâng)讲(kóng)：『我(góa)有买(ū bé)五 对(gō͘-tùi)牛(gû)，tio̍h去 验 收(khì giām-siu)。请 你(chhiáⁿ lí)谅 解(liōng-kái)。』20 Koh一个 人(chi̍t-ê lâng)讲(kóng)：『我(góa)tú娶(chhōa)bó͘，所以(só͘-í)bē-tàng去(khì)。』21奴仆(lô͘-po̍k)tńg去(khì)将(chiong)chiah-ê tāi-chì kā主 人(chú-lâng)讲(kóng)。HIt-ê主 人(chú-lâng)受气(siū-khì)，kā伊(i)ê奴仆(lô͘-po̍k)讲(kóng)：『紧(kín)出 去(chhut-khì)城内(siâⁿ-lāi)ê街 头(ke-thâu)巷 尾(hāng-bóe)，chhōa hiah-ê sàn-chhiah-ê、破 相(phòa-siùⁿ)ê、chheⁿ-mê-ê、跛 脚(pái-kha)ê人(lâng)来(lâi)chia。』 22奴仆(lô͘-po̍k)讲(kóng)：『主 人(chú-lâng)，你(lí)所吩 咐(só͘ hoan-hù)ê我(góa)lóng已经(í-keng)做(chò)à，m̄-koh iáu-koh有空 位(ū khang-ūi)。』23主 人(chú-lâng)tùi奴仆(lô͘-po̍k)讲(kóng)：『出 去(chhut-khì)路里(lō͘-ni̍h)á是(sī)篱笆边(lî-pa piⁿ)，kā hiah-ê人(lâng)giú入来(ji̍p-lâi)，thang hō͘我(góa)ê厝(chhù)坐(chē)满(móa)。24我(góa)kā lín讲(kóng)，前(chêng)所 邀 请(só͘ iau-chhiáⁿ)hiah-ê人(lâng)，无一个(bô chi̍t-ê)ē-tàng食(chia̍h)tio̍h我(góa)ê宴 席(iàn-se̍k)。』」

做(chò)门徒(bûn-tô͘)ê代价(tāi-kè) (太(thài)10：37-38)
25有真(ū chin)chē人(lâng)kah耶稣(iâ-so͘)做 阵(chò-tīn)行(kiâⁿ)。耶稣(iâ-so͘)oa̍t过来(kòe-lâi)对(tùi)in讲(kóng)：26「想(siūⁿ)beh来(lâi)tòe我(góa)ê人(lâng)，若(nā)m̄肯(khéng)放(pàng)sak伊(i)ê父母(pē-bú)、bó͘-kiáⁿ、兄弟(hiaⁿ-tī)、姊 妹(chí-mōe)，甚 至(sīm-chì)家己(ka-kī)ê性 命(sèⁿ-miā)，就(chiū)bē-tàng做(chò)我(góa)ê门徒(bûn-tô͘)。27无(bô)giâ家己(ka-kī)ê十字架(si̍p-jī-kè)来(lâi)tòe我(góa)ê人(lâng)，mā bē-tàng做(chò)我(góa)ê门徒(bûn-tô͘)。28 Lín中 间(tiong-kan)啥 人(siáⁿ-lâng)想(siūⁿ)beh起(khí)塔(thah)，kám无(bô)tāi先(seng)坐 落来(chē lo̍h-lâi)，算(sǹg)看有(khòaⁿ ū)够(kàu)钱(chîⁿ)thang完 成(oân-sêng)hit-ê工 程(kang-thêng)á无(bô)？29若无(nā-bô)án-ne做(chò)，kiám-chhái hē地基(tē-ki)了 后(liáu-āu)soah bē-tàng完 成(oân-sêng)工 程(kang-thêng)。看(khòaⁿ)tio̍h ê人(lâng)lóng会(ē)kā伊(i)耻 笑(thí-chhiò)，讲(kóng)：30 『Chit-ê人(lâng)有开始(ū khai-sí)动 工(tāng-kang)，soah bē-tàng完 成(oân-sêng)。』31 Á是(sī)有一个(ū chi̍t-ê)王(ông)beh kah别(pa̍t)ê王(ông)交 战(kau-chiàn)，kám无(bô)tāi先(seng)坐 落来(chē lo̍h-lâi)，想 看(siūⁿ khòaⁿ)ē-tàng用(ēng)一 万(chi̍t-bān)ê兵(peng)，抵 抗(tí-khòng)hit-ê chhōa两 万(nn̄g-bān)ê兵(peng)来 攻 击(lâi kong-kek)ê王(ông)á-bē？32若(nā)知 影(chai-iáⁿ)bē，伊(i)会(ē)thàn hit-ê王(ông)iáu tī远 远(hn̄g-hn̄g)ê时(sî)，差(chhe)使者(sù-chiá)去(khì)kah伊(i)讲 和(kóng-hô)。33 Án-ne仝 款(kāng-khoán)，lín中 间(tiong-kan)若无(nā-bô)放(pàng)sak家己(ka-kī)ê一 切(it-chhè)，就(chiū)bē-tàng做(chò)我(góa)ê门徒(bûn-tô͘)。」

失味(sit-bī)ê盐(iâm) (太(thài)5：13；可9：50) 34 「盐(iâm)真(chin)有路用(ū lō͘-ēng)，m̄-koh盐(iâm)若失味(nā sit-bī)，beh án怎(chóaⁿ)回 复(hôe-ho̍k)伊(i)ê咸 味(kiâm-bī)？35失味(sit-bī)ê盐(iâm)bē-tàng落(lo̍h)园(hn̂g)，mā bē-tàng kauh肥(pûi)。只有(chí-ū)hiat掉(tiāu)。有 耳 孔(ū hīⁿ-khang)thang听(thiaⁿ)ê人(lâng)，tio̍h听(thiaⁿ)！」