巴克礼普世版(试读本) 希伯来书第十三章
上 主所Kah意ê服 事
1 Lín tio̍h亲 像兄弟 姊 妹继 续相 疼。2 M̄-thang bē记得接 待出 外 人,因为án-ne做会tī无意中接 待tio̍h天使。3 Tio̍h关 怀hiah-ê受 关 监ê人,亲 像kah in tâng关 监;tio̍h关 怀hiah-ê受 虐 待ê人,亲 像lín mā teh受 虐 待。4大家tio̍h尊 重婚姻,夫 妻tio̍h互 相忠 实,因为上 主会 审 判私 通行 淫ê人。5做 人m̄-thang贪 财,家己所有ê tio̍h知 足,因为上 主有讲:「我绝 对bē放sak你,绝 对bē离开你。」(注:申31:6;创28:15) 6所以咱ē-tàng好胆讲:主是我ê帮 助,我无惊 惶人对我án怎?(注:诗118:6) 7 Tio̍h数 念前引chhōa lín,传上 主ê福 音hō͘ lín ê人,chim-chiok看in行 为ê结 局,来学 习in ê信 仰。8耶稣基督过 去到今á日,一直到永 远lóng bē改 变。9 Lín m̄-thang hō͘ ta̍k款奇异ê教义chhōa去迷路,因为心 灵khah好是靠上 主ê恩 典来坚 固:m̄-thang靠hiah-ê食 物规矩,因为遵 守食 物规矩ê人并 无得tio̍h利益。10咱有咱ê祭 坛,tī会 幕服 事ê犹太祭司,无 权thang食咱祭 坛 顶ê祭 物。11犹 太 人ê大 祭司带cheng-seⁿ ê血,入去至圣 所来 赎 罪,却kā cheng-seⁿ ê身 体tī营 外烧 掉。12所以为tio̍h beh用家己ê血hō͘众 人成 做圣 洁,耶稣mā tī营 外受 苦来牺 牲。13 Án-ne咱mā tio̍h出 去营 外kah他做伙忍 受 凌 辱。14因为tī地 上咱无永 久ê城,咱是teh chhōe hit-ê teh-beh来ê城。15所以咱tio̍h通 过耶稣,继 续用o-ló ê祭献hō͘上 主,这就是公 开承 认主ê名ê人ê嘴 唇所结ê果 子。16 Tio̍h会记得做好事kah互 相帮 助,因为这是上 主所欢喜ê祭 物。17 Tio̍h顺 服引chhōa lín ê人,tio̍h听in ê话,因为in不时teh看 顾lín ê灵 魂,thang对上 主有交带。Lín tio̍h hō͘ in欢 喜来 工 作,若无,in会冷 心吐 气,án-ne对lín无利益。18 Lín tio̍h继 续为 阮祈祷,阮确 信家己有 清 白ê良 心,ta̍k项tāi-chì ài beh行正 直ê路。19我koh-khah恳 求lín为我祈祷,hō͘我thang khah紧koh去lín hia。
祝 福kah最 后ê请 安
20 Taⁿ上 主hō͘咱ê主耶稣koh活 起来,通 过耶稣所流ê血,来确 立永 远ê盟 约,hō͘耶稣成 做引chhōa羊 群ê大 牧 者。21愿赐平 安ê上 主,赏赐lín ta̍k项好tāi-chì来 遵 行他ê旨意;愿他通 过耶稣基督,tī咱ê心 内做tāi-chì来hō͘他欢 喜;愿荣 光归tī基督,到代代无soah。阿们。22兄弟 姊 妹ah,我写短短ê phoe hō͘ lín,劝lín耐心听我劝 勉ê话。23我ài报lín知,咱ê兄弟提摩 太已经出 监,伊若khah紧来,我会叫伊kah我做伙去lín hia。24请lín替阮,kā hiah-ê引chhōa lín ê人kah众圣 徒请 安; tùi意大利来ê信徒,mā beh kā lín请 安。25愿上 主ê恩 典kah lín众 人同 在。阿们。