巴克礼普世版(试读本) 启示录第二十二章
1天使koh报 我 看城内街路 中有 活 命水ê河,清 亮亲 像水 晶,tùi上 主kah羊羔ê宝座流 出 来。2河ê双pêng有 活 命 树,每年结十 二pái ê果 子,每 个 月结一pái,树 叶ē-tàng做医治列 国ê路用。3城内lóng无koh有咒 诅,上 主kah羊羔ê宝座会tī城内。4他ê奴仆会服 事他,mā会看tio̍h他ê面,他ê名会写tī in ê头 额。5无koh再有暗时,mā无需要灯ê光kah日头ê光,因为主,上 主会kā Kā in照 kā光,in会永 远掌 权做 王。
基督降 临
6 Hit-ê天使koh kā我 讲:「Chiah-ê话真实可 靠,赏赐他ê圣 神hō͘众 先 知ê主,上 主有差他ê天使,将一定随时会 发 生ê tāi-chì指示他ê奴仆。」7耶稣讲:「Lín tio̍h注意 听,我liâm-piⁿ会到lín中 间。遵 守chit本册预言ê话ê人,真有 福 气!」8我—约 翰是亲 身听tio̍h koh看tio̍h hiah-ê tāi-chì ê人,我 听tio̍h koh看tio̍h了 后,就仆 落去hit-ê将chiah-ê tāi-chì kā我指示ê天使脚 前,beh kā伊拜。9 M̄-koh伊kā我 讲:「千 万m̄-thang!我kah你以及hiah-ê为耶稣做 见 证ê人,平 平lóng是做 奴仆.ê,你tio̍h拜上 主!」10天使koh kā我 讲:「M̄-thang将chit-ê册预言ê话封 密,因为预言实 现ê日期teh-beh到à。11 Hō͘不义ê人继 续做 不义,hō͘污秽ê人继 续污秽,hō͘好 人继 续做好,hō͘圣 洁ê人继 续圣 洁。」12耶稣讲:「我liâm-piⁿ到!我beh带报赏来,照ta̍k人ê所做kā伊报应。13我是起 头ê A-lu-hoat(α) kah结 尾ê O-meh-kah(Ω),是开始kah结 束。」14 Hiah-ê kā家己ê衫á裤洗 清 气ê人,真有 福 气!In有权thang食活 命 树ê果 子,koh ē-tàng tùi chiah-ê门入城。15 M̄-koh hiah-ê狗类,行 邪术.ê,行 淫 乱.ê,thâi人.ê,拜 偶 像.ê,kah所有ài讲 白 贼koh奸 诈ê人,tio̍h留tī城 外。16「我—耶稣已经差 派我ê天使去chiah-ê教 会,对lín证 明chiah-ê tāi-chì:我是大卫ê根 头,koh是伊ê kiáⁿ孙,是光iàⁿ-iàⁿ ê启 明 星。」17圣 神kah新娘lóng讲:「来!听见ê人lóng tio̍h讲:「来!」嘴 干ê人tio̍h来,意爱ê人thang白 白领受活 命ê水。
结 论
18我—约 翰严 肃警 告听tio̍h chit本册预言ê话ê人:若有人kā它加添,上 主会 将chit本册所记载ê灾 祸加添hō͘伊。19若有人删除chit本预言ê册ê话,上 主mā会tùi chit本册所记载,伊应 该得活 命 树kah圣 城ê份 额删除。20为tio̍h chiah-ê tāi-chì做 见 证Hit位讲:「Tio̍h,我liâm-piⁿ来!」阿们!主耶稣,请祢降 临!21愿主耶稣ê恩 典,kah lín大家同 在!阿们!