巴克礼普世版(试读本) 彼得后书第二章
假ê教师
1以 前有假先知tī民 间出 现,仝 款chit-má mā有假教师tī lín ê中 间出 现,in暗 中引进毁 灭 性ê异端入来,甚 至m̄承 认kā in赎 回ê主 宰,家己真 紧就 灭 亡。2 M̄-koh iáu有真chē人学in ê淫 乱生 活,真理ê道路soah为tio̍h in来受 毁 谤。3 Chiah-ê假教师因为贪 心,会捏 造故事来pián lín ê钱 财。上 主对in ê审 判早to̍h决 定ā,in liâm-piⁿ就 灭 亡。4上 主并 无容 允犯 罪ê天使,kā in hiat落去阴府,kā in关tī乌暗ê深 坑,thèng候审 判。5上 主mā无容 允古早ê世界,用大 水淹 灭hiah-ê无敬 畏上 主ê世 间 人,kan-taⁿ拯 救宣 扬公 义ê挪亚hit八 人。6上 主处 罚所多玛kah蛾摩垃ê城 市,用 火kā in毁 灭,hō͘后来无敬 畏上 主ê人做 警 戒。7上 主有拯 救义 人罗得,因为伊常 常为tio̍h邪恶淫 乱ê人来深 深忧闷。8 Chit-ê义 人罗得tòa tī in中 间,ta̍k日看tio̍h mā听tio̍h hiah-ê邪恶ê tāi-chì,心 内非 常痛 苦。9上 主知tio̍h怎 样拯 救敬 虔ê人脱 离试 炼,mā知kā不义ê人留 到审 判ê日去受 刑 罚。10特 别是hiah-ê放 纵肉 体情 欲koh藐视上 主权 威ê人。Chiah-ê假教师大胆koh骄 傲,甚 至亵 渎尊 贵ê天使。11虽 然天使ê气 力kah权 能,比hiah-ê假教师khah大,mā无tī上 主ê面 前用 毁 谤ê话kā in控 告。12 M̄-koh chiah-ê人亲 像无 灵 性ê动 物,生 成tio̍h hō͘人掠 去thâi。In毁 谤家己m̄知ê tāi-chì,in会kah动 物仝 款受毁 灭,受tio̍h家己不义行 为ê报应。13 对in来 讲:享 乐就是tī日时就 沈 沦tī情 欲ê满 足来欢 喜。Kah lín做伙食 桌ê时,in m̄知thang见 笑koh无顾体 面,放 纵宴 乐。14 In ê目 睭kan-taⁿ ài看邪淫,犯 罪无soah,迷惑心无坚 固ê人,in ê心惯 势贪 财,应 该tio̍h受 上 主ê咒 诅。15 In离开正 路来行迷路,行Pì-ní ê kiáⁿ Pa-lân所行ê路。Pa-lân贪 爱不义ê钱 财,16 m̄-koh为tio̍h家己ê犯 法来受责 备。一 只bē讲 话ê驴á,竟 然用人ê声来 阻止先知Pa-lân ê疯 狂。17 Chiah-ê人亲 像无 水ê泉,亲 像hō͘狂 风扫 过ê云雾。上 主已经tī乌暗ê深 渊kā in留一个 所 在teh thèng候in。18 In讲夸 口ê戆话,tī肉 体ê情 欲kah邪淫,来诱惑hiah-ê tú-tú脱 离失迷生 活ê人。19 In应允hō͘人自由,m̄-koh家己做腐败生 活ê奴隶,因为人受 甚 么控 制,就 做hit项ê奴隶。20人认bat救 主耶稣基督,来脱 离世间hiah-ê污秽以后,若koh再hō͘ hiah-ê腐败ê势力缠身koh受压制,chit种人ê结 局会比以 前koh-khah惨。21 In既然认bat公 义ê道路,竟 然koh来违背所 传hō͘ in ê神 圣诫 命,án-ne宁 可tùi起 头to̍h lóng m̄-bat khah好。22 Hit种人ê情 形tú亲 像俗 语所 讲:「狗á倒tńg去食 家己所吐ê物,猪á洗 清 气随时koh去nòa tī土 糜ê中 央。」