巴克礼普世版(试读本) 犹大书第一章
1我是耶稣基督ê奴仆,雅 各ê兄弟,犹大。我写phoe寄hō͘ hiah-ê受 选 召,得tio̍h天父上 主ê疼,koh受耶稣基督保守ê人。2愿lín充 满上 主ê怜 悯,平 安kah疼 痛。
假ê教师
3亲 爱ê兄弟 姊 妹,我早to̍h一直想beh写phoe hō͘ lín,来谈 论咱lóng有份ê拯 救。Taⁿ我感 觉真 需要写phoe来kā lín鼓励,tio̍h为上 主一 遍to̍h完 整,传hō͘信徒ê信 仰来奋 斗。4因为有一kóa无敬 畏上 主ê人,偷 偷á chǹg入来咱 中 间,曲 解上 主ê恩 典当 做放 纵ê藉 口,koh拒 绝独一ê主 宰,咱ê主耶稣基督。圣 经早to̍h预言,chiah-ê人一定tio̍h受 刑 罚。5 Lín虽 然已经知chiah-ê tāi-chì,我iáu-koh beh kā lín提 醒,上 主一 遍to̍h将以色列子 民tùi埃及ê所 在救 出 来,后来koh将hiah-ê m̄信ê人毁 灭。6 Koh有hiah-ê无守本 份ê天使,离开家己ê职-ūi,上 主用永 远ê锁链kā in链tòa乌暗ê深 渊,tī hia thèng候大日期ê审 判。7所多玛kah蛾摩垃以及四周围城 市ê人,mā kah hiah-ê天使仝 款行 淫 乱,放 纵违 反 自 然ê性 欲,受tio̍h永 远bē-hoa ê火ê刑 罚,这thang做众 人ê警 戒。8 Hiah-ê空思梦 想ê人,mā仝 款hō͘ in ê肉 体犯 罪,koh藐视上 主ê权 威,亵 渎天 顶尊 贵.ê。9天使 长Bí-ka-le̍k kah魔 鬼,为tio̍h摩西ê身尸teh争 论ê时,mā m̄敢用 毁 谤ê话kā伊责 备,kan-taⁿ讲:「主tio̍h kā你责 备!」10 M̄-koh chiah-ê人亵 渎家己m̄知ê tāi-chì,koh kah无 灵 性ê动 物仝 款,去 做本 能了 解ê tāi-chì,结 果家己败 坏。11 In会有灾祸!因为in行该隐ê路,koh为tio̍h钱 财陷 落tī Pa-lân ê错 误,mā kah Khó-la̍h仝 款因为背 叛来 灭 亡。12 Chiah-ê人tī lín ê爱 餐食 桌 中,顾 食顾lim无顾体 面,in养 饲家己lóng无惊半 人;in ná亲 像bē落半 点 雨ê云,hō͘风扫来 扫 去;koh ná秋 天无结 果 子ê树,hō͘人连 根都khau起来,死kah干khok-khok。13 In mā亲 像海 中ê狂 涌,露 出家己thang见 笑ê沫;koh亲 像离开道轨ê星,lak落去上 主为tio̍h in保留ê乌暗深 渊。14亚当ê第 七代孙以诺预 言chiah-ê人,讲:「看ah!上 主会带千 千万 万ê圣 天 使来,15 beh审 判所有ê人,刑 罚所有无 敬 虔ê罪 人,因为in用无 敬 虔ê手 段,做一 切无 敬 虔ê tāi-chì,koh讲亵 渎上 主ê话。」16 Chiah-ê人不时nga̍uh-nga̍uh念,埋 怨,放 纵私欲,讲夸 口ê话,为tio̍h家己ê利益kā人扶 挺。
警 告Kah教示
17亲 爱ê兄弟 姊 妹,tio̍h会记得咱ê主耶稣基督ê使徒早 前所 讲ê话。18 In有kā lín讲:「末 日ê时,有一kóa照in家己无 敬 虔ê私欲做tāi-chì ê人会 出 现,in ài耻 笑别 人ê信 仰。」19 Chiah-ê人制作纷 争,in受家己ê本 性控 制,无kah圣 神结 联。20 M̄-koh lín chiah-ê兄弟 姊 妹,tio̍h将家己建 立tī至 圣ê信 仰顶 面,tio̍h靠圣 神来祈祷。21 Mā tio̍h继 续生 活tī上 主ê疼内面,仰 望咱ê主耶稣基督ê怜 悯,直到得tio̍h永 远ê活 命。22 Lín tio̍h怜 悯hiah-ê有憢 疑 心ê人。23有一kóa人,lín tio̍h tùi火 中kā in救 出 来;koh有一kóa人,lín tio̍h谨慎来kā in怜 悯,连in hō͘情 欲bak lah-sap ê衫 裤mā tio̍h讨厌。
颂 赞
24上 主会保守lín bē堕落,mā hō͘ lín无 缺 点,欢 欢 喜喜khiā tī他荣 光ê面 前。25愿独一ê上 主咱ê救 主,通 过咱ê主耶稣基督,得tio̍h荣 光、威 严、权 能、气 力,tùi万世以 前到现 今,直到永 远。阿们!