巴克礼普世版(试读本) 希伯来书第八章
咱ê大 祭司耶稣
1我所 讲ê要 点就是:咱有chit款ê大 祭司,他坐tī天 顶至大上 主宝座ê正pêng。2他tī圣 所kah真ê会 幕teh事 奉,chit-ê会 幕是主所设立ê,m̄是人所造.ê。3每 一个大 祭司ê设立,lóng是为tio̍h献礼物kah祭祀,所以chit-ê大 祭司mā一定tio̍h有甚 么thang献。4耶稣若留tī地 上就 无做祭司,因为已经有祭司照 律 法teh献礼物。5照 律 法ê祭司所做ê服 事,只不过是天 顶帐幕ê副本kah影 像。Tú亲 像摩西beh造会 幕ê时,上 主有kā伊指示,讲:「你tio̍h谨慎,一 切tio̍h照tī山 顶我kā你指示ê款 式来造。」(注:出25:40) 6 M̄-koh chit-má耶稣已经得tio̍h koh-khah尊 贵ê事 奉,他做koh-khah好ê盟 约ê中 保。Chit-ê盟 约是用koh-khah好ê应允来设立.ê。7头 一个盟 约若无 甚 么缺 点,就无需要立第二个盟 约。8 M̄-koh上 主kā in指 责:你 看,日子teh-beh到,我beh kah以色列 人以及犹大人立新ê盟 约。9 Chit-ê盟 约无亲 像前我kah in ê祖 先所立.ê,就是khan in ê手,chhōa in出 埃及ê时所立.ê,因为in无继 续守我ê盟 约,我mā无beh看 顾in。」10主koh讲:「Chiah-ê日以后,我kah以色列 人beh立ê约是án-ne:我beh将我ê律 法khǹg tī in ê头脑,刻tī in ê心。我beh做in ê上 主,in beh做我ê子 民。11 In lóng bē koh教示in ê同 胞á是in ê兄弟 姊 妹,讲:祢tio̍h bat主,因为tùi siōng细到siōng大,in lóng会bat我。12我会赦 免in ê不义,无koh记得in ê罪 恶。」(注:耶31:31-34) 13上 主既然讲 起新ê盟 约,就hō͘头 一个盟 约变 做旧.ê。Hit-ê渐 渐旧去koh衰 退.ê就liâm-piⁿ消 失。