《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 雅各书第五章

作者 巴克礼普世版小组 2016.09.11

警 告(kéng-kò)好 额 人(hó-gia̍h-lâng)
1 Taⁿ lín chiah-ê好 额 人(hó-gia̍h-lâng)tio̍h注意 听(chù-ì thiaⁿ)，lín ê灾 难(chai-lān)teh-beh到(kàu)à，lín tio̍h悲 伤(pi-siong)啼 哭(thî-khàu)！2 Lín ê钱 财(chîⁿ-châi)已经(í-keng)败 坏(pāi-hoāi)，lín ê衫 裤(saⁿ-khò͘)hō͘蛀 虫(chiù-thâng)蛀 破 去(chiù phòa-khì)。3 Lín ê金银(kim-gîn)生(seⁿ)sian，hiah-ê sian会做(ē chò)攻 击(kong-kek)lín ê证 据(chèng-kì)，beh亲 像(chhin-chhiūⁿ)火(hóe) 烧 灭(sio-bia̍t)lín ê身 躯(seng-khu)。Lín tī chit-ê末 世(boa̍t-sè)，kan-taⁿ知 影(chai-iáⁿ)积 聚(chek-chū)财 宝(châi-pó)。4 Lín刻 亏(khek-khui)hiah-ê tī lín ê田 园(chhân-hn̂g)teh收 割(siu-koah)ê人(lâng)，无(bô)hō͘ in工 钱(kang-chîⁿ)。In出 声(chhut-siaⁿ)teh kā lín控 告(khòng-kò)！万 军(bān-kun)ê主(chú)已经(í-keng)有听(ū thiaⁿ)tio̍h chiah-ê哀怨(ai-oàn)ê声(siaⁿ)。5 Lín tī地 上(tē-chiūⁿ)享 受(hiáng-siū)奢 华(chhia-hoa)宴 乐(iàn-lo̍k)，kā家己(ka-kī)饲(chhī)kah肥(pûi)chut-chut teh等(tán)屠 宰(tô͘-cháiⁿ)ê日子(ji̍t-chí)。6 Lín kā hiah-ê义 人(gī-lâng)定 罪(tēng-chōe)，koh kā in thâi死(sí)，in mā无(bô)kā lín抵 抗(tí-khòng)。

忍 耐(jím-nāi)Kah祈祷(kî-tó)
7兄弟 姊 妹(hiaⁿ-tī chí-mōe)ah，所以(só͘-í)lín tio̍h继 续(kè-sio̍k)忍 耐(jím-nāi)到(kàu)主(chú)ê再 临(chài-lîm)；lín看(khòaⁿ)，作 穑 人(choh-sit-lâng)án怎(chóaⁿ)thèng候(hāu)田 里(chhân-ni̍h)宝贝(pó-pòe)ê收 成(siu-sêng)，伊(i)耐心(nāi-sim)thèng候(hāu)秋 霖 春 雨(chhiu-lîm chhun-ú)。8 Lín mā tio̍h继 续(kè-sio̍k)忍 耐(jím-nāi)，坚 固(kian-kò͘)lín ê信 心(sìn-sim)，因为(in-ūi)主(chú)再 临(chài-lîm)ê日子(ji̍t-chí)teh-beh到(kàu)à。9兄弟 姊 妹(hiaⁿ-tī chí-mōe)ah，m̄-thang互 相(hō͘-siōng)怨妒(oàn-tò͘)，chiah免(bián)受 上 主(siū siōng-chú)审 判(sím-phòaⁿ)；lín看(khòaⁿ)，审 判 者(sím-phòaⁿ-chiá)已经(í-keng)khiā tī门 口(mn̂g-kháu)à。10兄弟 姊 妹(hiaⁿ-tī chí-mōe)ah，lín tio̍h用(ēng)hiah-ê奉 主(hōng chú)ê名(miâ)来 讲 话(lâi kóng-ōe)ê先知(sian-ti)，做(chò)忍 受(jím-siū) 苦 难(khó͘-lān)ê模样(bô͘-iūⁿ)。11咱(lán)kā hiah-ê忍 耐(jím-nāi) 到底(kàu-té)ê人(lâng)，看 做(khòaⁿ-chò)有福 气(ū hok-khì)；lín bat听 过(thiaⁿ-kòe)约伯(iok-pek)ê忍 耐(jím-nāi)，mā知(chai)主(chú)到 尾(kàu-bóe)án怎(chóaⁿ)kā伊(i)照 顾(chiàu-kò͘)，因为(in-ūi)主(chú)有(ū)满 腹(móa-pak)ê慈悲(chû-pi)kah怜 悯(liân-bín)。12我(góa)ê兄弟 姊 妹(hiaⁿ-tī chí-mōe)ah，siōng要紧(iàu-kín)是(sī)：M̄-thang kí天(thiⁿ)，á是(sī)地(tē)，á是甚 么(sī sím-mi̍h)物 件(mi̍h-kiāⁿ)来(lâi)chiù-chōa。「是(sī)」to̍h讲(kóng)：「是(sī)」：「M̄是(sī)」to̍h讲(kóng)：「M̄是(sī)」，án-ne chiah免(bián)受 上 主(siū siōng-chú)审 判(sím-phòaⁿ)。13 Lín中 间(tiong-kan)有人(ū lâng)受 苦(siū-khó͘)无(bô)？若有(nā ū)，伊(i)tio̍h祈祷(kî-tó)；lín中 间(tiong-kan)有人(ū lâng)欢 喜(hoaⁿ-hí)无(bô)？若有(nā ū)，伊(i)tio̍h吟(gîm)o-ló ê诗歌(si-koa)。14 Lín中 间(tiong-kan)有人(ū lâng)破 病(phòa-pēⁿ)无(bô)？若有(nā ū)，伊(i)tio̍h请(chhiáⁿ)教 会(kàu-hōe)ê长老(tiúⁿ-ló)来替(lâi thè)伊(i)祈祷(kî-tó)，奉 主(hōng chú)ê名(miâ)kā伊(i)抹 油(boah-iû)。15有信心(ū sìn-sim)ê祈祷(kî-tó)，会救(ē kiù)破 病(phòa-pēⁿ)ê人(lâng)，主(chú)会(ē)hō͘伊(i)khiā起来(khí-lâi)；伊(i)若(nā)有罪(ū-chōe)，mā会得(ē tit)tio̍h赦 免(sià-bián)。16 Lín tio̍h互 相(hō͘-siōng)认 罪(jīn-chōe)，相替(sio-thè)祈祷(kî-tó)，thang得(tit)tio̍h医好(i-hó)，义 人(gī-lâng)ê祈祷(kî-tó)有(ū)真 大(chin-tōa)ê功 效(kong-hāu)。17以利亚(í-lī-a)kah咱(lán)平 平(pêⁿ-pêⁿ)是人(sī lâng)，伊(i)迫 切(pek-chhiat)祈祷(kî-tó)恳 求(khún-kiû)上 主(siōng-chú)m̄-thang落雨(lo̍h-hō͘)，果 然(kó-jiân)地 上(tē-chiūⁿ)有(ū)三年 半(saⁿ-nî-pòaⁿ)久(kú)无落雨(bô lo̍h-hō͘)。18伊(i)koh祈祷(kî-tó)，果 然(kó-jiân)落 大雨(lo̍h tōa-ho?ū)，地(tē)就(chiū)出 产(chhut-sán)五 谷(ngó͘-kok)。19亲 爱(chhin-ài)ê兄弟 姊 妹(hiaⁿ-tī chí-mōe)，lín中 间(tiong-kan)若有人(nā ū lâng)偏 离(phian-lī)真理(chin-lí)，有人(ū lâng)kā伊(i)chhōa倒(tó)tńg来(lâi)。20 Lín tio̍h知(chai)，hō͘一个(chi̍t-ê)失迷(sit-bê)ê人(lâng)倒(tó)tńg来(lâi)ê人(lâng)，会救(ē kiù)伊(i)ê灵 魂(lêng-hûn)脱 离(thoat-lī)死 亡(sí-bông)，koh hō͘真(chin)chē罪(chōe)得(tit)tio̍h赦 免(sià-bián)。