《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 提摩太后书第四章

作者 巴克礼普世版小组 2016.04.10

1Tī上 主(siōng-chú)kah teh-beh审 判(sím-phòaⁿ)活 人(oa̍h-lâng)kah死人(sí-lâng)ê基督耶稣(ki-tok iâ-so͘)ê面 前(bīn-chêng)，koh因为(in-ūi)基督(ki-tok)beh显 现(hián-hiān)再 临(chài-lîm)，我(góa)迫 切(pek-chhiat)吩 咐(hoan-hù)你(lí)：2 tio̍h传 福 音(thoân hok-im)，无论(bô-lūn)tio̍h时(sî)á是(sī)无(bô) tio̍h时(sî)，lóng tio̍h专 心(choan-sim)来 进 行(lâi chìn-hêng)，用 各 种(ēng kok-chióng)ê宽 容(khoan-iông)kah教示(kà-sī)，来 劝 勉(lâi khoàn-bián)、警 戒(kéng-kài)kah鼓励(kó͘-lē)。3因为(in-ūi)hit-ê时日(sî-ji̍t)beh到(kàu)，人(lâng)会(ē)m̄听(thiaⁿ)端 正(toan-chiàⁿ)ê教示(kà-sī)，颠倒(tian-tò)耳 孔 痒(hīⁿ-khang chiūⁿ)koh照 家己(chiàu ka-kī)ê私欲(su-io̍k)，聘 请(phèng-chhiáⁿ)一个(chi̍t-ê)koh一个(chi̍t-ê)in kah意(ì)听(thiaⁿ)ê老师(lāu-su)。4 In oa̍t头(thâu)m̄听(thiaⁿ)真理(chin-lí)，颠倒(tian-tò)ài听(thiaⁿ)无影 无 迹(bô-iáⁿ bô-chiah)ê传 说(thoân-soat)。5总 是(chóng-sī)你(lí)无论(bô-lūn)tī甚 么(sím-mi̍h)环 境(khoân-kéng)lóng tio̍h节 制(chiat-chè)，忍 受(jím-siū)艰 苦(kan-khó͘)，做(chò)传 福 音(thoân hok-im)ê工(kang)，来 尽(lâi chīn)你(lí)ê职 份(chit-hūn)。6 Taⁿ我(góa)牺 牲(hi-seng)献(hiàn)hō͘上 主(siōng-chú)ê期(kî)已经 到(í-keng kàu)à，chit chūn是我(sī góa)离开(lī-khui)世间(sè-kan)ê时 刻(sî-khek)。7我 已经(góa í-keng)经 历(keng-le̍k)hit-ê好(hó)ê争 战(cheng-chiàn)，已经(í-keng)完 成(oân-sêng)tio̍h跑 走(pháu-cháu)ê路 站(lō͘-chām)，已经(í-keng)坚 守(kian-siú)tio̍h持 守(chhî-siú)ê信 仰(sìn-gióng)。8 Taⁿ公 义(kong-gī)ê冠 冕(koan-bián)已经(í-keng)kā我(góa)准 备(chún-pī)好势(hó-sè)，就是(chiū-sī)主(chú)做(chò)公 义(kong-gī)ê审 判 者(sím-phòaⁿ-chiá)，tī hit日(ji̍t)beh hō͘我(góa)。M̄-nā hō͘我(góa)，mā beh hō͘所有(só͘-ū)欣 慕(him-bō͘)基督(ki-tok)再 临(chài-lîm)显 现(hián-hiān)ê人(lâng)。

私人(su-jîn)ê交带(kau-tài)
9你(lí)tio̍h尽 量(chīn-liōng)赶 紧(kóaⁿ-kín)来(lâi)我(góa)chia。10因为(in-ūi)Tí-má贪 婪(tham-loân)chit-ê世间(sè-kan)，就 离开(chiū lī-khui)我 去(góa khì)帖 撒罗尼迦(thiap-sat-lô-nî-ka)。Kek-le̍k-sū mā去(khì)加拉 太(ka-lia̍p-thài)，提多(thê-to)mā去(khì)That-má-thài。11只有(chí-ū)路加(lō͘-ka)kah我(góa)tī chia，你(lí)tio̍h chhōa马 可(má-khó)kah你(lí)做(chò)伙(hóe)来(lâi)，因为(in-ūi)伊(i)对我(tùi góa)ê工 作(kang-chok)真有(chin ū)帮 助(pang-chō͘)。12我 已经(góa í-keng)差 派(chhe-phài)推(thui)基古去(khì)以弗所(í-hut-só͘)。13我(góa)tī特罗亚(te̍k-lô-a)ê时(sî)留(lâu)tī Ka-pò͘ in tau ê外衫(gōa-saⁿ)，你(lí)来(lâi)ê时(sî)tio̍h续(sòa)带来(tòa-lâi)，mā tio̍h kā hiah-ê册(chheh)带来(tòa-lâi)，尤其是(iû-kî-sī)hiah-ê羊 皮(iûⁿ-phôe)ê册(chheh)。14 Phah铜(tâng)师傅(sai-hū)亚力山大(a-le̍k-san-tāi)kā我(góa)害(hāi)kah真 惨(chin chhám)，主(chú)会 照(ē chiàu)伊(i)ê所做(só͘ chò)来(lâi)kā伊(i)报应(pò-èng)。15你(lí)家己(ka-kī)mā tio̍h持 防(tî-hông)，in-为伊(ūi i)不 止(put-chí)极 力(ke̍k-le̍k)反 对(hoán-tùi)阮(goán)所 传(só͘ thoân)ê道理(tō-lí)。16我(góa)头 一(thâu-chi̍t)pái为家己(ūi ka-kī)辩 解(piān-kái)ê时(sî)，无 人(bô-lâng)tī我(góa)ê身边(sin-piⁿ)支持(chi-chhî)我(góa)，众 人(chèng-lâng)lóng kā我(góa)放(pàng)sak。愿(goān)上 主(siōng-chú)无(bô)kā chit-ê罪(chōe)归(kui)tī in。17 M̄-koh主(chú)kah我(góa)同 在(tông-chāi)，hō͘我(góa)有气 力(ū khùi-la̍t)thang充 分(chhiong-hun)报 扬(pò-iông)信息(sìn-sit)，hō͘所有(só͘ ū)ê外 邦 人(gōa-pang-lâng)lóng听(thiaⁿ)tio̍h。最 后(chòe-āu)我(góa)mā tùi狮(sai)ê嘴(chhùi)hông救 出 来(kiù chhut-lâi)。18主(chú)会救(ē kiù)我(góa)脱 离(thoat-lī)所有(só͘ ū)ê邪恶(siâ-ok)，mā会(ē)安 全(an-choân)chhōa我(góa)进 入(chìn-ji̍p)tī他(i)天 顶(thiⁿ-téng)ê国度(kok-tō͘)。愿(goān)荣 光(êng-kng)归(kui)他(i)，直到(ti̍t-kàu)永 远(éng-oán)无 尽(bô-chīn)。阿们(a-men)！

最 后(chòe-āu)ê请 安(chhéng-an)
19请(chhiáⁿ)替 我(thè góa)kā百 基拉(pek-ki-lah)、亚居拉(a-ku-lah)kah O-nî-sek-hut全 家(choân-ke)请 安(chhéng-an)。20 Í-lah-to͘继 续(kè-sio̍k)tiàm-tī哥林多(ko-lîm-to)，Tek-lô-hui-mô͘ in-ūi破 病(phòa-pēⁿ)，我(góa)kā伊(i)留(lâu)tī米利都(bí-lī-to͘)。21你(lí)tio̍h尽 量(chīn-liōng)tī冬 天(tang-thiⁿ)以 前(í-chêng)来(lâi)，Iú-pò͘-lô、Po͘-tiân、Lī-lô͘、Kek-ló-tia kah众(chèng)兄弟 姊 妹(hiaⁿ-tī chí-mōe)，lóng beh kā你(lí)请 安(chhéng-an)。22愿(goān)主(chú)kah你(lí)ê心 灵(sim-lêng)同 在(tông-chāi)！愿(goān)上 主(siōng-chú)ê恩 典(un-tián)kah lín同 在(tông-chāi)！