巴克礼普世版(试读本) 希伯来书第十章
1既然律 法有teh-beh来ê好tāi-chì ê影,m̄-是好tāi-chì ê真 像,所以bē-tàng ta̍k年用仝 款ê祭 物,来hō͘亲 近上 主ê人得tio̍h完 全。2敬 拜上 主ê人 若ē-tàng一pái就洗 清伊ê罪,良 心无koh有罪ê意识,一 切m̄免koh再献 祭。3其实ta̍k年所 献ê祭 物,会hō͘人koh想 起in ê罪。4因为牛kah羊ê血,bē-tàng除去人ê罪。5所以耶稣来到世间ê时有对上 主讲:祭祀kah礼物祢无ài,m̄-koh祢有kā我准 备身 躯。6烧 祭kah赎 罪债,祢无kah意。7 Hit时,我 讲:Siōng-主ah,祢看,我来是beh照祢ê旨意来实 现。关 系我ê tāi-chì有记载tī册 里。(注:诗40:6-8) 8我顶 面有讲:祭祀kah礼物,烧 祭kah赎 罪 祭,祢lóng无ài,mā无kah意。虽 然chiah-ê lóng是照 律 法来 献ê,他iáu-koh án-ne讲。」9耶稣后来Koh讲:「祢看,我来是beh照祢ê旨意来实 现。」Án-ne上 主是beh废除以 前ê献 祭,beh用基督ê牺 牲来代替。10耶稣基督遵 行上 主ê旨意,只要一pái献家己ê身 躯,就够 额hō͘咱得tio̍h圣 化来归向 上 主。11犹 太 人ê祭司,ta̍k日khiā-teh来服 事上 主,一pái koh一pái献siâng款ê祭,mā永 远bē-tàng除去人类ê罪。12 M̄-koh基督献一pái就 永 远有效ê祭,然 后坐tī上 主ê正pêng,13 Tī hia thèng候上 主hō͘他ê对敌做他ê脚 踏。14通 过耶稣一pái ê献 祭,hō͘圣 化归 属主ê人永 远完 全。15圣 神mā已经kā咱做 证,他tāi先án-ne讲:16「主讲:Chiah-ê日了 后,我kah in所beh立ê盟 约是án-ne:我beh将我ê律 法khǹg tī in ê心,刻tī in ê头脑。17他继 续 讲:「我绝 对无koh记得in ê罪 恶kah不义。」(注:耶31:33-34) 18既然罪得tio̍h赦 免,就 免koh献赎 罪 祭。
咱来 亲 近上 主
19所以兄弟 姊 妹ah,咱óa靠耶稣ê流 血死 亡,就ē-tàng好胆进 入至圣 所。20耶稣通 过帐篱,就是他家己ê身 躯,为咱开一 条新ê活路。21咱已经有一位大 祭司teh治理上 主ê家。22 Án-ne咱ê心已经受 洁 净,lóng无良 心ê责 备,身 躯mā用 水洗 清 气,tio̍h用诚 实kah坚 定ê信 仰来 亲 近上 主。23咱tio̍h坚 持公 开承 认ê ǹg望,因为上 主ê应允是信实可 靠.ê。24咱tio̍h互 相关 怀来激励疼 心kah做好事。25 M̄-thang学一kóa人停 止聚 会,tio̍h互 相劝 勉。既然已经知主再 临ê日teh-beh到,koh-khah tio̍h án-ne做。26咱既然已经真 正bat真理,若故意犯 罪,就 无koh有thang赎 罪ê祭 物。27只有用惊 惶ê心来thèng候审 判,以及teh-beh吞 灭kah上 主做 对敌ê人ê热火。28违背摩西律 法ê人,若有两 三个 人做 证,就thang kā伊处 死 刑,免kā伊怜 悯。29若án-ne讲 起来,hiah-ê thún踏上 主ê Kiáⁿ,藐视hō͘ in本 身圣 化归 主盟 约ê血,koh侮 辱施恩ê圣 神ê人,lín想应 该受ê刑 罚tio̍h加jōa重?30咱 知人teh讲:「申 冤在我,我beh报应。」(注:申32:35) Koh讲:「主beh审 判他e子 民。」(注:申32:36;诗135:14) Hit位是啥 人?31陷 落永 远 活 命上 主ê手,实 在真thang惊!32 Lín tio̍h会记得过 去ê日子,lín得tio̍h光 照了 后,有忍 受交 战ê痛 苦,33有时hō͘人公 开侮 辱kah戏弄,á是kah别 人同受苦 难。34 Lín有体 贴受 关 监ê人,lín mā忍 受人抢 劫lín ê产 业,因为lín知家己有koh-khah好koh久长ê产 业。35所以m̄-thang失去lín ê勇 气,因为chit-ê勇 气会hō͘ lín大 报赏。36 Lín要紧tio̍h有耐 心,chiah ē-tàng实 现上 主ê旨意,thang领受他所应允ê福 气。37因为圣 经讲:Koh一时á久,Hit-ê teh-beh来.ê会到,bē延chhiân。38我ê子 民会通 过信 心来得tio̍h活 命,m̄-koh伊若行翻 头,我会无kah意伊。「(注:哈2:3-4) 39咱m̄是惊tio̍h chiah行翻 头soah沈 沦,咱是有信心来得救ê人。