巴克礼普世版（试读本） 路加福音第六章
安息 日ê问题 (太12：1-8；可2：23-28)
1有一个安息 日，耶稣tùi麦 园经 过，他ê门徒摘麦 穗，用 手jôe来 食。2有kóa法 利赛 派ê人对in讲：「Lín ná会tī安息 日，做律 法规 定无应 该做ê tāi-chì？」3耶稣应 讲：「Lín kám无 读tio̍h大卫kah跟tòe ê人，腹肚iau ê时所做ê tāi-chì？4伊入去上 主ê殿，the̍h献 祭ê饼来 食，koh hō͘伊跟tòe ê人食。Chit种饼kan-tāⁿ祭司chiah thang食。」5耶稣koh kā in讲：「人 子是安息 日ê主。」
耶稣医好瘸 手ê人 (太12：9-14；可3：1-6)
6 Koh有一个安息 日，耶稣入去会 堂教示。Tī hia有一个正 手瘸 去ê人。7有kóa经 学 教 师kah法 利赛 派ê人teh当 等，看耶稣有tī安息 日kā人医病á无。意思是beh chhōe孔 缝thang告耶稣。8耶稣知in ê企图，就kā hit-ê瘸 手ê人讲：「起来！khiā tòa中 央。」Hit人 就khiā起来tī hia。9然 后耶稣对in讲：「我问lín，tī安息 日做好事á是做pháiⁿ事，救性 命á是害性 命，tó一 项khah合 律 法？」10耶稣kā群 众看一liàn了 后对hit人讲：「Kā你ê手伸 出 来！」伊一下伸 手，手就 复 原。11 Hiah-ê人非 常受气，做伙参 详beh án怎来对付耶稣。
耶稣拣 选十二使徒 (太10：1-4；可3：13-19)
12有一 工，耶稣出去 山 里祈祷，kui暝对上 主祈求。13到 天 光就叫 门徒来；对in中 间拣 选十 二 人，kā in叫做使徒。14就是西门，耶稣koh kā伊号名做彼得，kah伊ê兄弟安得烈，koh有雅 各kah约 翰，腓力kah巴多罗买，15马 太kah多马，A-le̍k-hui ê kiáⁿ雅 各kah叫 做激 进 党 员ê西门，16雅 各ê kiáⁿ犹大，kah出 卖耶稣ê加 略 人犹大。
耶稣ê教示Ka医病 (太4：23-25)
17耶稣kah使徒落 山来khiā tī平地，tī hia有真chē他ê门徒kah kui大阵ê民 众。Chiah-ê人是tùi犹太全 地kah耶路撒 冷，以及Chhui-lô kah Se-tùn沿海ê所 在来。18 In来beh听耶稣讲 道理，mā beh hō͘他医病。Hiah-ê hō͘邪神附身搅 扰ê人，mā lóng得tio̍h医治。19众 人lóng想beh kā他摸，因为有 权 能对耶稣出 来，hō͘ in lóng得tio̍h医好。
福 气Kah灾 祸(太5：1-12)
20耶稣gia̍h头看他ê门徒，讲：「Lín chiah-ê sàn-chhiah人，实 在有福 气，因为上 主 国 度是lín ê。21 Lín chit-má teh iau ê人，实 在有福 气，因为上 主会hō͘ lín食kah饱。Lín chit-má teh啼 哭ê人，实 在有福 气，因为上 主会hō͘ lín笑。22人 为tio̍h人 子ê缘故来怨 恨lín，拒 绝lín，侮 辱lín，kā lín看 做pháiⁿ来排 斥ê时，lín实 在有福 气。23 Hit日lín tio̍h欢 喜tiô跳；因为lín tī天 顶ê报赏真 大。以 前hiah-ê人ê祖 先mā是án-ne款 待先知。24 M̄-koh lín chiah-ê好 额 人，会有灾祸！因为lín已经teh享 受安乐ê生 活。25 Lín chit-má饱 足ê人，会有灾祸！因为lín teh-beh iau。Lín chit-má teh笑ê人，会有灾祸！因为lín teh-beh哀 伤啼 哭。26 Lín chiah-ê hō͘群 众o-ló ê人，会有灾祸！因为in ê祖 先mā bat án-ne款 待假先知。」
疼敌人(太5：38-48；7：12)
27「M̄-koh lín chiah-ê teh听ê人，我kā lín讲：tio̍h疼lín ê对敌。Tio̍h好 款 待怨 恨lín ê人。28 Tio̍h祝 福pháiⁿ嘴骂lín ê人。Tio̍h替侮 辱lín ê人祈祷。29若有人siàn你一pêng ê嘴phóe，另 外一pêng mā hō͘伊siàn；若有人剥lín ê外衫，连内衫mā顺 续hō͘伊。30若有人kā你求啥 物，tio̍h hō͘伊；若有人抢你ê物 件，m̄-thang kā伊讨tńg来。31 Lín ài人án怎对 待lín，mā tio̍h án-ne对 待人。32 Lín若 疼hiah-ê疼lín ê人，有啥 物thang o-ló？因为pháiⁿ人mā是疼hiah-ê疼in ê人。33 Lín若好 款 待hiah-ê好 款 待lín ê人，有啥 物thang o-ló？因为pháiⁿ人mā是án-ne teh做。34 Lín若借钱hō͘ hiah-ê有thang ǹg望还你钱ê人，有啥 物thang o-ló？因为pháiⁿ人mā敢借钱hō͘会 照数 额来 还ê人。35 M̄-koh lín tio̍h疼lín ê对敌，好 款 待in。借人mā m̄-thang想beh讨tńg来。Án-ne lín会得tio̍h真 大ê报赏，koh会成 做至 高上 主ê kiáⁿ儿，因为他对忘 恩背义kah做pháiⁿ ê人真慈悲。36所以lín tio̍h有怜悯ê心，亲 像lín ê天父teh怜 悯人。」
批 评人 (太7：1-5；10：24；15：14)
37 M̄-thang批 评人，chiah bē hō͘人批 评。M̄-thang kā人判 罪，chiah bē hō͘人kā lín判 罪。Tio̍h赦 免人，chiah会得tio̍h人ê赦 免。38 Tio̍h hō͘人，lín chiah会得tio̍h，而 且会真充 足，kā lín ji̍h koh摇，hō͘伊cha̍t kah满 出 来，piàⁿ落去lín ê衫á帕，因为lín用啥 物量器来量hō͘人，人mā会 照án-ne量倒tńg去hō͘ lín。」39耶稣koh用 譬喻kā in讲：「Chheⁿ-mê ê人kám会kā chheⁿ-mê-ê chhōa路？Kám bē两个 人lóng跋 落坑 沟？40学 生bē-tàng赢 过老师，m̄-koh学 生若学有起，就会亲 像伊ê老师。」41「祢ná会kan-tāⁿ看tio̍h兄弟目 睭 内ê锯屑灰，亦无注意tio̍h你家己目 睭 内ê柴 箍？42 Á是你本 身无 看 见家己目 睭 内ê柴 箍，ná ē-tàng kā你ê兄弟讲：『兄弟 姊 妹ah，你目 睭 内ê锯屑灰hō͘我kā伊the̍h出 来』？假好ê人ah，tio̍h先kā你家己目 睭 内ê柴 箍the̍h出 来，chiah ē-tàng看清 楚，thang kā你兄弟目 睭 内ê锯屑灰the̍h出 来。」
树Kah果 子 (太7：16-20；12：33-35)
43因为好 树bē结pháiⁿ果 子，pháiⁿ树mā bē结好果 子。44看 果 子就ē-tàng知hit丛树ê好pháiⁿ。Bē-tàng tùi刺帕内挽无花果，mā bē-tàng tùi刺á藤挽葡萄。45好 人对伊ê心所 积 聚ê好，来 发 出好；pháiⁿ人对伊所 积 聚ê pháiⁿ，来 发 出pháiⁿ，因为人心 内充 满啥 物，嘴就会讲 出啥 物。」
两 种地基 (太7：24~27)
46 Lín ná会称 呼我，『主ah，主ah，』却无 照我ê教示去 做？47来我chia，听我ê话koh照我ê话去 做ê人，我报lín知hit款人亲 像啥 物。48伊亲 像人teh起 厝，掘hō͘伊深，kā地基hē tī石 磐 顶，大 水一下到，溪 流冲tio̍h厝，厝mā bē摇动，因为厝起 了真 坚 固。49 M̄-koh听 了无去做ê人，是亲 像人起 厝tī土 顶，无hē地基，hō͘溪 流冲tio̍h，就 随时倒落去，hit间厝ē倒kah真 伤 重。」
|
|
|
转寄