巴克礼普世版(试读本) 启示录第一章
1这是耶稣基督ê启示,上 主hō͘基督chit-ê启示,ài将liâm-piⁿ一定会 发 生ê tāi-chì,指示上 主ê奴仆;基督有差 遣他ê天使去指示上 主ê奴仆约 翰。2约 翰kā所 看tio̍h关 系上 主ê信息kah耶稣基督ê见 证,对所有ê人做 证。3读chit本册kah听hiah-ê预言,koh遵 守其 中所记载ê人真有 福 气,因为应 验chiah-ê tāi-chì ê日期teh-beh到à。
对七 间教 会请 安
4我,约 翰写phoe寄hō͘亚西亚省ê七 间教 会;愿现 在存 在,早 前存 在,将 来mā存 在ê上 主,kah他座 位 前七个神 灵,以及耶稣基督,赐lín恩 典kah平 安。5基督是忠 实ê见 证 人,头 一个tùi死 人 中koh活,是地 上万 王ê主 宰。6基督疼 咱,为tio̍h咱流 血牺 牲,来tháu放咱脱 离咱ê罪,mā hō͘咱成 做国度,做祭司来服 事他ê天父上 主。愿荣 光kah权 能归tī耶稣基督,到代代无 尽。阿们!7你 看,基督坐 云teh来,众 人会看tio̍h他,连用 枪凿 他ê人mā会看tio̍h他。地 上万 民lóng会因为他ê再 临,来悔 改啼 哭,一定会án-ne发 生。阿们!8主上 主讲:「我是起 头.ê(α) koh是结 尾.ê(Ω),现 在存 在,早 前存 在,将 来mā存 在.ê,是全 能,ê。」
基督对约 翰显 现
9我,约 翰是lín ê兄弟,kah lín做伙有分 担耶稣ê苦 难kah吞 忍,koh有份tī他ê国度。为tio̍h传上 主ê信息kah见 证耶稣ê福 音,我bat tòa tī一个名叫Poa̍t-mô͘ ê海岛。10有一个主 日,我hō͘圣 神感 动,听tio̍h tī我ê后面有亲 像喇叭ê大 声,11讲:「你tio̍h将所 看tio̍h ê写 做册,寄hō͘ hit七 间教 会,就是以弗所、士 每拿、别 迦摩、推 雅 推 喇、撒狄、非 拉 铁 非、老底嘉。」12我oa̍t-tńg身想beh看,kah我讲 话ê是啥 人,结 果看tio̍h七 支金 灯 台。13灯 台ê中 央有一位亲 像人 子,穿一 领长 袍,胸 坎縖金 带。14他ê头 毛白kah ná亲 像羊绵á是雪,他ê目 睭亲 像火 焰。15他ê脚亲 像过 火炉锻 链koh磨 过ê铜hiah-ni̍h金。他ê声亲 像大 水chhiâng ê响 声。16 Tī他ê正 手有七 粒星,他ê嘴吐 出双 面 利ê剑,他ê面 貌发 光亲 像中 昼时ê日头hiah光。17我一下看tio̍h他,就kah-ná死人仆tī他ê脚 前。他用 正 手hōaⁿ我,讲:「M̄免 惊,我是起 头.ê,mā是结 尾.ê。18我是Hit位永 远 活teh-.ê,我bat死,taⁿ我活teh koh会活到万世代,我掌 管死 亡kah阴府ê锁匙。19所以你tio̍h kā所 看tio̍h.ê,现 今所teh发 生.ê,kah将 来会 发 生ê tāi-chì lóng写落来。20你所 看tio̍h我正 手hit七 粒星 kah七 支金 灯 台ê奥妙是án-ne:七 粒星是七 间教 会ê使者,七 支灯 台是七 间教 会。」